A
Ahmed Amin
:: مسافر ::
حابب اشارك تجربتي في استخراج تصريح السفر من الجيش. كالعاده طلعت على التجنيد جنب ميدان المحكمه، مصر الجديده، عشان اطلع اذن السفر. المهم اول ماشاف العسكري شهادة الجيش قالي انت طلعت خلاص بره قوة الاحتياط ومش هاينفع نطلعلك اذن سفر!!! طب والعمل؟ قالي مفيش حاجه هانعرف نعملهالك لازم تطلع شهاده تانيه انك تعامل معاملة المدنيين! ازاي؟ انا طيارتي بعد بكره بالليل. واللهي ده العندي!!!
قولتله انا عيز اكلم الظابط الهنا. المهم بعد هري كتير مكانش في حل تاني ومن هنا بدأت رحلة الفرهده...
طلعت الاول على قسم الشرطه الانا تابع ليه (الانا كنت بقدمله ورقي في الاول خالص قبل مادخل الجيش عسكري) وريته شهادة الجيش بص عنده ولقى الحمد لله مجاليش استدعاء فكتب ورقه بكده وادهالي. قالي اطلع بقه على مديرية امن القاهره. طرت على مدرية امن القاهره الهيه اصلا ماكنتش اعرف هيه فين؟! بعد الاستعانه بال gps طلعت جنب الحسين كده.
وصلت هناك حكتلهم اني خلصت فترة الاحتياط ومحتاج شهادة نهاية الخدمه. صورو البطاقه وخدو الورقه الخادتها من القسم وصورة شهادة الجيش واداني ورقه تانيه. قالي اطلع بقى على السجلات العسكريه في مدينة نصر... فين في مدينة نصر؟ طلعت اول شارع بعد واندرلاند، اخر عباس العقاد...
طلعت على هناك طلعوا شغالين من الساعه ٧:٣٠ لحد الساعه ١ الظهر...المهم رحتلهم تاني يوم الساعه ٨ الصبح، صورت شهادة الجيش المؤقته والبطاقه وبعد كده ادوني الشهاده النهائيه.(الصراحه مفيش اي فرق بنها وبين الشهاده المعايا غير ان كان لونها ابيض ومكتوب عليها يعامل معاملة المدنيين)
الهناك بقه قالولي اطلع على الجوازات عشان تطلع جواز جديد بس ده كان مستحيل عشان السفريه العاندي تاني يوم وعشان الفيزا الفي جواز السفر. الحمد لله يوميها روحت المطار بيها وضابط الجوازات بص عليها ورجعها لي تاني وختملي ختم خروج.
اول حاجه عملتها لما رجعت مصر اني خدتها وطلعت بيها على الجوازات عشان اطلع جواز جديد مكتوب فيه اخيرا 'غير مطلوب للتجنيد'
قولتله انا عيز اكلم الظابط الهنا. المهم بعد هري كتير مكانش في حل تاني ومن هنا بدأت رحلة الفرهده...
طلعت الاول على قسم الشرطه الانا تابع ليه (الانا كنت بقدمله ورقي في الاول خالص قبل مادخل الجيش عسكري) وريته شهادة الجيش بص عنده ولقى الحمد لله مجاليش استدعاء فكتب ورقه بكده وادهالي. قالي اطلع بقه على مديرية امن القاهره. طرت على مدرية امن القاهره الهيه اصلا ماكنتش اعرف هيه فين؟! بعد الاستعانه بال gps طلعت جنب الحسين كده.
وصلت هناك حكتلهم اني خلصت فترة الاحتياط ومحتاج شهادة نهاية الخدمه. صورو البطاقه وخدو الورقه الخادتها من القسم وصورة شهادة الجيش واداني ورقه تانيه. قالي اطلع بقى على السجلات العسكريه في مدينة نصر... فين في مدينة نصر؟ طلعت اول شارع بعد واندرلاند، اخر عباس العقاد...
طلعت على هناك طلعوا شغالين من الساعه ٧:٣٠ لحد الساعه ١ الظهر...المهم رحتلهم تاني يوم الساعه ٨ الصبح، صورت شهادة الجيش المؤقته والبطاقه وبعد كده ادوني الشهاده النهائيه.(الصراحه مفيش اي فرق بنها وبين الشهاده المعايا غير ان كان لونها ابيض ومكتوب عليها يعامل معاملة المدنيين)
الهناك بقه قالولي اطلع على الجوازات عشان تطلع جواز جديد بس ده كان مستحيل عشان السفريه العاندي تاني يوم وعشان الفيزا الفي جواز السفر. الحمد لله يوميها روحت المطار بيها وضابط الجوازات بص عليها ورجعها لي تاني وختملي ختم خروج.
اول حاجه عملتها لما رجعت مصر اني خدتها وطلعت بيها على الجوازات عشان اطلع جواز جديد مكتوب فيه اخيرا 'غير مطلوب للتجنيد'