اعزائي ال Travellers الكرام فيه سؤال بقالي...

[Mohamed Hesham]

اعزائي ال Travellers الكرام
فيه سؤال بقالي فتره مش قادر اوصله لاجابه وعايز مساعدتكم في اكتشاف اجابته فخلوني افكر معاكوا بصوت عالي .........
_ احنا كمواطنين مصريين عشان نسافر دول زي امريكا وكندا واستراليا ونيوزيلاندا و اليابان و دول اوروبا كلها .. الدول دي بتخلينا نلف حوالين نفسنا من كميه الطلبات الي سفاراتها بتطلبها عشان تدينا التاشيره ( Visa ) لدخول الدوله دي ... حرفيا الموضوع مرهق كمجهود و وقت وترتيبات وكفايه اووي ان الواحد يبقي مرعوب انه يترفض بعد كل المجهود الي بذله واكيد الي مر بتحضير الورق عدي عليه الاحساس ده الي هو مش عارف هتقبل ولا هترفض
_ في المقابل اي مواطن من الدول دي بيدخل بلدنا وقت ما يحب يدوب بيحجز تذكرة السفر ويوصل ياخد التاشيرة زي الباشا وبنشبله من علي الارض شيل
_ اكيد انا مدرك لمبدا قوة الدولة وبالتبعيه قوة الباسبور بتاعها بس احنا عندنا مقومات سياحيه و مزارات اثرية وشواطئ قمة في الجمال كفيله تدي قوة للباسبور بحيث اني كمواطن مصري اتعامل في الدول دي زي ما احنا بنعامل المواطنين بتوعهم .
_ امتي فعلا هقدر في يوم اعمل زيهم واحجز تذكره لاي دولة من الدول دي واخد التاشيرة لما اوصل هناك من غير عذاب السفارة وال Bank statement و خطابات العمل و واياااااااااااااااااااااام من الانتظار .. اليوم ده هيجي امتي بعد 10 سنين ولا 20 سنه ولا الجيل بتاعنا كله مش هيشوف اليوم ده ؟؟
_ وهل لو بدانا نعمل زيهم ونطبق المعامله بالمثل هيخفوا علينا الاجراءات الرخمه دي ولا مفيش امل واحنا كده كده خسرانين ؟؟؟

 

[Abdelrahman Mohie]

هتتعامل زيهم لما تاخد الفيزا ان شاء الله

 

[Nora El Sheikh]

لما إحنا كشعب نعمل لنفسنا كرامة (محدش يسألتي إزاي لأن المفروض إن الكل عارف إزاي) وساعتها بقيت الدنيا هاتحترمنا

 

[نيفين صلاح]

المهم تبعتلي ولا تاخدني معاك

 

[Zm Hashem]

بتسأل أسئله غريبه

 

[Egydecent Man]

ببساطه ها نتعامل زيهم لما نبقي دوله غير مصدره للمهاجرين و عندنا إرتباط " قوي جدا " بالبلد بمعني إننا من الصعب نسافر لدوله و ما نرجعش .
ببساطه الموضوع ليه علاقه بالمستوي الإقتصادي و الإجتماعي و الإرث الثقافي . دايما دول الغرب عندهم فرضية إن أي مسافر لدولهم من الدول الأقل منهم ( بمعايير مختلفه و ليس إقتصاديا فقط ) هو مهاجر محتمل ممكن يشكل عبأ عليهم .
مثلا دول منطقة الشنجن تدي ميزة لمواطنين الإمارات فقط دونما باقي دول الخليح إنهم يدخلوا بدون تأشيره . لكن تظل التأشيره مطلوبه من باقي دول الخليح علي أساس إن مستوي الرفاهيه و إرتباط المواطن الإماراتي ببلده قوي و لو إفترض إنه خالف أو حاول الإقامه عندهم ها يكون في اغلب الأحوال مصدر دخل للدوله مش عبإ عليها .
و لو إن ده ما بيحصلش لإن الثقافه في الإمارات ما تسمحش إن مواطنيهم يمارسوا مهن في الغرب بمستوي معين أو يتعاملوا بشكل معين ما اتعودوش عليه في بلدهم و تاريخ وجود مخالفين لمدة التأشيرات في الغرب و خاصة أوروبا يكاد يكود صفر . ده غير إن السائح الإماراتي منفق بشكل جيد .
المسأله ببساطه إن هو كده

 

[Sho Saleh]

هي دايرة مقفولة احنا اللي محتاجنهم علشان العملة الصعبة اللي بنحتاجها علسان بنستورد كل حاجة و لا ننتج و العكس هما مش محتاجين مننا غير الفسح و الاثار و دي بيلاقو نماذج منها فدول كتير .... عرض و طلب

 

[Mohamed Fathy Fahmy]

هناك المواطن عارف واجباته و حقوقه و كرامته فوق كل شئ ...انت هنا لا في كرامه ولا المواطن فاهم حاجه و البلد متنيله بستين نيله و رايحه في داهيه و الحكومه ضايعه و الريس اضيع و الدنيا خربانه ...السؤال ده اصلا غلط

 

[Mohamed Mahmoud Radwan]

امتي هتتعامل زيهم ؟؟؟ ازاي هتتعامل زيهم وانت في شباب في بلدك عندهم استعداد يموتو في مركب صيد علي أمل الوصول لشواطئ الناس دي

 

[Nevine Helmy Abdel Hamid]

للاسف احنا اللي عملنا كده في نفسنا. عدد كبير من المصريين بيبقى آخد فيزا سياحة ويروح يدور على شغل ويكسر فيزا. وفي منهم كتير بيتسول هناك للاسف وده خلى سمعة المصريين سيئة في الخارج. غير ان المعروف عن المستوى الاجتماعي والاقتصادي بتاعنا انه متدني. واي بلد عايزة اللي يروحلها يصرف فلوسه فيها مش ياخد منها. واحنا بنشيل الاجانب فوق راسنا عشان عارفين انهم حايصرفوا عندنا ومتأكدين انهم مش حايكسروا فيزا ويدوروا على شغل او يشحتوا عندنا. وعشان كده بنديهم الفيزا في المطار من غير اي اوراق مسبقة

 

[Ahmed Kafrawy]

شوف يا برنس ومن الاخر الموضوع دا اقتصادى بحت من الدرجة الاولى بمعنى لو فعلا عندنا اقتصاد قوى والناس بتشتغل كويس وكل واحد مستقر فى شغلة وبيطلع فعلا كسياحة للبلد اللى هو عايزها ومفيش كل يوم والتانى قوانيت لا تصريح لا حوارات لو عرفت تطبق الكلام دا او تشوفه دا طبعا من المستحيل ساعتها هقولك احنا هنعمل زيهم لكن وانت بتتكلم عن وضع متردى قوم الصبح قول مين عايز يروح نيوزيلاندا مثلا اقسم بالله احنا ساعتها مش هيكفينا طيران العالم عشان تنقلنا ومن الاخر مش هتلاقى واحد من مصر . لكن الدول الاوربية وامريكا بتعامل البلاد العربية على قد اقتصادها وكل ما كان اقتصادها قوى كل منعكس على بسبوره طبعا علاقة طردية بحته لكن متقليش انا مش لاقى اكل وتقولى هروح اوربا وهرجع دا على ام الترتر لكن السعودى مثلا رايح يصرف فلوسة عليهم ودا رايى المتواضع

 

[Walid Abdalla]

بالرغم أنى سافرت أوربا أكتر من مرة للدراسة.وكنت بروح وارجع وتأكدت تماما أن أى أمة عاوزة تنهض بشعبها ومواطنيها لازم تبدأ بالتعليم . ويكون تعليم محترم من الروضة علشان تنتج مواطن صالح عندة ضمير وأخلاق.وبالتالى نهضة وتقدم فى كل المجالات فى الزراعة فى الصناعة فى السياحة ...الخ .وبالشكل دة نبقا دولة متقدمة .يتعمل لمواطنيها الف حساب.ودة اللى شفتة بنفسى فى فرنسا .ومن خلال زيارتى للمدارس والجامعات.

 

[Mohamed Memo]

انت اللي محتاجهم مش هما اللي محتاجينك .. شكرا

 

[Khaled Kandel]

هما مش محتلجنا في حاجة احنا اللي محتاجينهم والعالم مش هيقف علينا الكون فيه قارات ودول غيرنا كتير

 

[Nihal Ahmed Mahmoud]

لما يكون معاك الباسبور الازرق هتقدر وقتها

 

[Samia Beltagy]

لما الدولة المصرية تحترم مواطنها
واللي جوزها يقولها يا عورة .....

 

[Osama Ahmed]

السفارات الأجنبية تعيش فى مصر وتعلم وضع الشعب المصرى جيدا وتدرك ان اغلب من يتقدم لأخذ التأشيرة سيذهب ولن يعود ،، اذن فمن حقهم فرض قيود حمايه لشعبهم الذى يدفع ضرائب الدولة
اما لو أصبحنا قوه اقتصاديه سيكون مرحب بك للغايه لأنك فى هذه الحاله مصدر دخل للدولة من جهه السياحة

 

[Ehab Bob]

نفس السؤال لكا واحد اول مرة يقدم فيزا والجواب سهل انت مشروع مهاجر مفيهاش كلام

 

[Gihan Omar]

من امتى و احنا بنسأل الاسئلة دى يا عماد !!!!

 

[Islam KHatab]

المفروض يكون في مبداء المعاملة بالمثل