سلام عليكم من زمان بحلم إني أسافر مدريد و...

[Omar Maleh]

سلام عليكم
من زمان بحلم إني أسافر مدريد و أخيراً يعني الحلم بيتحقق، هسافر أسبوع أجازه هناك و الورق كله جاهز بس المشكله إن دي أول مرة ليا بره مصر كنت عاوز أعرف أولاً إيه هي أماكن الزياره في مدريد
ثانياً ياريت حد ينصحني إزاي أتعامل مع الناس هناك و إيه هي طباعهم و عاداتهم بحيث تصرفاتي متبقاش غريبه فاهمني طبعاً
كمان مش بقدر أتكلم أسباني بس الإنجليزي بتاعي كويس.
شكراً.

 

[Ali Abdelwahab]

خدني معااك

 

[Amr Ayoub]

استخدم موقع couchsurfing وحاول تكلم ناس تقابلهم يفرجوك على البلد

 

[Ali Salah]

بحكم اني قعدت في مدريد حوالي ٤٥ يوم اقدر اقولك التالي:
-مدريد مفيهاش مزارات مشهورة عالمياً مع ذلك من أحلى المدن اللي هتروحها في حياتك.
-روح القصر الملكي والريتيرو بارك والمعبد الفرعوني المصري "ديبود" واطلع قضي يوم في توليدو.
-أحلى حاجة تعملها في مدريد انك تتمشى في وسط البلد.
-اشتري من هناك هدوم عشان هي من أرخص الأماكن.
- لو ليك في الكورة روح ستاد سانتياجو برنابيو.
-لما تيجي تاكل روح منطقة اسمها "lavapias" وكل في أي مطعم هناك هتلاقيها مطاعم رخيصة جداً والأكل من كل بلاد العالم (الأكل الأسباني مش مشهور عالمياً).
-في لابابياس دي هتلاقي مطعم سنغالي عظيم اسمه "dakar" ده الوجبة عنده ب ٦ يورو وعندو مشروب "hibiscus" يعني كركديه هيعجبك فااااشخ.

أنا روحت باريس وروما وبرشلونة وسويسرا وكرواتيا والبوسنة وبلاد تانية…مدريد احلى مكان روحته…انبسط هناك.

 

[Seif Mahmoud]

ممكن تحكي اخدت التأشيره ازاي وباسبورك ابيض ولا ايه ؟

 

[Tawfik Azer]

/One-week tour in Madrid: What to visit in seven days in Madrid city - The best places in Spain

 

[Muhammed Yehia]

واحد صاحبي عايش في إسبانيا بس مش في الجروب لو تحب اديك رقمه