من الجزائر ممكن حد زار مصر من الجزائر لو...

  • بادئ الموضوع بادئ الموضوع Saidani Nassro Nassro
  • تاريخ البدء تاريخ البدء
S

Saidani Nassro Nassro

:: مسافر ::
من الجزائر
ممكن حد زار مصر من الجزائر لو يحكيلنا او يعطيلنا ملخص للرحلة خاصة من ناحية التكاليف لاني باسمع انو مصر بلد غالية سياحيا ( مقارنة بدول اخرى) وايه ممكن عتبة المالية اللي لازم تكون معي غير حقوق الفيزا... مثلا اذا كان فيه عندي 200 دولار اذا تكفي اسبوع اولا من غير شراء اي حاجات جانبية شو ممكن اعمل بيها هناك وشكرا واعتذر اذا كان في كلامي شوية غطرسة..... محبكم
 
مفيش ياعم غطرسه يا عم ولا حاجه تنورنا والله بص بالنسبه للمصاريف دا بيعتمد عليك انت يعنى مثلا انا ممكن اقعد فى فندق 3 نجوم بدل خمس نجوم ممكن اكل كشرى بعشرة جنيه بدل ما اكل فراخ وادفع 100 جنيه
 
200 دولار يعنى حوالى 3000 جنيه واعتقد دول كفايه لمده اسبوع وممكن يتبقى معاك كمان بس دا من غير الفيزا والطيران
 
:) الله ينورك.... والله شعب هايل زي الجزايريين هههه بس انا لازم اطلع في اي وقت بالظبط ...اهل مكة ادرى بشعابها
 
احسن ناس على فكرة انا اتصاحبت على اتنين جزائريين لما كنت فى الغردقه كانو ناس محترمه ان شاء الله لما تيجى يبقا ليك اصحاب هنا كمان
 
لازم يبق ليك صاحب مصري وسهى اوي تتعرف من هنا عالجروب لان اللي ممكن تعملو ب ١٠٠ دولار ممكن لو مش عارف يكلفك ١٠٠٠
وهنافي مصر تقدر تتفسح لغاية ما فلوسك تخلص بمية دولتر تنفع وبعشر تلاق ينفع بردو
 
بص يامعلم انت تيجى فى شهر اكتوبر او فبراير ومارس بيبقا الجو حلو وهتنبسط لو بتحب البحر يبقا تروح الغردقه وتغطس ولازم تروح اسكندريه وبص تعالى القاهرة عادى بس اعتبر انك بتكفر عن ذنوبك علشان القاهرة زحمه اوى اوى اوى
 
هى السياحه ف مصر مش غالية ' بس المشكله لو اتعرف انك مش مصرى ممكن بسهولة يتنصب عليك ' ولو فكرت تنزل متروحش القاهره ولا اسكندرية ' اقولك على حاجه وده لمصلحتك متنزلش مصر '
 
ممكن تروح الغردقه او شرم الشيخ دول فيهم مطارات دوليه يعني تنزل علي هناك علطول من غير ما تعدي علي العاصمه..اهم الانشطه هناك كل الانشطه البحريه..في المتوسط ٤٠٠ دولار لاسبوع شامل الفندق والمواصلات والوجبات طبع وفي اقل طبعا بس دي من احسن الحاجات ....ولو عايز اثار بقي وكده يبقي الاقصر واسوان...اسوان بلد جميله جدا جداا...في عرض لمركب مجهزه زي فندق عائم في النيل بيتحرك من الاقصر لاسوان لمده ٣ ايام مثلا شامل الوجبات برضه هتبقي حوالي ١٠٠دولار ولا حاجه...هما فيهم برضه مطارات دوليه اقصد الاقصر..معامله الناس في المحافظات دي حلوه جدا واحسن من العاصمه عشان متعودين علي السياح...العاصمه ممكن متتبسطش فيها من الزحمه
 
لو القاهرة يبقى اي من عيد الفطر او الأضحى بتبقى فاضية و جميلة. ٢٠٠ دولار في اسبوع في مصر اكل و فسح حلو جدا جدا، لو الفندق في ال٢٠٠ ممكن تحتاج تزود كمان
 
200$ يعني تقريبا٣٥٠٠ مصري
المبلغ دا ممكن يكفيك أسبوعين بالفندق لو عايز تلف ف القاهره وإسكندرية، لو هتنزل محافظات تانيه زي الأقصر او شرم هتحتاج تضيف عليهم شويه تاني
اما لو عايز، مصر حلوه جدا ولو حابب اني أساعدك ف برنامج تمشي عليه تحت امرك علشان متفوتش حاجه، كلمني لما تنزل نخرج، انا ف القاهره الْيَوْمَ كله عليا ولا يهمك ف حاجه، هتنورنا
 
ممكن تنزل اسكندرية وتقعد فالمنشيه في فندق العرب ب 50 ج لليله هتصرف فالاسبوع 350 سكن ومواصلات داخليه لو ركبت مشروع هتدخل ف 150 مثلا يبقي 500 وتاكل عند شعبان سمك مشوي او مقلي حوالي 60ج بالرز والسلطه او 100 ج لو هتاخد معاه جمبري ونوع باقي الايام كل كشري من عند انا ميدو وكل فراخ مشوية وهتروح المنتزه الشاطئ هناك تحفه هتصرف لك 100ج بالمشروبات ويوم تروح العجمي كشاطئ وملاهي هتصرف بردوا 100 ولا 150 ويوم تروح مكتبه اسكندرية وتقعد علي كافيه سلسله،، ويوم تروح كبري ستانلي وتقعد في شاطئ ال هناك الموضوع كله مش هيكلفك 1500 هتزيط لو بالحسبه بتاعتي
 
مصر مش غالية خالص خلال اسبوع ممكن يكفيك 100 دولار كمان مش 200 بس غير شاملة الاقامة
100 دولار يعني حوالي 1700 جنيه مصري
يكفوك قاهرة وجيزة واسكندرية واقصر واسوان
تنقلات واكل بس يعني مش لازم تاكل افخم الاكلات ولا تركب تاكسي خليك ف المواصلات العامة مش وحشة اوي يعني ف إسكندرية مثلا حلوة و ف القاهرة للاماكن السياحية حلوة وطول مانت ماشي دايما اسال وحاول تتكلم مصر عشان الناس تفهمك مقصدش حاجة بس للاسف المصريين مش بيفهموا لهجات المغرب العربي كويس
ودايما اسال هنا عالجروب وانت ف مصر عن مثلا المطاعم الرخيصة واكلها كويس عن حاجات تانية كتير ودايما الناس هنا هتفيدك
تنورنا ان شاء الله
 


أكتب ردك...