كنت معلش بفكر اروح في العيد الجيزة منطقه...

[Noha Mohamed Mashaal]

زحمة فى العيد تقريبا

 

[Hana Ahmad]

الهرم فيه نصب بالهبل والمكان مرهق وبهدلة جدا فالحر ....خليكي فالحسين وممكن تروحي المتحف الزراعي أو المصري أو الاسلامي وتركبي مركب فالنيل فالتحرير حلوين.وابعدي عن العيد حيبقي زحمه

 

[Haidy Khattab]

بلاش افضل في العيد
و بلاش لو لوحدك
مش مشكلة الزحمه علي اد ما مشكلة التحرش و القرف

 

[Zain Eddine]

نصيحة بلاش الهرم في العيد ولو مصممة تبقى هناك الساعة 7 بالظبط لحد 9 كده ومتركبيش اي حاجة الا لما تتفقى على السعر

 

[هادي محمد]

اركبي سوبر جيت او تويوتا و انزلي اخر الصحراوي او انزلي عند الموقف قبل مطلع المحور و اركبي مكروباس للهرم او ممكن تنزلي عند داندي مول بعد البوابات و تركبي من هناك تاكسي للهرم علي طول

 

[Mohamed Sabry]

نصيحه بلاش

 

[Mostafa Fahmi]

حضرتك لو ركبتى من اسكندرية تويوتا هتنزلك قدام الاهرامات
الحسين علشان تروحيه اطلبى اوبر احسن علشان مفيش حاجة مباشرة
لو عايزة مواصلات هتركبى لمترو الجيزة ومنه هتركبى المترو لغاية العتبة وتطلعى تركبى من جنب كوبرى الازهر اى سوزوكى رايحى الازهر هتلاقى الازهر على يمينك والحسين وشارع المعز على شمالك

بس طبعا انا مع نصيحة انك تخليكى بعد العيد علشان الزحمة وقلة الادب اللى بتحصل

 

[Hosam Fouad]

بصي احنا اسكندرانيه زي بعض .... اول نصيحه بلاش تسالي اي حد في الشارع ...
ثانيا بلاش بتركبي تاكسي .. بلاش تركبي تاكسي ....
خلي تحركاتك كلها بالمترو اركبي اوبر ب ١٠ او ١٥ جنيه من الحسين لمحطه المترو واركبي المترو المكان اللي رايحاه ....

وانتي رايحه القاهره اركبي اتوبيس سوبر جيت او جو باص او ميكروباص من الموقف الجديد هرم .... هيوديكي قريب جدا الاهرامات

نصيحه اخيره بلاش القاهره في العيد وبلاش اللاهرامات اصلا ...

عايزه تتفسحي فسحه حلوه قضيها مولات زي مول العرب مول مصر ستي ستارز كايرو فيستيفال .... احنا غلابه فب اسكندريه معندناش مولات .

 

[Mostafa Fahmi]

بلاش مولات فى العيد

 

[Mohamed Elezaby]

اعتقد الاهرامات في العيد تغلق للمصريين حصلت معايا من حوالي سبع سنين معرفش دلوقت ايه النظام

 

[Mo Melegee]

الاهرام مفتوحة عادي ف العيد يستحسن يكون جروب 3 او 4 ع الاقل الجو هيبقي حر طبعآ بس الرحلة مش هتاخد اكتر من ساعه او ساعه و نص و طبعآ لو ف شمسية بيكون افضل
هتركبي من عندك للموقف الجديد محرم بيه و م هناك تويوتا هرم مشعل هتنزلي ش الهرم تنقي تاكسي كويس تتفقي معاه يطلعك لحد بوابة الهرم م ناحية ميدان الرماية و ده شرط عشان الزحمة و المضايقات هياخد تقريبآ 10 جنيه و ممكن 15 عشان العيدية و كده
تذكرة الدخول ب 10 جنيه و بلاش تقطعي دخول جوه الهرم نفسه عشان ملهاش اي لزمة
هتعدي البوابه و تدخلي جوه هيبقي ف أمن موجود ف كل حتة
برضه هتنقي حد شكله كويس يتفقلك مع بتاع كارتة ع لفة حوالين الاهرامات و ابو الهول هتكون ف حدود 200 جنيه تقريبآ و طبعآ بالفصال
هيقف عند الهرم التاني و تنزلي تتصوري و انتي ماسكة الهرم و كده
و هتروحي ابو الهول صورة ع الماشي و يرجعك مطرح ما ركبتي

 

[Mo Melegee]

تخرجي م نفس البوابة ع رجلك و تنزلي المنزل و تاخدي ميكروباص جيزة او مترو و تاخدي المترو للعتبة و تطلعي تركبي سوزوكي ينزلك قدام الحسين تلفي و تتمشي شوية و تتفرجي و بعدين تنقي مكان تتغدي و تقعدي شوية و بعدين تاخدي تاكسي ل رمسيس و م هناك تويوتا ترجعك اسكندرية بالسلامة