P
Ph Moataz Tag Elmelouk
:: مسافر ::
رحلة ماليزيا
بداية سلام عليكم ......أنا حابب ان اكتب بوست لأسباب كتيرة
1-اكتب تجربة سفري لماليزيا ودي اول مرة سفر ليا كسياحة برة مصر في شهر العسل
2- النبي عليه الصلاة والسلام قال : من لم يشكر الناس لم يشكر الله
فأنا حابب أشكر بشمهندس بهاء اللي نظملي الرحلة من أولها لاخرها....شهادة حق رحلة تنظيمها رائع وكان معانا والله حتي في أي وقت في اليوم لو بعتله رسالة الصبح بدري مع العلم ان كان في فرق توقيت كبير حوالي 5 ساعات بين ماليزيا وبينه يعني عنده بيكون الفجر.
فحابب اشكره علي الجروب علي تنظيمه الرائع وذوقه وخدمته الممتازة ودعمه ليا أثناء الرحلة من أول دقيقة وصلت لاخر لحظة فيها
☆بداية الرحلة كانت مدتها 10 أيام
أولا: قعدت في جزيرة لانكاوي الرائعة خمس أيام واربع ليالي
بلد هادية جدا وفي منتهي الجمال....طبيعة خلابة وفيها أماكن كتيرة علي فكرة تتزار علي الرغم من صغر مساحتها جدا
بداية بالتليفريك الشهير هناك وفيه هناك نشاطات ومتاحف أخري مشمولة بتذكرة دخول التليفريك
أيضا الشلالات ، جزر المانجروف حديقة الفواكه وحديقة الحيوانات وغيرها من المزارات الجميلة في لانكاوي.
ثانيا : مرتفعات جنتنج وروعتها وقعدت فيها 3 أيام و ليلتين.....بصراحة كل مكان كنت بروح فيه الواحد بيحس انه عالم بجد لوحده.....الناس دي عرفت تستغل كل شبر في بلدها وتستغل حتي الطبيعة الربانية اللي ممكن ناس تاني تكون عندها مجرد غابات وأشجار وخضرة جميلة بالتأكيد لكن استغلال بالشكل الأمثل والأروع ده ترفع لهم القبعة فعلا.
المكان فيه تليفريك في منتهي الجمال بيطلعك لقمة جنتنج......اللي فيها عالم لوحده تاني بداية من سكاي أفينيو مول وفي القمة برده مجموعة مطاعم كتير جدا للي جابب ياكل وفي تسوق ، في مجموعة فنادق فوق.
من رأيي ان في حاجة مهمة ماينفعش تفوتك.....في سكاي افينيو مول وهي : عالم التلج
وفي جنتنج لما تنزل علدي وتروح فندقك في تحت اماكن جميلة برده زي حديقة الفراشات و حديقة النحل ، حديقة الفراولة ومتجر الشيكولاتة الشهير هناك جدا وطبعا أهم وامتع شئ في جنتنج وهو التلفريك.
ثالثا : كوالالمبور العاصمة والمدينة الأكبر بفنادقها العملاقة وقعدت فيها 4 أيام و 3 ليالي
طبعا فيها أماكن كتيرة جدا أهمها طبعا :
البرجين التوأمين ، وشارع العرب المعروف ببوكيت بينتانج اللي كله فعلا عرب
السوق الصيني وطبعا برده مجمعات كتيرة جدا للتسوق زي برجايا تايم سكوير وغيرها من الاماكن الجميلة والمجمعات الموجودة في شارع العرب بس أنصح عن تجربة شخصية بالتسوق من برجايا أسعاره رخيصة ومناسبة جدا وفي حاجات جميلة.
وبكل تأكيد اللي بعتبره من أجمل الأيام هناك علي الإطلاق وهو يوم sunway lagoon أكبر وأشهر ملاهي في كوالا.....حاجة في منتهي الجمال وألعاب جميلة جدا ومدينة ألعاب مائية والبلبطة في الماية للصبح وحديقة حيوانات برده كبيرة جواها وحاجات تانية كتير .
طبعا في أتوبيس هوب اون هوب أوف ده بيلففك علي اشهر معالم ماليزيا بداية من شارع العرب لشارع الهنود...بتحس انك ف الهند بالظبط والشارع متروس هنود مرورا بالجامع الرئيسي في كوالا وحديقة حيوانات كبيرة جدا وغيرها من الاماكن ونهاية بالبرجين التوأمين.
التجربة كانت رائعة الحمد لله واللي كان بيفكر يروحها ومتردد يروح واكيد هاتعجبه لانها رحلة حلوة وتستحق التجربة
ياريت أكون برده أفدتكم واسف اكيد علي الإطالة
بداية سلام عليكم ......أنا حابب ان اكتب بوست لأسباب كتيرة
1-اكتب تجربة سفري لماليزيا ودي اول مرة سفر ليا كسياحة برة مصر في شهر العسل
2- النبي عليه الصلاة والسلام قال : من لم يشكر الناس لم يشكر الله
فأنا حابب أشكر بشمهندس بهاء اللي نظملي الرحلة من أولها لاخرها....شهادة حق رحلة تنظيمها رائع وكان معانا والله حتي في أي وقت في اليوم لو بعتله رسالة الصبح بدري مع العلم ان كان في فرق توقيت كبير حوالي 5 ساعات بين ماليزيا وبينه يعني عنده بيكون الفجر.
فحابب اشكره علي الجروب علي تنظيمه الرائع وذوقه وخدمته الممتازة ودعمه ليا أثناء الرحلة من أول دقيقة وصلت لاخر لحظة فيها
☆بداية الرحلة كانت مدتها 10 أيام
أولا: قعدت في جزيرة لانكاوي الرائعة خمس أيام واربع ليالي
بلد هادية جدا وفي منتهي الجمال....طبيعة خلابة وفيها أماكن كتيرة علي فكرة تتزار علي الرغم من صغر مساحتها جدا
بداية بالتليفريك الشهير هناك وفيه هناك نشاطات ومتاحف أخري مشمولة بتذكرة دخول التليفريك
أيضا الشلالات ، جزر المانجروف حديقة الفواكه وحديقة الحيوانات وغيرها من المزارات الجميلة في لانكاوي.
ثانيا : مرتفعات جنتنج وروعتها وقعدت فيها 3 أيام و ليلتين.....بصراحة كل مكان كنت بروح فيه الواحد بيحس انه عالم بجد لوحده.....الناس دي عرفت تستغل كل شبر في بلدها وتستغل حتي الطبيعة الربانية اللي ممكن ناس تاني تكون عندها مجرد غابات وأشجار وخضرة جميلة بالتأكيد لكن استغلال بالشكل الأمثل والأروع ده ترفع لهم القبعة فعلا.
المكان فيه تليفريك في منتهي الجمال بيطلعك لقمة جنتنج......اللي فيها عالم لوحده تاني بداية من سكاي أفينيو مول وفي القمة برده مجموعة مطاعم كتير جدا للي جابب ياكل وفي تسوق ، في مجموعة فنادق فوق.
من رأيي ان في حاجة مهمة ماينفعش تفوتك.....في سكاي افينيو مول وهي : عالم التلج
وفي جنتنج لما تنزل علدي وتروح فندقك في تحت اماكن جميلة برده زي حديقة الفراشات و حديقة النحل ، حديقة الفراولة ومتجر الشيكولاتة الشهير هناك جدا وطبعا أهم وامتع شئ في جنتنج وهو التلفريك.
ثالثا : كوالالمبور العاصمة والمدينة الأكبر بفنادقها العملاقة وقعدت فيها 4 أيام و 3 ليالي
طبعا فيها أماكن كتيرة جدا أهمها طبعا :
البرجين التوأمين ، وشارع العرب المعروف ببوكيت بينتانج اللي كله فعلا عرب
السوق الصيني وطبعا برده مجمعات كتيرة جدا للتسوق زي برجايا تايم سكوير وغيرها من الاماكن الجميلة والمجمعات الموجودة في شارع العرب بس أنصح عن تجربة شخصية بالتسوق من برجايا أسعاره رخيصة ومناسبة جدا وفي حاجات جميلة.
وبكل تأكيد اللي بعتبره من أجمل الأيام هناك علي الإطلاق وهو يوم sunway lagoon أكبر وأشهر ملاهي في كوالا.....حاجة في منتهي الجمال وألعاب جميلة جدا ومدينة ألعاب مائية والبلبطة في الماية للصبح وحديقة حيوانات برده كبيرة جواها وحاجات تانية كتير .
طبعا في أتوبيس هوب اون هوب أوف ده بيلففك علي اشهر معالم ماليزيا بداية من شارع العرب لشارع الهنود...بتحس انك ف الهند بالظبط والشارع متروس هنود مرورا بالجامع الرئيسي في كوالا وحديقة حيوانات كبيرة جدا وغيرها من الاماكن ونهاية بالبرجين التوأمين.
التجربة كانت رائعة الحمد لله واللي كان بيفكر يروحها ومتردد يروح واكيد هاتعجبه لانها رحلة حلوة وتستحق التجربة
ياريت أكون برده أفدتكم واسف اكيد علي الإطالة
