A
Akram Abdel Hamid
:: مسافر ::
إلا من رحم ربي... المصريين بيسافروا برا بكل مشاكلهم وعقدهم الإجتماعية، وعلى سبيل المثال لا الحصر بيخافوا جدا من الحسد، وبيحبوا المنظرة والأرعنة والفشخرة وبيتنططوا على بعض، ولسه بتوع مظاهر فارغة زي بتقبض كام، ساكن فين، بتشتغل ايه، مؤهلك ايه، ولو حس إنك أقل منه هينفض لك أو يعاملك بقرف.. وياسلام بقى لو محتاج منه أي حاجة حتى لو سؤال هيعاملك كإنك جربان وخايف تعديه، ولو عايزه يتف في وشك قوله انك عايز تشتغل في نفس مجاله... المسيحيين والمسلمين مابيحبوش بعض برا البلد ومش طايقين بعض وكل واحد فاكر التاني بينافسه في بلده الجديدة وجاي يعكنن عليه.. المسيحيين بره بيساعدوا بعض (نسبيا) ومترابطين أكتر من المسلمين..
من الأخر كله بيقول يالا نفسي بلا قرف ولاد بلدي انا ماصدقت سيبت البلد وقرفها أقوم ألاقيهم جايين ورايا هنا... طبعا الامر بيختلف لو كان الوافد الجديد ده غني أو بيشتغل شغلانة حلوة في شركة حلوة هتلاقي الناس حواليه وبتخطب ودّه..
أي حد مهاجر وعايش برة هيأكد الكلام ده بصفة عامة.. وطبعا هناك استثناءات..
الوضع مختلف لما تكون مسافر فسحة كام يوم هتلاقي الكل بيساعدك وينصحك...
من الأخر كله بيقول يالا نفسي بلا قرف ولاد بلدي انا ماصدقت سيبت البلد وقرفها أقوم ألاقيهم جايين ورايا هنا... طبعا الامر بيختلف لو كان الوافد الجديد ده غني أو بيشتغل شغلانة حلوة في شركة حلوة هتلاقي الناس حواليه وبتخطب ودّه..
أي حد مهاجر وعايش برة هيأكد الكلام ده بصفة عامة.. وطبعا هناك استثناءات..
الوضع مختلف لما تكون مسافر فسحة كام يوم هتلاقي الكل بيساعدك وينصحك...
O
Omar Ameen
:: مسافر ::
بردوا مش بالصوره اللي هضرتك شايفها كده و يمكن بس تجربتك الشخصيه فيها شوية صعوبات او كده لكن بشكل عام انا لقيت الكويس و الوحش من كل الجنسيات و بنفس النسب تقريبا لكن الفكرة انك ما بيبقاش ده العشم في ابن بلدك فدي اللي بتزعل شويه بس طبيعي تلاقي فيه من الناس الكويسه و الوحشه عادي جدا
O
Omar Ameen
:: مسافر ::
استاذ اكرم ده رايك و انا احترمه لكن معلش كل واحد بيعمله باصله و حضرتك لما بتعامل بتعامل ربنا و ربنا هواسندك فوق اي ارض و تحت اي سماء مش اي حاجه تانيه و التعميم مش صح هوا في ناس وحشه و ناس كويسه و انا لو شايف ان كل الناس بتعاملني وحش الصراحة هراجع نفسي قبل ما اعد اقول الناس كلها بقت وحشه يمكن العيب فيا و في اسلوبي ممكن متكنش وحش بس طيب زياده لدرجة السذاجه و ممكن تكون شخصيه صعبه و مش حاسس بنفسك و ممكن تكون مجادل و ممكن مزعج و متطلب و هراي ممكن حجات كتير تقرف الناس منك و تخليهم يعاملوك وحش غير انهم يكونوا في زات نفسهم ناس وحشه ممكن انت باسلوبك تفرض عليهم المعامله دي بسبب مشاكل فيك انت نفسك
A
Akram Abdel Hamid
:: مسافر ::
سهل جدا نشخصن الامور ونسطحها أو ندفن راسنا في الرمل ونقول فيه ناس حلوة وناس وحشة ونتعامى عن عيوبنا اللي أغلب الدنيا شايفاها إلا إحنا بننفيها..
قول لي مدينة واحدة في العالم فيها أغلبية مصريين وبدأت بشوية صغيرين وبعدين بعتوا لبعض وكونوا نواه مصرية لحد ما بقوا أغلبية..؟؟
بلاش مدينه خليها حي..
المثال ده موجود لجاليات تانية في أغلب دول العالم فتلاقي مدن بالكامل أغلبيتها هنود أو باكستانيين أو صينيين او كوريين وشرق أسيويين وحتى صوماليين..
قول لي مدينة واحدة في العالم فيها أغلبية مصريين وبدأت بشوية صغيرين وبعدين بعتوا لبعض وكونوا نواه مصرية لحد ما بقوا أغلبية..؟؟
بلاش مدينه خليها حي..
المثال ده موجود لجاليات تانية في أغلب دول العالم فتلاقي مدن بالكامل أغلبيتها هنود أو باكستانيين أو صينيين او كوريين وشرق أسيويين وحتى صوماليين..