يا شباب هي هونج كونج مش محتاجة تأشيرة ؟ طيب هل...

[Mohamed Kenawy]

يا شباب هي هونج كونج مش محتاجة تأشيرة ؟ طيب هل في تصريح سفر ليها طيب

 

[Luely Eg]

F

 

[Mohamed K. Elnabwy]

بص يا غالى يا تاخد تأشيرة دخول من هنا يا متروحش انا معايا واحد زميلي معاه الجرين كارد وراح اوربا شنجن واتمنع من الدخول مع انه كان فعلا اسبوع اجازة ومعاه حجز الفنادق وكل حاجه سليمة فا بلاش تروح وتسيبها للظروف الجواز المصري مشكلة وللعلم كان معاه زوجته

 

[Samar Gahazly]

م

 

[Luna Omar]

انا كنت حاطة سايت هنا للباسبور المصرى..مكتوب من غير تاشيرة...بس ماعنديش فكرة عن التصريح الامنى

 

[Maha Fawzy]

هونج كونج من غير تأشيرة على فكرة روح ومعاك تصريح أمنى احتياطى سهل جدا دخول هونج كونج لو عنددك حجز

 

[Maha Fawzy]

انا فى شهر ٨ اللى فات روحت ومع جوز اختى واختى وعادى جدا

 

[Mohamed Hamed]

ملهاش فيزا محتاجة بس تصريح جيش لو انت ف سن التجنيد انا لسه راجع من أسبوع

 

[Ahmed Moustafa]

انا رحت اكثر من مره مش بيسالوا على حاجه بس غاليه ناااار

 

[Lina Elmelegy]

عادي انا روحت بدون تاشيره و لاتصريح كلام دا شهر 12 بس بيرخمو في مطار اهم حاجه معاك فلوس و طلع حتي فيزا و حجوزاتك و تكت رجوع

 

[نادى جمعه]

ازايه

 

[Ashraf Saad]

مش محتاجة تأشيرة من هنا وما تصدقش اي كلام يتقال , انا دخلتها بتأشيرة من حدودها البرية مع الصين مدتها 90 يوم ومش بيختموا الباسبور لكن عبارة عن تكيت بيتدبس مع الباسبور وكان معايا 2 سعوديين واحنا داخلين الحدود اعطوهم 30 يوم لكل واحد و كانوا مستغربين جدا ازاي هما ياخدوا مده اقل مني !! لكن عموما احنا كلنا ماطولناش اكتر من 3 ايام علشان الاسعار غالية فشخ , فلو عاوز تروح لازم يبقى معاك فلوس صح الصح

 

[Ashraf Saad]

صورة عالحدود بين هونج كونج و الصين لحظة الحصول على التاشيرة

 

[Adel Qadri Raslan]

احجز فندق وطيران رايح جاي واتكل علي الله وماحدش اصلا هيسألك علي أي حاجة ..انا كنت هناك شهر 5 اللي فات مفيش حاجة ماتخافش ان شاء الله

 

[Adel Qadri Raslan]

ومفيش تاشيرة ولا ختم باسبور...هو تيكيت صغنون خالص مكتوب عليه المدة والبيانات ويحطهولك جوة الباسبور وخلاص

 

[Moh Mah]

ملهاش فيزا بتاخد ورقه صغيره كده ولا تحتاج الي تصريح امني