M
Mona Maher
:: مسافر ::
خلونا يا جماعة نتفق على حاجة مهمة جداً:
أي تجربة ما ينفعش نعمم نتائجها على الجميع
يعني مش علشان حد راح مكان وما اتبسطش يرجع يقول للناس اوعوا تروحوا هناك دي مقلب.
ولو اتبسط ما ينفعش يقول للناس لازم تروحوا هناك وإلا هيفوتكوا كتير.
السفر بالذات كل تجربة منفردة بذاتها
في عوامل كتير بتأثر على مدى استمتاعنا بأي سفرية ، أهمها:
١- التخطيط
٢- التوقيت
٣- الصحبة
١- التخطيط: المفروض الواحد قبل ما يسافر أي مكان يعمل دراسة وافية عنه ويعرف ايه الأماكن اللي لازم بروحها
ولو حد غاوي أي أنشطة معينة زي مثلاً
Hiking, rafting, biking برضة
يدرس كل الكلام ده علشان يعرف يخطط رحلته صح ويستفاد أقصى استفادة
٢- التوقيت
أكيد طبعاً المواسم السياحية في أي بلد بتكون مرتبطة بالجو
فما تروحش كندا في يناير ودرجة الحرارة -٣٠ تحت الصفر وترجع تقول بلد كئيبة ومملة
أو تروح دبي في في شهر ٧ أو ٨ ودرجة الحرارة ٥٠
أوالهند في موسم الأمطار الموسمية وترجع متنكد وتقول ما حدش يروح
وبما ان الموسم السياحي في أي بلد مرتبط بامتى الجو كويس وبالتالي أسعارة بتكون أغلى فممكن الواحد يسافر شهر قبل أو بعد الموسم ده
يعني لو الموسم في أوروپا شهر ٧ و ٨
يبقى ممكن نخلي السفر في شهر ٦ او ٩
هتفرق كتير في الأسعار وفِي الزحمة
٣- نيجي بقى لأهم حاجة في الموضوع ده
الصحبة
أكيد لو الصحبة اللي معاك حلوة فده ممكن يهون عليك حاجات كتير
الواحد حتى لو مسافر مع أصحابه
مش كل الأصحاب هيكونوا شخصية واحدة ودماغ واحدة ممكن شخص واحد في المجموعة يعكنن على المجموعة كلها
الواحد فعلاً ما بيعرفش الناس كويس غير لما يعاشرهم في سفر
فعلشان فعلاً الواحد ينبسط لازم يطلع مع ناس يكون ليها نفس الدماغ ونفس التفكير
انا شخصياً لما باسافر مع الست الوالدة في مرحلة ما لازم الرحلة تقلب بغم
ولو حد ما عندوش مشكلة انه يسافر لوحده يبقى ميت فل تجربة تستحق فعلاً
ويا رب تجاربكم في السفر تكون دايماً سعيدة
#نهاركم_سعيد
أي تجربة ما ينفعش نعمم نتائجها على الجميع
يعني مش علشان حد راح مكان وما اتبسطش يرجع يقول للناس اوعوا تروحوا هناك دي مقلب.
ولو اتبسط ما ينفعش يقول للناس لازم تروحوا هناك وإلا هيفوتكوا كتير.
السفر بالذات كل تجربة منفردة بذاتها
في عوامل كتير بتأثر على مدى استمتاعنا بأي سفرية ، أهمها:
١- التخطيط
٢- التوقيت
٣- الصحبة
١- التخطيط: المفروض الواحد قبل ما يسافر أي مكان يعمل دراسة وافية عنه ويعرف ايه الأماكن اللي لازم بروحها
ولو حد غاوي أي أنشطة معينة زي مثلاً
Hiking, rafting, biking برضة
يدرس كل الكلام ده علشان يعرف يخطط رحلته صح ويستفاد أقصى استفادة
٢- التوقيت
أكيد طبعاً المواسم السياحية في أي بلد بتكون مرتبطة بالجو
فما تروحش كندا في يناير ودرجة الحرارة -٣٠ تحت الصفر وترجع تقول بلد كئيبة ومملة
أو تروح دبي في في شهر ٧ أو ٨ ودرجة الحرارة ٥٠
أوالهند في موسم الأمطار الموسمية وترجع متنكد وتقول ما حدش يروح
وبما ان الموسم السياحي في أي بلد مرتبط بامتى الجو كويس وبالتالي أسعارة بتكون أغلى فممكن الواحد يسافر شهر قبل أو بعد الموسم ده
يعني لو الموسم في أوروپا شهر ٧ و ٨
يبقى ممكن نخلي السفر في شهر ٦ او ٩
هتفرق كتير في الأسعار وفِي الزحمة
٣- نيجي بقى لأهم حاجة في الموضوع ده
الصحبة
أكيد لو الصحبة اللي معاك حلوة فده ممكن يهون عليك حاجات كتير
الواحد حتى لو مسافر مع أصحابه
مش كل الأصحاب هيكونوا شخصية واحدة ودماغ واحدة ممكن شخص واحد في المجموعة يعكنن على المجموعة كلها
الواحد فعلاً ما بيعرفش الناس كويس غير لما يعاشرهم في سفر
فعلشان فعلاً الواحد ينبسط لازم يطلع مع ناس يكون ليها نفس الدماغ ونفس التفكير
انا شخصياً لما باسافر مع الست الوالدة في مرحلة ما لازم الرحلة تقلب بغم
ولو حد ما عندوش مشكلة انه يسافر لوحده يبقى ميت فل تجربة تستحق فعلاً
ويا رب تجاربكم في السفر تكون دايماً سعيدة
#نهاركم_سعيد