A
Ashraf Gawdat
:: مسافر ::
أحسن طريقة القطر طبعا .. جميل ورخيص. في سالزبورج طبعا هتركب التليفريك تطلع بيه على الجبل ده أساسي .. وغير كده في أكتر من رحلة ممكن تاخدهم .. في رحلة الأماكن اللي اتصور فيها فيلم ساوند أوف ميوزيك .. وفي رحلة للجبال البافارية bavarian mountains ومناجم الملح .. ولو في يوم كمان ممكن تروح كهف Eisriesenwelt أكبر كهف جليدي في العالم
H
Hossam E. Naguib
:: مسافر ::
O
Omnia Ibrahim
:: مسافر ::
أنا للأسف بره دلوقتي فهقولك معلومات اللي فكراها لحد ما ارجع واكتبلك الاسماء بالضبط.
في فيينا روحت محطة القطار الداخلي، لأن فيه محطتين في فيينا فلازم تطلب أنك تحدد أنهي قطارات اللي عايزها.. هل محطة لقطارات أروربا ولا محطة لقطارات داخل النمسا...
هناك فيه شركتين بتطلع لساليزبرج.. أنا ركبت الشركة اللي قطارها لونه أخضر في أبيض ودي شركة ميزتها أنك بتقطع التذكرة وأنت جوه القطار فعليا وتقعد في أي مكان يريحك ولو مفيش مقاعد بيكون فيه مكان لطيف ونضيف بين عربيات القطار مش كراسي بل كنب كدا.
عندهم امكانية الدفع كاش او كريديت عن طريق محصل لطيف بيمر عليك وبيديلك تذكرتك وأنت قاعد بدون أدنى مشكلة
فيه واي فاي مجانا، ولو عايز تاكل حاجة فيه كافتيريا صغيرة جوه القطار وهتلاقي المنيو بتاعتها جنبك على الكرسي.. بالإضافة انك هتلاقي مكان لشحن الموبيل بالكهرباء.. في منيو الكافتيريا كانوا عاملين رسمة لخط سير القطار بشكل لطيف بحيث تعرف أسماء المحطات.
الشركة التانية هي الشركة الوطنية ودي لازم تحجز قبلها بشوية بيوم أو أكتر..
لما توصل اخر الخط وهو ساليزبرج احفظ انت نزلت على انهي رصيف او خد له صورة بالموبيل علشان في الرجوع متقعدش تدور كتير.. في المحطة ادخل مكتب الاستعلامات هناك موظفين هيدولك خريطة للمكان واشهر اماكن حلوة للزيارة وارقام الحافلات اللي توديك وترجعك.. مفيش مترو هناك بل كله اتوبيسات.. الافضل تشتري كارت ساليزبرج ودا بيديك تخفيضات كتيرة على كل معلم سياحي والركوب المواصلات مجانا.. انا جبت بتاع 24 ساعة بس لأني مكنتش هقعد اكتر من كدا.. ملحوظة سريعة لو اضطريت تحجز اوتيل هناك اعرف انه اغلى من فيينا الضعف فأعمل حسابك.
بالنسبة لأماكن الزيارات، فيه بيتين لموتسارت لأنها بلدته أساسا.. انا اتمشيت في المدينة وعلى جانب النهر.. المدينة مقسمة لمدينة القديمة والمدينة الحديثة والفاصل بينهم النهر... كانت التمشية عظيمة لأن وقتها كانت أسواق الكريسماس للاستعداد لرأس السنة.. وكمان وجود الموسيقيين اللي بيعزفوا في الشارع كان رائع..
هناك قلعة بيطلع لها عن طريق مصعد.. بياخدك لسطح القلعة وهناك بتلاقي دكان صغير بيقدم حاجات سخنة ولو عايز فيه مطعم بس انا حبيت الدكان أكتر.. نصيحة اطلع قبل الغروب بوقت كافي لان هناك هتشوف اجمل غروب ممكن..
بالنسبة للأكل انا مدخلتش مطعم رغم وجود مطاعم هناك كتيرة ولكن كان فيه سوبرماركت كبير اشتريت منه سندويتش وميه بأسعار أقل.
اه قبل ما انسى قبل ما تسافر ابقى اسأل آخر قطار بيغادر لفيينا امتى.. اعتقد ان الشركة دي لو فاكرة صح كان ليها قطار كل ساعة والطريق بياخد وقت اعتقد مش اقل من 3 ساعات.
في فيينا روحت محطة القطار الداخلي، لأن فيه محطتين في فيينا فلازم تطلب أنك تحدد أنهي قطارات اللي عايزها.. هل محطة لقطارات أروربا ولا محطة لقطارات داخل النمسا...
هناك فيه شركتين بتطلع لساليزبرج.. أنا ركبت الشركة اللي قطارها لونه أخضر في أبيض ودي شركة ميزتها أنك بتقطع التذكرة وأنت جوه القطار فعليا وتقعد في أي مكان يريحك ولو مفيش مقاعد بيكون فيه مكان لطيف ونضيف بين عربيات القطار مش كراسي بل كنب كدا.
عندهم امكانية الدفع كاش او كريديت عن طريق محصل لطيف بيمر عليك وبيديلك تذكرتك وأنت قاعد بدون أدنى مشكلة
فيه واي فاي مجانا، ولو عايز تاكل حاجة فيه كافتيريا صغيرة جوه القطار وهتلاقي المنيو بتاعتها جنبك على الكرسي.. بالإضافة انك هتلاقي مكان لشحن الموبيل بالكهرباء.. في منيو الكافتيريا كانوا عاملين رسمة لخط سير القطار بشكل لطيف بحيث تعرف أسماء المحطات.
الشركة التانية هي الشركة الوطنية ودي لازم تحجز قبلها بشوية بيوم أو أكتر..
لما توصل اخر الخط وهو ساليزبرج احفظ انت نزلت على انهي رصيف او خد له صورة بالموبيل علشان في الرجوع متقعدش تدور كتير.. في المحطة ادخل مكتب الاستعلامات هناك موظفين هيدولك خريطة للمكان واشهر اماكن حلوة للزيارة وارقام الحافلات اللي توديك وترجعك.. مفيش مترو هناك بل كله اتوبيسات.. الافضل تشتري كارت ساليزبرج ودا بيديك تخفيضات كتيرة على كل معلم سياحي والركوب المواصلات مجانا.. انا جبت بتاع 24 ساعة بس لأني مكنتش هقعد اكتر من كدا.. ملحوظة سريعة لو اضطريت تحجز اوتيل هناك اعرف انه اغلى من فيينا الضعف فأعمل حسابك.
بالنسبة لأماكن الزيارات، فيه بيتين لموتسارت لأنها بلدته أساسا.. انا اتمشيت في المدينة وعلى جانب النهر.. المدينة مقسمة لمدينة القديمة والمدينة الحديثة والفاصل بينهم النهر... كانت التمشية عظيمة لأن وقتها كانت أسواق الكريسماس للاستعداد لرأس السنة.. وكمان وجود الموسيقيين اللي بيعزفوا في الشارع كان رائع..
هناك قلعة بيطلع لها عن طريق مصعد.. بياخدك لسطح القلعة وهناك بتلاقي دكان صغير بيقدم حاجات سخنة ولو عايز فيه مطعم بس انا حبيت الدكان أكتر.. نصيحة اطلع قبل الغروب بوقت كافي لان هناك هتشوف اجمل غروب ممكن..
بالنسبة للأكل انا مدخلتش مطعم رغم وجود مطاعم هناك كتيرة ولكن كان فيه سوبرماركت كبير اشتريت منه سندويتش وميه بأسعار أقل.
اه قبل ما انسى قبل ما تسافر ابقى اسأل آخر قطار بيغادر لفيينا امتى.. اعتقد ان الشركة دي لو فاكرة صح كان ليها قطار كل ساعة والطريق بياخد وقت اعتقد مش اقل من 3 ساعات.