A
Ashraf Gawdat
:: مسافر ::
البنك بيحط عمولة بتكون كمتوسط 4% على المشتريات. ده في حد ذاته عيب .. زائد العيب التاني إن الكريدت كارد له ليميت .. سواء ليميت المعاملات بعملة أجنبية أو ليميت الكارت نفسه .. يعني ممكن الكارت الليميت بتاعه بره مصر 10 الاف دولار مثلا .. لكن الكارت نفسه الليميت بتاعه 18 ألف جنيه يعني ألف دولار .. فهيبقى ده آخرك في التعامل بالكارت .. إلا لو حد في مصر سددلك في الكارت أو عملت له تحويل أون لاين من حسابك علشان يرجع يبقى فيه رصيد وتعرف تستخدمه تاني
في حل تاني ممكن تدرسه ولو أحسن بالنسبة لك اعمله. لو معاك الفلوس دولار أو يورو كاش ممكن تفتح حساب دولار أو يورو حسب العملة اللي معاك وتطلع عليه كارت ديبت Debit Card مربوط بالحساب .. تقدر تستخدم الكارت ده بره كمشتريات عادي جدا .. وساعتها انت مش مسافر بكاش خايف عليه يتسرق وفي نفس الوقت البنك مش هياخد منك عمولة تحويل لأن الكارت بنفس العملة .. وكمان الليميت بتاعك على قد رصيدك في الحساب .. حاطط 10 الاف دولار يبقى الكارت هيشتري معاك لغاية 10 الاف دولار
طبعا أنا باتكلم عن تجربة لأني عملت كده فعلا وكل مصاريفي بره عملتها بالكارت ده. بعد لف واستقصاء أحسن بنك تعمل فيه حساب كده هو CIB لأسباب كتير ممكن افصلهالك لو تحب. لو هتعمل الحل ده خد معاك برضه الكريدت كارد وشوية كاش احتياطي .. لأن لو لا قدر الله الكارت اتسرق مثلا ممكن تكلم البنك توقفه .. لكن هتصرف منين؟
في حل تاني ممكن تدرسه ولو أحسن بالنسبة لك اعمله. لو معاك الفلوس دولار أو يورو كاش ممكن تفتح حساب دولار أو يورو حسب العملة اللي معاك وتطلع عليه كارت ديبت Debit Card مربوط بالحساب .. تقدر تستخدم الكارت ده بره كمشتريات عادي جدا .. وساعتها انت مش مسافر بكاش خايف عليه يتسرق وفي نفس الوقت البنك مش هياخد منك عمولة تحويل لأن الكارت بنفس العملة .. وكمان الليميت بتاعك على قد رصيدك في الحساب .. حاطط 10 الاف دولار يبقى الكارت هيشتري معاك لغاية 10 الاف دولار
طبعا أنا باتكلم عن تجربة لأني عملت كده فعلا وكل مصاريفي بره عملتها بالكارت ده. بعد لف واستقصاء أحسن بنك تعمل فيه حساب كده هو CIB لأسباب كتير ممكن افصلهالك لو تحب. لو هتعمل الحل ده خد معاك برضه الكريدت كارد وشوية كاش احتياطي .. لأن لو لا قدر الله الكارت اتسرق مثلا ممكن تكلم البنك توقفه .. لكن هتصرف منين؟