A
Ahmed Magdy Ali
:: مسافر ::
بص الموضوع بسيط، انت بتشتغل سنة وتحوش وتحاول تمسك نفسك شوي وتسافر، ولما بتسافر برضه مش بتصرف كتير، يعني بتقلل مصاريفك ع قد متقدر، اكل وشرب بتمسك نفسك برا وكدة كدة الموضوع مؤقت فاستحمل، غير انك بتقعد في هوستيل او مع صحابك فالسكن بيتقسم عليكم، مش لازم فندق ورفاهية، الفندق للنوم والاستحمام فقط، ممكن تستخدم Couch Surfing. فبكدة تقعد عند حد من اهل البلد ببلاش مقابل تبادل خبرات، ده غير الشوبينج مش لازم تبهدل نفسك شوبينج يعني مجرد تذكارات، والطيران احجز قبلها بفترة وافية حتوفر كتير جداً
O
Omar Ameen
:: مسافر ::
بص مع احترامي للناس اللي مش عارف هما بيهزروا و لا بيتكلموا بجد هوا مش لازم عشان تكون رحاله تكون وارث او عندك عماير و ماجرها مع ان دي طريقه مش غلط بردوا . و ربنا يزيد الناس من فضله و يبارك لهم ... لكن فيه ناس طبيعيه بتشتغل و تسافر النمازج علي كده كتير منها اللي فعلا فري لانسر و منها اللي بيسافر بحكم طبيعة شغله فيها سفر و منها اللي بيسافر عادي و بيستغل حجات متاحة لكل الناس بس هيا قرار و كل واحد بيعمل اللي بيناسبه و في ناس بتوفر قدر المستطاع في تكاليف السفر بطرق كتيييير جدا و في ناس بتعرف تكسب اصلا من سفرها مش بس تقلل تكاليفه و كل موضوع من دول عايز بوست لوحده او فيديو كمان عشان يبقي اوضح دور علي جوجل هتلاقي طرق كتير جدا انك تبقي رحاله و حتي لو كنت مجرد موظف تقليدي في كول سينتر مثلا مع احترامي لكل الناس و خلي بالك ان ناس كتيييير من اللي بتشوفها سافرت بالخمسين و الميت دوله بيكونوا لحقوا قبل التعوييم و فعلا الموضوع بقي اصعب شويه دلوقتي بس مش مستحيل ...
D
DrGamal Abdel Aziz
:: مسافر ::
بالنسبه للناس الى بتسافر طريق الشغل دى مش سياحه لانه ممكن يقعد فى البلد شهر وما يشفش ولا مكان او يكون قاعد فى قريه بعيده عن المدينه الى بيسافر بزنس ده برضه مش سياحه لان هدفه الريئسى هو ان تكون الرحله باقل تكلفه حتى يكون العايد منها كبير ويسال فى ذلك الناس الى بتسافر تركيا او الصين
A
Ahmed Abd Elbaset
:: مسافر ::
بص يا ابني بعد التعويم الناس اللي انت بتشوفهم بيسافرو كتير اوي دول ينقسمو لنوعين يا اما واحد وراث محلين من ابوه بياجرهم بيجيبولو 20 ولا 30 الف في الشهر يا اما واحد اصلا عايش و بيشتغل في اوروبا فمرتبه كويس باليورو يعني ملوش علاقة بقصة التعويم و كمان هوا عايش في اوروبا فيقدر يسافر كل ويك اند بلد يقعدلو فيها يومين لان البلاد كلها في اروربا قريبة وممكن يروحها بالاتوبيس ،، لكن تبقى متخيل انك بتقبض 3000 ولا 5000 جنيه و هتحوش وتسافر ده اسمه وهم