S
Sherif Mahmoud
:: مسافر ::
شوف يا دكتور ، عندك" الشيخ وفيق" ده معروف بالحلويات رز بلبن وأم على والحاجات دى ، فيه برضو مطعم اسمه البان سويسرا ده من علامات اسكندريه ، وانا عن نفسى بحب اروح كافيه اسمه البن البرازيلى ليه فرعين واحد فى محطه الرمل والتانى جمب مكتبه اسكندريه كافيه حلو جدا وكل حاجه فيه جوه ليها علاقه بالبرازيل .
A
Abdallah Mousa
:: مسافر ::
الاول يا معلم لازم تروح بحري والانفوشي وتشوف القلعة وتاكل عند الشيخ وفيق وبعدين تنزل محطة الرمل هتلاقي كل حاجه هناك كافيهات زي إمبريال و البن البرازيلي و تريانون ومتنساش شارع فؤاد ومطاعم شارع فؤاد و شارع النبي دانيال وبياعين الكتب ع الرصيف و طبعا لازم تركب الترام وتنزل الشاطبي عند المكتبة لانك مينفعش تكون هنا و متروحش المكتبة وهناك برضو في كافيهات كويسة جدا و مطاعم وبعد كده في قهوة بلدي إسمها حمودة ملهاش حل و البان سويسرا ده للاكل في كامب شيزار وعندك الكورنيش تتمشي بقا شويه لحد ما توصل ستانلي تتصور هناك وتكمل لحد سان ومتنساش في ف جليم مطاعم و كافيهات تحفه ولما توصل سان خد لفه ف المول و عدي علي ستار بكس خد قهوتك هناك ده الافضل وبعد كده تطلع ع المندرة هناك بقا تدخل المنتزة هتعجبك وممكن تكمل وتدخل المعموة الشاطئ تحفه برضو وعندك سموحه دي من عند سيدي جابر هتلاقي هناك كل حاجه وممكن تنزل بلازا بالمرة تعيش حياتك .... طولت عليك وكمان اكيد نسيت حاجات كتير ... وفي بيدج اسمها اروح فين؟ إسكندرية ادخل عليها وتواصل معاهم وهيعرفوك كل حاجه ويساعدوك في تحركاتك واهلا بيك في اليكس ✌