ارجوكم محتاج حل انا نفسي اروح فرنسا احضر...

[Mina Eldaba]

ارجوكم محتاج حل
انا نفسي اروح فرنسا احضر الكريسماس هناك وكل اوراقي موجودة والمشكلة الوحيدة اللي ممكن تواجهني هي خطاب hr لان مرتبي صغير جدا في الشركة هل ممكن لو قدمت اترفض بسبب المرتب ولخبراء السفر ايه حل المشكلة دي انا مش عايز ازور اوراق وفي نيتي ارجع ومش هكسر فيزا

 

[Mohamed Gamal Gemy]

والمهنه ايه اصلا فى الباسبور ؟
كشف الحساب فى حدود اد ايه

 

[Mina Eldaba]

كشف الحساب 70 الف والمهنة ادراي بمستشفي

 

[Mina Eldaba]

مشكلتي الوحيدة في المرتب لان الشركة مش هتوافق تذورلي مرتب وهتحط المرتب الحقيقي ودا اللي مقلقني من التقديم

 

[Helal Helal]

تعالى اعملك hr

 

[Samar Gahazly]

م

 

[Nader Nader Nader]

يا مينا هم عارفين في السفارة ان المرتب مش كل حاجة اعتمد علي حسابك ويكون علية عمليات سحب وإيداع وروح قدم بس أكيد هيسالك فلوسك دي بتحصل عليها اذاي

 

[هادي محمد]

اي شركة سياحة ممكن تعملك hr انك شغال عندهم بس طبعا بياخدو مصاريف

 

[Hossam Abd Ellatif]

ممكن يا جماعه تقولوا ان عندكم شغل إضافي او تجاره حره مع شريك او انك تملك عقار له ايراد شهري - ممكن حد يقولنا ايه رأيه فى الكلام دا

 

[Ayman El Semry]

اثبت ان لك دخل اخر يعني ماجر شقه ملك لك عندك ارض زراعية ......
بس نصيحه بلاش ضرب ورق لأنك لو انكشفت انسي شنجن خالص

 

[Mohamed Fathi]

فكك من حوار ضرب الورق لأنهم بيطلبوا حاجة اسمها برنت تأمينات بتبقى ورقةة مكتوب فيها مرتبك اللى انته مؤمن عليك به لأنهم عندك مش شرط يكونوا مأمنين عليك بنفس الرقم اللى انته فعليا بتقبضه بيبقى لو كده أقل عشان يوفروا
لو عندك اى ملكية حتى لو عربية او شقة باسمك خد ما يثبت ده معاك
خلى ورقك كامل و اوعى تكذب لأنهم لو قفشوك بتحور هيعشيعوك
قل لهم انك رايح تحضر الكريسماس هناك هما عايزين اللى يروحوا سياح ينفعوهم مش عرب يقعدوا و يتجوزوا

 

[Katy Mina]

برنت التامينات ده غير الرقم التاميني ؟؟ لاني قدمت الرقم التاميني وجبته من التامينات والمعاشات مكتوب فيه الرقم التاميني بتاعي لكن مش مكتوب فيه المرتب انا اخصائيه صحافه واعلام وكتبت مرتبي في ال hr ١٣١٠ معرفتش ازوده عن كده بس كشف الحساب عالي وعليه سحب وايداع

 

[Mohamed Fathi]

برنت التأمينى غير الرقم التأمينى .. الرقم ده كلنا عارفينه زى البطاقة كده ليها رقم مابيتغيرش لكن البرنت التأمينى ورقة مكتوب فيها رقمك التأمينى و شغالة فين و مؤمن عليكى بكام

 

[Mohamed Galal]

بص اهم حاجة هو كشف الحساب (bank statement) مَش مشكله المرتب هم عارفين ان المرتبات في مصر قليله كمان انا اخدت فرنسا وكان حسابي ٤٠٠٠٠ و امريكا ٢٠٠٠٠ فمتقلقش وتوكل علي الله وقدم اهم حاجة اخر ٦ شهور في الحساب يكون فيه ايداع وسحب

 

[Kemo Ibrahim]

Up

 

[Sarah Mahmoud]

هو رحله زي دي تتكلف كام

 

[Osama Arab]

اكتب ال HR Letter من غير متكتب المرتب

 

[Kareem Elbasyouny]

aham 7aga en el 7esab 3aleh 7araka ..