استفسار مهم يا جماعه انا مسافر كمان شهر و...

[Ahmed Samir]

استفسار مهم يا جماعه

انا مسافر كمان شهر و لسه واخد شهاده الاعفاء النهائي من الجيش و الباسبورت بتاعي مكتوب فيه في سن التجنيد التأشيره جات عالباسبور الحالي ومش عاوز اغيره و لسه في صالح لحد ٥ ديسمبر ٢٠١٨ اعمل ايه علما انه كدا التجنيد قالولي نلكش اذن سفر لانك خدت اعفاء نهائي هل ممكن يحصل مشكله وانا مسافر

ارجو الافاده للاهميه يا جماعه

 

[Moutaz Mohamed]

تاخد شهاده الاعفاء و انت مسافر و خد صوره منها مع الاصل

 

[Reham Mahmoud Gamal Eldin]

لازم الشهادة طبعا اخويا رجع مرتين من المطار بسبب الحوار ده

 

[Walid Said]

اعتقد بتروح الجوازات بالإعفاء ويختملك الجواز غير مطلوب

 

[Muhammad A. Darweesh]

Moutaz Mohamed
انت يا ادمن جاوبت الاجابة المفيدة ، اقفل بقي البوست ده خلينا نشوف اكل عيشنا في البوستات بقي عندنا بوستات كتير

 

[Walid Mekky]

طالما نهائى. و بدل ما كل شوية تاخد الشهادة معاك!!! اطلع على الجوازات و معاك الشهادة حيختمولك على الباسبور ختم "غير مطلوب للتجنيد" و بكدة خلاص الباسبور بس اللى تروح بية المطار و تريح دماغك

 

[Sh A DY Melad]

بتاخد الاصل والصوره وبتسلم الصوره للجوازات وبيطلع علي الاصل وبتسافر عادي

 

[Ahmed Samir]

شكرا جزيلا يا حضرات

 

[Hassan Elbaz]

هتروح بالباسور الجوزات وهيختمهولك بختم
غير مطلوب للتجنيد

 

[Mohammed AlRaie]

بس يا سيدي أنا حصل معايا نفس الموقف و يبقي معاك الشهادة و نسخة منها و بتروح الجوازات و يتم الإطلاع علي الأصل و هيتم إلغاء القديم من عندهم و يختموا عليه و تدفع مصاريف الباسبور الجديد و تروح بعد ثلاثة ايّام ان شاء لو عايز مساعدة أو استفسار اتفضل موجود و بيكتبوا غير مطلوب في موقف التجنيد
Ahmed Samir Elaarag

 

[Omar Abdalla]

بتاخد الاعفاء معاك وانت مسافر واعمل نسخه مختومه طبق الاصل بالمره من قسم الشرطه علشان لو رخموا وقالوا عاوزين نسخه