السلام عليكم .. انا عارفه ان معظم الناس هنا...

[Israa Mowafi]

السلام عليكم ..
انا عارفه ان معظم الناس هنا بتسافر دول تانيه و الموضوع فيه صرف يعني
بس هسأل لو عايزه اخرج في اسكندريه عايزه بروجرام كويس بدل ما اضيع الوقت في الاستكشاف ..
و اكيد هيجي يوم و أشاركم تجربتي لاحدي الدول يعني

 

[Shimaa Magdy]

تعالي وانا اخليكي تقضي يوم حلو

 

[sara Mostafa]

و عليكم السلام و رحمة الله
تنورى طبعاً بس الأيام دى لحد آخر 8 زحمة جداً
و نصيحة تعالى شهر 9 و كلمينى عرفينى ميزانيتك و انا اعملك البروجرام

 

[Mohammed Abd Elkader]

/Egyptian Foodies
ده احلى بروجرام ممكن يتعمل في إسكندرية

 

[Mohamed Ramadan Al Hamzawy]

اولا صباح الخير مبدايا كنت داخل اقولك بروجرام بس انت حظك حلو الاساتذه كمان هيستقبلوك
عموما في كام نصيحه لو حبيتي تنزلي اسكندريه
اول حاجه زي ما قالوا ابعدي عن شهر ٨ بيبقي زحمه
ابعدي عن خالد ابن الوليد وميامي لانه تمركز المصييفين وصدقيني مش هي دي اسكندريه
اكيد طبعاً هتزوري المنتزه لو معاك عيله يكون افضل
في اماكن حلوه كتير بس ده علي حسب مود حضرتك بتحبي مثلا سينما يبقي عندك سان استيفانو والسيتي سنتر
بتحبي الاكل البحري يبقي سيبك من الاسامي المشهوره
الا لو روحتي قدوره القديم اللي علي الترام قريب من القلعه مش اللي علي البحر ابعدي عن حوده جندل
في محل بتاع اسماك في المكس قدام الفنار القديم هرفع الصوره بتاعته
ده قدام الفنار الاكل علي البحر وطازه جدااااااً اسمه اسماك اللول
عاوزه تنزلي بحر يبقي ابعدي عن اسكندريه لان البحر تم احتلاله بنجاح بخاصه ميامي العصافره وسيدي بشر
ممكن تشوفي شواطئ جوا المنتزه افضل
روحي بحري بالليل قوووووي بعد اتنين تلاته بالليل هتستمتعي جدااااً
اسكندريه جمالها بالليل
وابقي جربي تنزلي اسكندريه في الشتا هتعرفي اسكندريه الحقيقيه

 

[Mohamed Ramadan Al Hamzawy]

ده شكل المكان بسيط جدااااً
بس تحفه وللعلم في اسكندرانيه نفسهم ميعرفوش مكانه

 

[Ahmed Mohamed]

f

 

[Raouf Elghazally]

.

 

[Mina Edwer]

عايز تعمل اية في اسكندرية بالزبط وخلي بالك انا ممكن اخليك تصرف في اسكندرية قد اللي هتصرفة برا عادي برضو

 

[Andria Samir]

طب بسم الله الرحمان الرحيم كدا
نبدأ بفطار البان سويسرا عشان ربنا يباركلنا في اليوم
بس الفكرة في التفاااصيل
يعني هتطلبي ايه و ازاي ده اهم من الاوردر نفسه
و ده عن خبرة عشان انا اشتغلت هناك

 

[Randa Rizk]

يجنن let's go

 

[Mohamed Ramadan Al Hamzawy]

يا جماعه الخير بعد الاقبال الجماهيري علي المطعم بتاع المكس
وبعد ما قلبت التابلوه بتاع العربيه وطلعت ورق يرجع تاريخه الي العصر الحجري
لقيت الكارت بتاع المكان
افتكروني بس بدعوه حلوه

 

[Muhammad Mahmoud Toma]

هتكلم عن ازي تروح إسكندرية با 110 جنيه
طبعا مستغربين بس هقولكم ⁦⁩⁦⁩

اولا ايه ارخص موصله من القاهره لي إسكندرية هي القطر التذكرة من القاهرة لسكندرية با 10جنيه انا مصدقتش زيكم بس مصر لسة بخير هو القطر بيتحرك اساعة 7.15 بظبط من المحطه بيقف في محطه اسمها محطة مصر بيخد 3ساعات فا هتوصل علي 10.15 بظبط

بتنزل هتلاقي علي طول مكرباص بيقول ميامي دة
با 4.5جنيه

هيوديك لحد الكورنيش هتنزل اقرب مكان في الكورنيش اول مهتنزل هتلاقي علي طول مكتبة إسكندرية
لازم تروح المكتبة من جوه حاجة واهم من الاخر يعني دخول المكتبة با 3جنيه و المكتبة بتقفل اساعة5

طبعا روحت اسكندرية لازم تاكل كبدة اسكندراني في واحد اسمه هاريدي جنب المكتبه علي طول هو مشهور اووي
بيبيع كبدة من الاخر الرغيف با 2 جنيه قول هتاكل 5 دة حاجة كبيرة يعني يا 10جنيه اه صح الاسكندريان مش بيحطه طحينة علي الكبدة فا اطلبه منهم

روحت المكتبة وكلت كويس هتكون جت اساعة 12.30
هتروح علي الكورنيش هتلاقي اي مكرباص با 2جنيه قوله القلعة هتروح قلعة قايتباي الدخول با 5جنيه للطلبة هتقضي وقت حلو اوي جوه و صور وكدة بقي هتكون جت اساعة 2.30

هتروح تطلع تاني علي الكورنيش هتركب مكروباص تقول كوبري استانلي دة اشهر كبري في اسكندرية دة اي فيلم اتعمل في إسكندرية لازم يخده مشهد علي الكوبري دة المكرباص هيخد منك 2 جنيه هتقضي وقت حلو جدا وهتكون جت اساعة 3.30

لازم بعد كل دة نقعد اقدم البحر شوية و بحر إسكندرية لازم تقعد و تستمتع شوية و لو ليك في القراءة زاي خدلك رواية وعيش شوية بعيد عن الدوشه والزحمة
بص هتمشي بظبط من الكوبري لحد المكان اللي في الصورة دي 10 دقائق بظبط مكان تحفه عيش شوية و هدي اعصابك علشان هتعمل كام حاجة مجنونة كدة بعد البحر

اساعة هتكون جت 6 هتطلع علي الكورنيش تاني هتلاقي ايه بقي يا معلم اوتوبيس من بتوع انجلترا اللي بدورين متفتكرش نفسك في انجلترا لا دة في إسكندرية لازم تركب الاوتوبيس دة هتركب و تقوله نزلني شارع خالد ابن الوليد و الاوتوبيس دة اسمع مكرباص عادي يعني با 7جنيه

هتنزل هتلاقي علي طول محل اسمه ابن حميدو دة اشهر من نار على العلم هنروح إسكندرية منغير مناكل سمك مش هينفع
هتخش هتلاقي في المنيو واجبة محترمه با 35جنيه كلت

جنبه علي طول حد بتاع ايس كريم اسمه عزة دة مشهور اووي في إسكندرية لازم تاكل ايس كريم منه حاجة حلوة اوي با 10جنيه بس
هتخد الايس و تروح علي البحر تاكل بامذاج

كلت الايس هتلاقي حد بياجر عجلات لازم تركب عجلة كدة وتلف بيها اسكندرية هتستمتع جدا كنت ساعة با 10جنيه

بعد كل دة هتلاقي جت اساعة 10 تقدر تتحرك علي المحطة بتعت القطر علشان تلحق رحلة 11.15 هتركب اي مكروباص رايح محطة مصر با 4.5 جنيه هتنزل وتركب القطر با 10جنية و حمدالله علي السلامة

ملحوظه
مبلغ 110جنيه دة انا مكونتش مراتبله خالص هي جت كدة انا كنت راكب القطر علي اساس التذكرة با 60جنيه و حاجات من كدة و مكونتش فاكر الاسعار رخيصة في إسكندرية مدة

‏#منقووول

 

[Hamdy Mousa]

تعااي معايا ماليزيا

 

[Soso Mandour]

انشر تجربتك الشخصيه في فسح اسكندريه بلاش البوستات اللي من ايام زمان

 

[Samia Sa]

يا ريت لو حد يقول بروجرام لعيله هيبقى فيها ناس كبيره بالسن
حاجه كده جنب المكتبه والقلعه.

 

[Samah Fathy]

Amal Gohar

 

[Mohamed Ramadan Al Hamzawy]

@nevin

 

[Hamdy Mousa]

ومرسي مطروح حلوة اوي

 

[Mohammad Shehata]