سؤال معلش دلوقت انا الحمدلله ربنا وفق و خدت...

  • بادئ الموضوع بادئ الموضوع Dr-Loai Bahgat
  • تاريخ البدء تاريخ البدء
عرض العطلة
D

Dr-Loai Bahgat

:: مسافر ::
#1
سؤال معلش
دلوقت انا الحمدلله ربنا وفق و خدت الشنجن من سفارة ايطاليا
المشكلة ان فيه فرق يوم فى التاريخ
يعني انا رايح تدريب لمدة اسبوع
و الدعوة و حجز الفندق يبدأ من يوم 30 عشان نبدء شغل تاني يوم علطول .. دلوقت بقي الشنجن جايالي تبدأ من يوم 31
و اليوم ده طبعا هيفرق معايا كتير في الشغل و التدريب
اولا فيه حل؟
ثانيا: هل معني ان الشنجن يوم 31 ده معناه ان مينفعش اطلع من مطار القاهرة لايطاليا غير يوم 31 و لا معناه ان مطلعش من مطار ميلان نفسه لداخل ايطاليا غير يوم 31 .. معلش سؤال لولبى شوية بس ممكن يفرق معايا كتير ف الترتيبات بتاعتي؟
 
عرض العطلة
#6
صلاحة الفيزا بتكون للدخول مش للسفر , يعني المهم وصولك هناك يبقي في اول ساعة من يوم الصلاحية بغض النظر السفر كان امتي .
 
#8
لا يجوز مطلقا ان تخرج من مطار القاهرة قبل منتصف ليله ٣٠ بثانيه واحدة و لو طلعت تدفع عنك شركه الطيران اللى وصلتك غرامه ماليه مهوله .
و لن تدخل الإتحاد الأوروبى إلا بتوقيت التأشيرة بالثانيه و لا مجال للتفاهم
 
عرض العطلة
#15
حجز التذكره يكون فجر يوم ٣١ غير
كده محدش هيسمح بالسفر
مثل
Mohmamed reda
يا تغير الفيزا بسرعة يا تمشي علي طيارة يوم 31/الساعة00.05 وتوصل هناك فجر نفس اليوم وتلحق شغلك
 
عرض العطلة
#16
مع أحترامي لأراء الجميع كنت مسافر ايطاليا بتاريخ 12/5 والفيزا تاريخ دخولها 13 /5 رفضوا رفض قاطع ورجعوني من المطار الطياره راحت عليه وقولتلهم طيب هقعد في المطار الكام ساعه دول رفضوا نصيحه مني لاتغامر
 
#18
الفيزا تبدأ من يوم ٣١ الساعة ١٢.٠٠ .. لو حتوصل قبل كدة بدقيقة مش حيطلعوك من المطار .. لكن لو ميعاد وصولك ايطاليا ١٢.٠١ تقدر تسافر يوم ٣٠ بالليل عادي ✋
 
#19
شكرا لكل من حاول المساعدة .. انا اتصلت بالمطار و اخيرا ردوا بعد يومين مبيردوش ع التليفون
المهم قالولى انها بترجع للظابط بس بنسبة كبيرة مممن يرفض ف الافضل يبقي الاقلاع بتاع الرحلة من القاهرة يوم 31 مش 30 لتجنب اى مشاكل

شكرا كمان مرة للناس كلها
و اتمني ناس تانيه تستفيد من الموقف ده
 
عرض العطلة
عرض العطلة
أعلى أسفل
عودة
قائمة