T
Tareq Mamdouh
:: مسافر ::
جورجيا .. شباك علي الجنة <3 <3
--------------------------------
هأحكي لكم هنا عن مغامرتي في جورجيا .. المختلفة شوية ☺
وصلت جورجيا .. قضيت يومين في العاصمة وكنت مرتب مع ناس من دول تانية اننا نبدأ رحلة هايكنج مع بعض مدتها من 4-5 ايام ، اتعرفنا علي بعض من خلال موقع ممتاز مهتم بالهايكنج في جورجيا وهو www.caucasus-trekking.com
اتقابلنا في العاصمة تبيليسي وحجزنا قطر النوم من تبيليسي ل "زوغديدي" ومن زوغديدي ميكروباص ( بيسموه "مارشوتكا" ) لحد وجهتنا الأخيرة وهي "ميستيا"
ميستيا قطعة من الجنة .. في وسطها القلاع اللي اتبنت من مئات السنين لأغرض التأمين والحرب والنهر بيجري في وسطها وجبالها بتحضن السحاب في علاقة حب ورومانسية أبدية !! :* <3
قضينا يومين في ميستيا ،بزيادة يوم عن المحسوب له عشان توقعات الجو كانت بتقول ان هيحصل مطر شديد وعواصف رعدية في اليوم المخطط التحرك فيه، طبعا آثرنا السلامة وأخدنا برأي التوقعات.
اتحركنا في اليوم التالت ، عشان نبدأ رحلة الأربع أيام ،أول يوم من ميستيا لقرية اسمها تسفيرمي ، كان يوم شاق وحصل فيه أمطار غزيرة بس كان ممتع ،ووصلنا وجهتنا وبيتنا في جيست هاوس بسيط عبارة عن بيت ريفي ومجهز لاستقبال السياح كنوع من مصدر الدخل بالنسبة لهم.
واليوم التاني من تسفيرمي لقرية أديشي ، والتالت من أديشي لقرية إبرالي ،مغامرات كتير وزحاليق ومواقف صعبة وأجزاء نمشيها جوه غابات كثيفة وأجزاء كتير في منحدرات تبلغ زاويتها أحيانا 60-70 درجة ، وكلاب تجري علينا وبعدين تصاحبنا وتمشي معانا 15 كيلو لحد القرية اللي رايحينها
لحد أصعب جزء في المغامرة ، عبور نهر تصل درجة حرارة الماء لحوالي 2 مئوية ، ده حقيقي فعلا لأن النهر مصب مباشر لذوبان قمة جليدية، وقوة اندفاع المياه جامدة فعلا ودي نقط الخطورة التانية ، ولازم تعدي حافي ، وشايل شنطتك ال backpack اللي هيه تقيلة جدا لأن فيها كل حاجتك
المهم بعد استكشافات واستطلاع آراء الفرق حددنا أقل نقطة خطورة والحمد لله عبرنا ^_^
بعدها كملنا الطريق لإبرالي ومنها اختصرنا الطريق لوجهتنا النهائية اللي هي "أوشغولي"
أعلي قرية في أوروبا من حيث الإرتفاع .
تاني يوم أخدنا طريق العودة لمستيا ومن مستيا لزوغديدي ومن زوغديدي لتبليسي ومن تبليسي مباشرة ل "كازبيجي" واحدة من أجمل البقاع وأكثرها شهرة في جورجيا.
ده كان يوم كامل في المواصلات من ظهر اليوم لحد ظهر اليوم اللي بعده ، ودي حاجة من أهم صفات سفر ال backpackers "مش مهم تتعب أد ايه ، المهم توصل"
بيتنا يوم في كازبيجي وخططنا نطلع تاني يوم بدري في اتجاه القمة الجليدية gergeti glacier ونوصل لحد ارتفاع 3000 متر وده كان تحدي مقارنة بالوقت اللي قطعنا فيه المسافة وزاوية الانحدار والارتفاع المكتسب ، اتحركنا من ارتفاع تقريبا 1700 متر لنقطة البداية ، ووصلنا لارتفاع 3030 متر في حوالي 4 ساعات
وعند إرتفاع 3000 متر وأنا بأنهج ، لقيت معني من معاني الحياة ، واحد جنبي علي عكاز وعنده حالة بتر في الساق ، وطالع ويمكن سابقني كمان !!
ما قدرتش الا اني أسلم عليه وأحييه وأبدي إعجابي الشديد بيه والتقاط صورة معه .. وعرفت انه من إيران.
---------------------
ملخص بسيط لبعض قياسات رحلة الهايكنج فقط
إجمالي المسافة المقطوعة سيرا علي الأقدام : 120 كم
إجمالي الوقت : 7 أيام
أقصي أرتفاع : 3030 م
--------------------------------
هأحكي لكم هنا عن مغامرتي في جورجيا .. المختلفة شوية ☺
وصلت جورجيا .. قضيت يومين في العاصمة وكنت مرتب مع ناس من دول تانية اننا نبدأ رحلة هايكنج مع بعض مدتها من 4-5 ايام ، اتعرفنا علي بعض من خلال موقع ممتاز مهتم بالهايكنج في جورجيا وهو www.caucasus-trekking.com
اتقابلنا في العاصمة تبيليسي وحجزنا قطر النوم من تبيليسي ل "زوغديدي" ومن زوغديدي ميكروباص ( بيسموه "مارشوتكا" ) لحد وجهتنا الأخيرة وهي "ميستيا"
ميستيا قطعة من الجنة .. في وسطها القلاع اللي اتبنت من مئات السنين لأغرض التأمين والحرب والنهر بيجري في وسطها وجبالها بتحضن السحاب في علاقة حب ورومانسية أبدية !! :* <3
قضينا يومين في ميستيا ،بزيادة يوم عن المحسوب له عشان توقعات الجو كانت بتقول ان هيحصل مطر شديد وعواصف رعدية في اليوم المخطط التحرك فيه، طبعا آثرنا السلامة وأخدنا برأي التوقعات.
اتحركنا في اليوم التالت ، عشان نبدأ رحلة الأربع أيام ،أول يوم من ميستيا لقرية اسمها تسفيرمي ، كان يوم شاق وحصل فيه أمطار غزيرة بس كان ممتع ،ووصلنا وجهتنا وبيتنا في جيست هاوس بسيط عبارة عن بيت ريفي ومجهز لاستقبال السياح كنوع من مصدر الدخل بالنسبة لهم.
واليوم التاني من تسفيرمي لقرية أديشي ، والتالت من أديشي لقرية إبرالي ،مغامرات كتير وزحاليق ومواقف صعبة وأجزاء نمشيها جوه غابات كثيفة وأجزاء كتير في منحدرات تبلغ زاويتها أحيانا 60-70 درجة ، وكلاب تجري علينا وبعدين تصاحبنا وتمشي معانا 15 كيلو لحد القرية اللي رايحينها
لحد أصعب جزء في المغامرة ، عبور نهر تصل درجة حرارة الماء لحوالي 2 مئوية ، ده حقيقي فعلا لأن النهر مصب مباشر لذوبان قمة جليدية، وقوة اندفاع المياه جامدة فعلا ودي نقط الخطورة التانية ، ولازم تعدي حافي ، وشايل شنطتك ال backpack اللي هيه تقيلة جدا لأن فيها كل حاجتك
المهم بعد استكشافات واستطلاع آراء الفرق حددنا أقل نقطة خطورة والحمد لله عبرنا ^_^
بعدها كملنا الطريق لإبرالي ومنها اختصرنا الطريق لوجهتنا النهائية اللي هي "أوشغولي"
أعلي قرية في أوروبا من حيث الإرتفاع .
تاني يوم أخدنا طريق العودة لمستيا ومن مستيا لزوغديدي ومن زوغديدي لتبليسي ومن تبليسي مباشرة ل "كازبيجي" واحدة من أجمل البقاع وأكثرها شهرة في جورجيا.
ده كان يوم كامل في المواصلات من ظهر اليوم لحد ظهر اليوم اللي بعده ، ودي حاجة من أهم صفات سفر ال backpackers "مش مهم تتعب أد ايه ، المهم توصل"
بيتنا يوم في كازبيجي وخططنا نطلع تاني يوم بدري في اتجاه القمة الجليدية gergeti glacier ونوصل لحد ارتفاع 3000 متر وده كان تحدي مقارنة بالوقت اللي قطعنا فيه المسافة وزاوية الانحدار والارتفاع المكتسب ، اتحركنا من ارتفاع تقريبا 1700 متر لنقطة البداية ، ووصلنا لارتفاع 3030 متر في حوالي 4 ساعات
وعند إرتفاع 3000 متر وأنا بأنهج ، لقيت معني من معاني الحياة ، واحد جنبي علي عكاز وعنده حالة بتر في الساق ، وطالع ويمكن سابقني كمان !!
ما قدرتش الا اني أسلم عليه وأحييه وأبدي إعجابي الشديد بيه والتقاط صورة معه .. وعرفت انه من إيران.
---------------------
ملخص بسيط لبعض قياسات رحلة الهايكنج فقط
إجمالي المسافة المقطوعة سيرا علي الأقدام : 120 كم
إجمالي الوقت : 7 أيام
أقصي أرتفاع : 3030 م