H
Hesham ElBadry
:: مسافر ::
H
Heba Wafik
:: مسافر ::
بلد حلوة و خفيفة على القلب و شبه مصر كتير و الشارع الرئيسى هناك لما تتمشى فيه بليل تحسى انك فى وسط البلد عندنا قبل الفجر. انا رحت فى اخر شهر يناير و طبعا كان فى يومين الدنيا بتشتى اغلب الوقت. التعامل فى المطار بطىء و دا اللى اخرنى يوم الوصول و ممكن تغيرى ٢٠ دولار من الصرافة عشان تقدرى تاخدى تاكسى او عربية حسب العدد.. و لو نزلتى فى شارع حبيب بورقيبة هيبقى حلو اوى لانه فيه محلات الكتير و اخره يوصل ل باب بحر و دا المكان اللى شبه خان الخليلى عندنا و كده لانك هتلفى و تتفرجى و فاصلى معاهم حتى لو هتبقى ترجعى تاخدى بعدين و هما بيحبوا المصريين جدا جدا ختى لو هتتفرجى بس بيكونوا مبسوطين و عندهم امانة يعنى ممكن تسيبى حاجتك اللى اشترتيها و ترجعى تاخديها بعدين عشان تعرفى تلفى براحتك.
احلى الاماكن هى سيدى بوسعيد و الازرق و الابيض هناك فى كل مكان حواليكى و البمبلونى و دا حاجة شبه الدونتس بالسكر. و بردو ممكن تروحى الحمامات و دى شبه الاسكندرية شوية و فيها القلعة جنب البحر زينا و فى حمامات ياسمين و دى فيها ملاهى لو معاكى اطفال بس لما روحت كانت الملاهى مقفولة للاسف. و فى مكان اسمه The lac و ده البحيرة و فيه كافيهات كتير و فى منهم كافيهات بتجيب بند تغنى و انتى بتاكلى. و ممكن تروحى قرطاج و تتفرجى على الاثار بتاخدى التيكيت المجمعة لانك بتمشى من كل مكان للتانى زى المسرح اليونانى و هما حوالى ٦ او ٧ اماكن. و طبعا لازم تجربى الكسكى و ارشح الكسكى بالسمك لانك مش هتاكليه فى مكان تانى. و السفر مع الخطوط التونسية كويس و اكلهم هايل جدا بس اعملى فى حسابك هما معندهمش ماك و بيتزا و كده لكن فى المولات مطاعم شبيهة للاكل السريع. و نصيحة لو هتغيرى عملة ابقى غيرى على الاقد و اسالى الاول فى اكتر من صرافة و اوتيل و خدى افضل سعر و لو جيتى تغيرى فى يوم و قالك سعر اقل قولى له انك اخدتى بسعر كام عشان يديكى نفس المبلغ و بردو خدى محفظة للcoins لانها كتير جدا و بيستخدموها على طول. و البلد زى اوربا فى النوم بدرى ممكن على ٨ تلاقى المحلات بدات تقفل و مفيش حد فى الشارع ماعدا بعض الاماكن و منهم كام كافية فى شارع الحبيب بورقيبة. و لو تحبى اى استسفارات تانى اتفضلى.
احلى الاماكن هى سيدى بوسعيد و الازرق و الابيض هناك فى كل مكان حواليكى و البمبلونى و دا حاجة شبه الدونتس بالسكر. و بردو ممكن تروحى الحمامات و دى شبه الاسكندرية شوية و فيها القلعة جنب البحر زينا و فى حمامات ياسمين و دى فيها ملاهى لو معاكى اطفال بس لما روحت كانت الملاهى مقفولة للاسف. و فى مكان اسمه The lac و ده البحيرة و فيه كافيهات كتير و فى منهم كافيهات بتجيب بند تغنى و انتى بتاكلى. و ممكن تروحى قرطاج و تتفرجى على الاثار بتاخدى التيكيت المجمعة لانك بتمشى من كل مكان للتانى زى المسرح اليونانى و هما حوالى ٦ او ٧ اماكن. و طبعا لازم تجربى الكسكى و ارشح الكسكى بالسمك لانك مش هتاكليه فى مكان تانى. و السفر مع الخطوط التونسية كويس و اكلهم هايل جدا بس اعملى فى حسابك هما معندهمش ماك و بيتزا و كده لكن فى المولات مطاعم شبيهة للاكل السريع. و نصيحة لو هتغيرى عملة ابقى غيرى على الاقد و اسالى الاول فى اكتر من صرافة و اوتيل و خدى افضل سعر و لو جيتى تغيرى فى يوم و قالك سعر اقل قولى له انك اخدتى بسعر كام عشان يديكى نفس المبلغ و بردو خدى محفظة للcoins لانها كتير جدا و بيستخدموها على طول. و البلد زى اوربا فى النوم بدرى ممكن على ٨ تلاقى المحلات بدات تقفل و مفيش حد فى الشارع ماعدا بعض الاماكن و منهم كام كافية فى شارع الحبيب بورقيبة. و لو تحبى اى استسفارات تانى اتفضلى.