I
Islam Elbasosy
:: مسافر ::
جزيرة صغيرة معروضة للإيجار باليوم وموجودة فى البحر الكاريبي إسمها " Little Harvest caye " .. صاحبها بانى عليها فيلا تساع ١٤ شخص وعامل فيها حمام سباحة وحاطط فيها مركبين عشان لو اللى هيأجرها حب يلف حواليها .. لما تقرأ الريفيوز بتاعت الناس اللى راحت هناك سواء اللى قعدوا يومين تلاتة أو حتى شهر هتشوف إن الكل أجمع إنهم كانوا فى أعظم مكان فى الدنيا .. غير هدوء المكان وحلاوته بس جزء كبير من عظمة الفكرة فى إن الواحد يختار ١٤ نفر يعيش معاهم وينعزل بيهم ويستغنى عن الدنيا واللى فيها
