فى سفرك لدول أوروبا أبحث أن تذوق الأكلات...

[سامح سعيد العباسى]

فى سفرك لدول أوروبا أبحث أن تذوق الأكلات الشهيرة فى كل دوله و التى تتوافق مع طبيعتنا
* اليونان : تشكن سوفلاكى ؛ موساكا ( مسقعه ) ؛ جريك سلاد و على فكرة أجود مطبخ فى كل أوروبا
* أسبانيا : بقيه ( parilla ) و هى تنطق بقيه لأنها من أصول عربيه
* النمسا : سنبس ( المقليات بأنواعها )
* فرنسا : المخبوزات و الكرواسون و الدنش بأنواعهم
* ألمانيا : الغريب انى لم أجد لهم أكله واحدة شعبيه ينفع تتاكل أو حتى لها طعم
* سويسرا : زى المانيا
* هولاندا : الأسماك بأنواعها و البطاطس و الأستيك المشوى و الفلافل بالحمص ( تحفه )
* التشيك : هارديسكا ( نوع من المخبوزات بالقرفه و السكر الخفيف ) مقبوله
* المجر : أسوء أكل فى كل أوروبا و أنصحك بماك دونالدز و امرك لله
سلوفاكيا : الأرز مع اللحم البقرى المشوى و صوص أصفر ( تحفه غير عاديه )
* ايطاليا : أبعد عن البيتزا و المكرونات فطعمها لا يناسبنا مطلقا . لأننا بنتعامل بالبيتزا الأمريكانى فى مصر و طعم الطليانى مختلف تماما و انا شخصيا أكلت عند أشهر مطاعم الباستا و البيتزا فى كل ايطاليا لم تعجبنى مطلقا
عليك أن تبحث عن مطعم تركى أو سورى أحسن ١٠٠ مرة
و قريبا باقى الدول الأوروبيه

 

[Belal Ibrahim]

المانيا الخبز لوحده كفاية بانواعه واشكاله
فيه آكلات بالبطاطس واللحمة المفرومة
روعة
وطبعاً فيه ال Currywurst
بسً لازم تتاكد انه حلال

 

[Belal Ibrahim]

ومعروف الشنيتزل
ودا عاملً زيً البفتيك او البانيه
كدة

 

[Ezel Bldar]

في هناك كاشبوري ولا

 

[Eslam Farid]

ايطاليا ابعد عن البيتزا والباستا العالم كله بيجي ايطاليا علشانً الأكلتين دول ا

 

[سامح سعيد العباسى]

و الله ما كتبته هو تجارب شخصيه و مفيهاش اى أخطاء

 

[Warda Ahmed]

كيف هولندا فلافل وحمص؟ وإيطاليا أم المطبخ العالمي في البيتزا والباستا صارت كخه؟
ألمانيا مشهوره بالأبفيل سترودل عباره عن معجنات بالتفاح

 

[Manal Mersal]

جورجيا اسامي عجيبه مش فاكره منها غير خاتشابوري

 

[سامح سعيد العباسى]

انا اكلت البيتزا و الباستا فى روما و ميلانو و كابرى و نابولى و بيزا و جنوة و لم اجد اى طعم نهائيا . حتى ان هناك طاهى مصرى وصف لى مطعم عالمى يطهو باستخدام الأفران الخشبيه امام اسبانيش ستبس و برضه كان سئ للغايه و لما سألت عن السبب أفاد الطاهى المصرى عن ان الخامات المستخدمه مختلفه عن الطريقه الأمريكيه اللى احنا متعودين عليها فى مصر . و بالتالى الموضوع مختلف . و على سبيل المثال الكواتروفورماج بيكون الجبنه الروكفور احد مكوانتها الاساسيه فى مصر اما فى ايطاليا فهم يستخدمون الجبنه الكاشكافال بدلا منها . و الفيجيتريان بيعملوها بشرائح الكوسه و الباذنجان على وش البيتزا و دة فى مصر عندنا مقرف للغايه .

 

[سامح سعيد العباسى]

اكبر سلسله لمطاعم الفلافل اسمها moaz و امستردام وحدها بها اكثر من عشرون مطعم و لهم شهرة عالميه و الساندوتش ب ٥ يورو و عليه زحام اكثر من محمد احمد فى اسكندريه و هذة السلسله موجودة كمان فى برشلونه و باريس بنفس الأسم و على فكرة انا كنت فاكر ان المالك من أصول عربيه و لكنى اكتشفت للأسف ان المالك اسرائيلى .
و موقع أشهر الفروع فى ميدان الدام و ميدان رمبرانت و الليدز .

 

[سامح سعيد العباسى]

الأبفيل ستروديل ليست المانيه للأسف و انما هى امريكيه و موجودة فى كل اوروبا حتى الشرقيه و لم تعجبنى نهائيا .

 

[سامح سعيد العباسى]

انا بانشر خبرة سياحيه بغرض إستفادة اى عضو مقبل على السفر و مش محتاج حاجه من احد فمن يرغب فأهلا به و من لا يرغب لا داعى للتريقه و كخه و هذا الكلام الذى لا يقال لمن هو مثلى فوق الخمسين يا عزيزتى وردة احمد

 

[Memo Nasser]

طيب بالنسبة للجبنه والشوكالاته السويسري؟

 

[Enass Attia]

ايطاليا المأكولات البحريه فيها تحفه

 

[سامح سعيد العباسى]

ليندت هى اجود انواع الشيكولاته فى العالم و هى سويسريه بس موجودة بمنتهى الوفرة فى كل اوروبا و يوجد لها معرض امام الاوبرا و جاليرى لافاييت فى باريس و يوزعها مجانا . اما الجبنه فهولندا اكثر من سويسرا و هى للشراء و لا تقدمها اى مطاعم

 

[Haydi Mohammed]

طيب و بالنسبة لأثينا اليونان إيه المأكولات المشهورة ؟

 

[سامح سعيد العباسى]

للأسف انا اكلت فى اكبر مطاعم روما للمأكولات البحريه و لم تعادل اليونان او مصر .
فى الاسماك رقم ١ مطعم زورباس فى ميكرولمينا أثينا

 

[سامح سعيد العباسى]

السوفلاكى و الموساكا و الجريك سالاد و المأكولات البحريه بأنواعها . و التراما ( نوع من سلطه الكافيار ) و باستا بالجمبرى وهم يا عزيزتى .
افضل مطعم فى أثينا هو مطعم لوندى فى سفح أكروبليس بجوار متحف الأكروبليس . ممكن تركبى المترو الاحمر من سينتاجما محطه واحدة فى اتجاة Eliniko و تنزلى اول محطه اسمها acropoli و المطعم امام باب الخروج مباشرة و الشيف اسمه ستيفاروس ( ستيف ) قمه فى كل شئ و هو يعرفنى شخصيا

 

[سامح سعيد العباسى]

و على فكرة معايا على صفحتى على الفيس بوك بأسم stiva Steve Master و انا اعتقد انه احسن طاهى فى العالم .
The best chef in all europe

 

[سامح سعيد العباسى]