حد راح سيدي بوسعيد في تونس يقوللي هي حلوة اوي...

[Nada H. Salah]

حد راح سيدي بوسعيد في تونس يقوللي هي حلوة اوي كدة زي الصور ولا عادي ؟ ولو حلوة ايه تاني بلاد في تونس تستاهل تتراح و هل الاحلى تونس ولا المغرب "طبعا من ناحية جمال و اختلاف المكان
مش الناس نهائي ، اهل المغرب العربي كلهم حبايبنا "
P.S :
انا لفيت اوروبا و كذا حاجة في جنوب شرق اسيا فهل هتبسط هناك ولا هيبقو مش احلى بالنسبالي ؟

 

[Houda Karouache]

أنا روحتها و راجعة من يومين و منزلة من ساعتين بوست عنها بس ما نزلتش كل صورها الحلوة .. سيدي بوسعيد حاجة نادرة و مميزة و يكفي إنّو أشهر رسامي العالم أبهروا بيها .. بكرة ان شاء الله هنزل بوست عن تونس عامة من خلال سفرتي .. و بالنسبة للمغرب فحلوة بزاف و كل بلد هنا عندو ميزة .. انصحك زوري سيدي بوسعيد اولا صحبتي مصرية رجعت مبهورة كمان منها

 

[Marwa Ahmed Kilani]

عاوزة اجيب عبايات مغربى

 

[HiNd Él Quràshi]

Menna Magdy المايك معاكي

 

[Mohamed Abouelkher]

انا رحت البلدين !
تونس العاصمة فيها سيدي بوسعيد حلوة جداً زي الصور فعلاً و فيها المدينة العتيقة زي خان الخليلي كده و فيها قرطاج فيها متحف مهم و مسجد انس ابن مالك ده اللي يتراح في تونس العاصمة !
مهم تروحي سوسة و الحمامات و جزيرة جربة !

المغرب احلي من تونس بمراحل و متنوعة جداً جداً

 

[Aliaa E. Fouad]

بصي يا ستي،
سيدي بوسعيد حاجه كده شبه اليونان جدا وجميله جدا جدا.
بالنسبه تروحي فين، طبعا تونس العاصمة، سيدي بوسعيد، سوسه، .. وزودي لو تحبي اصلا المسافات كلها قريبه من بعض، بس محتاجه تعملى جدول مظبوط.
و على فكره تقدري تروحي اماكن كتير، كله على حسب وقتك.
الناس هناك ... عشق، انا حبيتهم جدا، وهم بيحبونا اوي على فكره . تلاقيه اكتر حاجه بتيجي سيرتها عادل امام، وانتى اهلاويه ولا زملكاويه . "حاولي تبقى دبلوماسية في سؤال الكورة ده"
بالنسبه بقى هي ولا المغرب، بصي المغرب قصة تانية، ماتحطيهاش في مقارنه او افضليه، شوفي اماكن الاتنين واقري عنهم وشوفي انتى هتميلي لمين فيهم تبدأي بيه.
تونس حلوة برشا، وعن نفسي حطاها في الخطة تاني من كتر ماحبيتها وحبيت اهلها ونظامها ونظافتها .

 

[Mohamed Ghazi]

في مدينة فشمال المغرب اسمها اصيلة، شبيهة ب سيدي بوسعيد، وأجمل كمان.

 

[Aliaa E. Fouad]

Nada H. Salah
صحيح، لو بتحبي الشوكولا، أنصحك تجربي حاجه اسمها "شوكولا شو" في الكافيهات، حاجه كده وهم . وطبعا ماتنسيش الشاي باللوز هو اسمه كده هتلاقي اللوز ده عباره عن صنوبر بس هم مسمينه شاي لوز

 

[Heba Salah Hashim]

جميله جدا جدا انا من جمالها رحتها مرتين مره بليل و مره العصر و حضرت الغروب كان حلم جميل

 

[Charfi Aouicha]

سيدي بوسعيد تعتبر ملهيمة المبدعين ..كي تزورها تحس بروحك في سلام داخلي وراحة نفسيه ... هي من اجمل الاماكن في العالم وفي تونس ولكن ليست الوحيدة ...فما برشا اماكن حلوة اخرى ممكن تتزار لو من محبي الطبيعه وسحرها لازم تمشي لطبرقة وعين دراهم ولو من محبي البحر والانشطه البحرية عليك بسوسة ونابل وحمامات وجزيرة جربة واذا اردتي التاريخ والاثار لازم تزوري دقه والجم و زغوان ... والقائمة تطول ...المميز انه كل المدن قريبة من بعض وممكن التخطيط بسهولة لزيارتها كلها لازم على الاقل 15 يوم .. ودايما ننصح بزيارة تونس في شهور 3 او 4 او 9 او 10 او 11 تكون الاسعار في المتناول و الطقس تحفة ومش زحمه ...وبنسبة لمقارنة تونس بالمغرب فانا تونسيه فاكيد مش ننحاز لتونس ولكن خليني نقول انه لكل منهما سحره الخاص مع انه نتشابه في برشا حاجات خاصة في الطابع الاندلسي لبعض البنايات في بعض المدن ❤ تنورينا في اي وقت اختي ندى

 

[Menna Magdy]

تونس جميلة وسيدي بوسعيد فيها فندق اسمه دار بن جاسم فظيع كأنك قاعدة في قصر قديم وبيتهيألي اسعاره كانت حلوة مش عارفة دلوقتي بقى ايه

 

[Menna Magdy]

Najah Boubaker

 

[Hamdy Mousa]

روح توني هاديك رقم بت شوشو هاتلفللك تونس بس اكرمها بالسعر

 

[Anas Hosney]

اللي اعرفه ان المغرب فيها مزارات اكتر من تونس حبتين

بس انت ما رحتش غير تونس

زي ما في الكومنتات في حاجات معقوله في العاصمه و طبعا سيدي بوسعيد مكان رائع و عالمي جدا

و الاكل في تونس برضه حوار تاني غير الكسكس و الجو ده حاولي تروحي مطاعم شعبيه و دوقي اكلات السمك و اللحمه و الحاجات دي بتتعمل بطريقه مختلفه خالص

و كان في مدينه في الجنوب مش فاكر اسمها ايه بس كانت ظريفه جدا و فيها شويه من سيوه عندنا كدا صحرا و مجتمع صحراوي و جو

اجازه سعيده ان شاء الله

 

[Khaled Elsayed Elkhamy]

اعتقد المغرب اكثر تنوعا

 

[Sara Houdi Moslim]

.مغرب احلى صراحه

 

[Ligne Rouge]

سيدي بوسعيد هيا وجهة كل المشاهير العالميين هيا حاجة عالمية ننصحك واكسد لازم تشوفها وفي اماكن كثير في تونس لازم تروحيها في تونس العاصمة مثل قمرت قرطاج المرسي والمدينة العتيقة وفي ولايات قريبة من تونس مثل سوسة المنستير المهدية والحمامات يمكن تزوريها ولو سفرتك طويلة ممكن تروحي جربة منطقة سياحية عالمية وكمان توزر والقيروان اماكن حلوة وعندك مناطق خضراء جميلة جدا لو حابه الطبيعة والجو الجميل ممكن تروحي طبرقة عين دراهم وفي مناطق كثير في تونس حلوة مثل قليبية الهوارية وبنزرت انصحك بزيارتها.واكيد اكيد تونس احلي بكثير من المغرب

 

[Gihan Thabet]

الله علي الجمال