ممكن لو سمحتوا حد من ذوي الخبرة في مواضيع...

[Senior Omar]

ممكن لو سمحتوا حد من ذوي الخبرة في مواضيع الحجز والسفر يفيدني لو سمحتوا؟
اولا هل موقع بوكينج دوت كوم موقع موثوق فيه ومعتمد عالميا وصادق ؟
يعني لو عاوز احجز فندق بالقاهرة واخترت اوبشن الدفع بالموقع هل هلاقي الحجز موجود فعلا ولا كلام كده وخلاص وممكن الفندق ينكر الكلام وسعر بوكينج اصلا ؟

ثانيا هل موقع سكاي سكانر علشان حجز تذاكر الطيران امن وموثوق بيه برضه ؟ مع العلم انه الدفع بس كريديت من خلاله!
او ايه الموقع الاكثر ثقة عالميا ومعتمد برضه لحجز التذاكر

انا طبعا متشجع لفكرة الحجز من خلالهم علشان هم بينزلوا عروض رهيبة بشهر سبتمبر بالاسعار وانا بفكر اكسب العروض دي علشان ازور مصر

كل الشكر ليكم مسبقا

 

[Luna Omar]

انا حجزت مع بوكينج و كان اوكى

 

[Mai Taha]

ع طول بنحجز ع بوكينج وكل اما تحجز اكتر كل ما بتبقى عضو مميز وبيديك خصم خاص بيك ...
اما حجز التذاكر فبنحجز من wego ده بيجيب من الاخر
طبعا دى تجربتي الشخصية

 

[مصطفى محمد]

حسب تجارب متعددة حجزت أكثر من مرة والدفع كان عند الموقع ووجدت الحجز موجود

 

[Mostafa Mahmoud]

جامد جدا وموثوق فيه

 

[Kesho Rizk]

انا حجزت مع بوكينج فى تايلاند وماليزيا والدنيا عادى خالص
بس اتاكد بس ان مفيش عروض احسن فى الفندق نفسه اوقات بوكينج بيكون اغلى من الفندق نفسه

 

[Mohamad Barakat]

بوكينج طبعا حجزو مضمون الف المية وعندو خدمة عملاء رهيبة هتحل ليك اي مشكلة في اي بلد والاتصال بيهم مجاني من اي مكان

 

[Ahmad Ezz]

الفندق محتاج لبوكينج جدا وأي مخالفه من الفندق تعرضه أن موقعه يتوقف من على الموقع عشان كدا الفندق لازم يلتزم بمعايير الموقع

 

[Rania Ali]

حجزت منه لأكتر من مكان في مصر بياخد بيانات الكارت لكن الدفع كان عند الوصول وكان تمام جدا

 

[Anas Hosney]

الحاجات الكبيره دي مفيهاش هزار و ما ينفعش تحجز و الحجز يتلغي و اصل ف بوكينج في اوبشن بعض الاوض انك ما تدفعش و تدفع لما تروح الفندق

 

[Soso Mandour]

كمان لازم تدخل علي الحجز اللي تختاره وتشوف موضوع الضرايب هو السعر ده شامل الضرايب ولا لا عشان ماتتفاجئش وانت في مصر

 

[Amr El Dow]

اولا موقع بوكينج ده الاول عالميا في نسبه الحجوزات.. بيدخل علي الموقع شهريا ٤٠٠ مليون زائر .. .. بوكينج مفيهوش الدفع في الموقع .. بس في مواقع تانيه كتيير فيها ... كذلك سكاي سكانر .. وبرده لو عايز موقع شامل طيران و فنادق تقدر تدخل علي www.yallabook.com ده موقع شامل بيديك مساحه تختار الطيران الرخيص حسب الميزانيه و بيقارن ليك اسعار الفنادق و بيديك الارخص و ده تقدر تدفع اون لاين

 

[Yara Refaat]

موقع Booking. Com من أحسن مواقع حجز الفنادق وانا استخدمته في اكتر من بلد و موثوق منه بس عايزة أنبهك لحاجة لو انت مصري ما تحجزش منه لأي فندق في مصر علشان الفنادق في مصر بتحط على Booking سعر لغير المصريين أغلى كتير من السعر اللي الفندق بيقدمه للمصريين، الكلام ده عن تجربة
بالنسبة لحجز طيران انا جربت cleartrip و موثوق
حاجة أخيرة انت ممكن تشوف السعر بتاع الفندق على Booking و تتصل بالفندق تشوف اسعارهم و تحجز الأرخص

 

[Ahmed Nabil]

انا حجزت علي بوكينج واسترديت الحجز عادي
سكاي سكنر حجزت عليه اربع خمس مرات وتمام

 

[Ashraf Gawdat]

على بحجز من على بوكينج لو بره مصر وزي الفل .. لو جوه مصر نصيحة تواصل مع الفندق مباشرة هيكون السعر أحسن .. دي تجربتي .. لكن في كل الأحوال بوكينج شغال برضه

بالنسبة لسكاي سكانر هو أصلا محرك بحث يعني مش بتحجز من خلاله .. هو بيعملك ريدايركت على سايت تاني لما تيجي تحجز

 

[Jung Ahmed]

انا حجزت تلات مرت من بوكينج دايما بلاقى اسعار بوكينج غير اسعار الفنادق لو دفعت فى بوكينج افضل بكثير انما الفندق بتدافع اكتر وحاوال تتصل بفندق وتعرف الأسعار والافضل ليك اعمله

 

[Ammar Badr]

مضمون جدا
انا بستعمله في مصر الخليج واروبا

 

[Amani Abdulwahed]

بوكينج مش موثوق بدرجة كبيرة وخصوصا جوه مصر. أنا حجزت في هوستل قبل كده ولان كان فيه اجانب كتير قالولي أنا مع السلامة

 

[Enas Al-Farra]

انا طول عمري بحجز عن طريق booking.com وبصراحة حلو وطبعا موثوق وأسعاره رايعه وكمان خدمه بعد الحجز اذا في اَي مشكلة مع الفندق

 

[DoRia Ahmed]

اختار من بوكنج بس ادفع فى الفندق لو متاح للفندق اللى انت رايحه ...بوكنج موقع كويس وبتلاقى حجزك مدفوع حتى لو دفعت عن طريقه