لو سمحتوا عايزة اسأل لو حد يقدر يساعدني انا...

[Zizet Ahemd]

لو سمحتوا عايزة اسأل لو حد يقدر يساعدني
انا راجعة من فرنسا ع ايجيبت اير
معايا اتنين شنطة هيبقوا جوة الطيارة وواحدة ٨ كيلو في الطيارة غير شنطة الايد هل ينفع يكون معايا كمان شنطة لاب واحط فيها كتب ولا مينفعش

 

[Amr Elfar]

ممكن

 

[عاطف فايد]

وزن مصر للطيران قطعتين كل قطعة ٢٣ كيلو و٧ على الطيارة شنطة اللاب مفيش مشكلة معاك على الطيارة والأفضل اى حاجه زيادة خليها فى إيديك لحد ما تخدى البوردينج وبعد كده حطيها فى الشنطه اللى على الطيارة

 

[Ahmed Hashim]

اوقات بيغلسو "حصلت معايا في الدنمارك و السويد وكندا" خصوصا ان الموظفين مش بيبقي مصريين ولا تبع مصر للطيران بس لو شنطة اللابتوب مش كبيره ممكن ميخدوش بالهم - لو غلسو حاولي تتفاهمي مع المدير المصري و غالبا بيمشي الامور

 

[Sherif Mounir]

هو سعر الكيلو الزيادة كأم؟؟

 

[Raghda Safwat]

مطار شارل ديجول بيركزوا جدا مع المصريين في الوزن
هيجبرك توزني كل اللي متشحنش ولو عدى الوزن هيرجعك بيه
خلي بالك من الوقت كمان عشان ساعات ديسك شركة الطيران بيكون على مسافة كبيرة جدا من بوابة الرحلة وعلى مسافة اكبر من أماكن الدفع
غلطة زي دي ممكن تكلفك مشاوير جوه المطار ساعة كاملة المطار ضخم جدا ومساحات شاسعة بين كل شيء

 

[Mymoon Dobaibi]

ينفع