D
Deyaa Eldin Mohammed
:: مسافر ::
تجربتي في بتايا في تايلاند
ركبت الباص من بانكوك ب108 بات وده احسن وسيله للتنقل من بانكوك لبتايا لانه ارخص من التاكسي طبعا بكتير وفي نفس الوقت تقدر تتفرج ع الطريق والمناظر الطبيعيه اللي بين البلدين
ووصلت بتايا الحمد لله نزلت طبعا علشان اكتشف البلد وبردو كنت حاجز في فندق قريب من المنطقه العربيه علشان الاكل وكده البلد مش كبيره اوي وفيها شبه نوعا ما من مطروح بس على احلى شويه وانا باتمشى ع الكورنيش انا وصاحبي وبنكتشف البلد لقينا واحد شكله هندي بيوصف لناس الاماكن فقلنا نقف نساله عن معالم البلد اللي ممكن نروحها ونزورها لان شكله كان عارف وصفلنا حاجات كتير ونروحها ازاي ونركبلها ايه وندفع كام
عموما وسيلة المواصلات المتوفره بتبقى عربيات كده مكشوفه غير التاكسي طبعا بتلف بيك البلد بحوالي30 بات وتقدر تشوف الشوارع وكل الاماكن وانت راكبها وفي الموتسيكلات الصغيره يتاجر واحد طول اليوم بحوالي 300 بات
اشهر الشوارع في بتايا شارع اسمه walking street وده الشارع اللي فيه الديسكوهات والبارات والبنات والlady boys وده الافضل ماحدش يروحه وبالذات لو اسره او اطفال شارع صاخب فيه موسيقى عاليه وعروض وشوهات
وممكن تاخد مركب من اخر الكورنيش ب30 بات توديك على جزر تحفه كلها خضره وفيها قرود وتقدر تنزل المايه وتركب منطاد وبيتش باجي وتقضي يوم جميل
فيه حديقة حيوانات هناك حلوه اوي اسمها سيراشا بيعملوا شوهات للفيله والتماسيح والنمور هاتعجبكوا اوي وفيه حديقه مخصصه للنمور اسمهاtiger zoo حلوه بردو وفيه سفاري هناك تقدر تركب موتوسيكلات وتعمل مغامرات وتمشي ع الحبل
الفنادق رخيصه وفي المتناول وكل الاسعار موجوده وكويسه اوي
الغريب في التايلانديين انهم مش بيعرفوا يتكلموا انجليزي على الاطلاق الا من رحم ربي وبتضطر تتعامل معاهم بال body language وحلني بقى على ما يفهموك
كمان لفت انتباهي في تايلاند لحد دلوقت ان شوارعها مافيهاش مطبات على الاطلاق
ودي تجربتي عن بتايا انا دلوقت في طريقى لبوكيت وان شاء الله احكيلكوا عنها لما اروحها
ركبت الباص من بانكوك ب108 بات وده احسن وسيله للتنقل من بانكوك لبتايا لانه ارخص من التاكسي طبعا بكتير وفي نفس الوقت تقدر تتفرج ع الطريق والمناظر الطبيعيه اللي بين البلدين
ووصلت بتايا الحمد لله نزلت طبعا علشان اكتشف البلد وبردو كنت حاجز في فندق قريب من المنطقه العربيه علشان الاكل وكده البلد مش كبيره اوي وفيها شبه نوعا ما من مطروح بس على احلى شويه وانا باتمشى ع الكورنيش انا وصاحبي وبنكتشف البلد لقينا واحد شكله هندي بيوصف لناس الاماكن فقلنا نقف نساله عن معالم البلد اللي ممكن نروحها ونزورها لان شكله كان عارف وصفلنا حاجات كتير ونروحها ازاي ونركبلها ايه وندفع كام
عموما وسيلة المواصلات المتوفره بتبقى عربيات كده مكشوفه غير التاكسي طبعا بتلف بيك البلد بحوالي30 بات وتقدر تشوف الشوارع وكل الاماكن وانت راكبها وفي الموتسيكلات الصغيره يتاجر واحد طول اليوم بحوالي 300 بات
اشهر الشوارع في بتايا شارع اسمه walking street وده الشارع اللي فيه الديسكوهات والبارات والبنات والlady boys وده الافضل ماحدش يروحه وبالذات لو اسره او اطفال شارع صاخب فيه موسيقى عاليه وعروض وشوهات
وممكن تاخد مركب من اخر الكورنيش ب30 بات توديك على جزر تحفه كلها خضره وفيها قرود وتقدر تنزل المايه وتركب منطاد وبيتش باجي وتقضي يوم جميل
فيه حديقة حيوانات هناك حلوه اوي اسمها سيراشا بيعملوا شوهات للفيله والتماسيح والنمور هاتعجبكوا اوي وفيه حديقه مخصصه للنمور اسمهاtiger zoo حلوه بردو وفيه سفاري هناك تقدر تركب موتوسيكلات وتعمل مغامرات وتمشي ع الحبل
الفنادق رخيصه وفي المتناول وكل الاسعار موجوده وكويسه اوي
الغريب في التايلانديين انهم مش بيعرفوا يتكلموا انجليزي على الاطلاق الا من رحم ربي وبتضطر تتعامل معاهم بال body language وحلني بقى على ما يفهموك
كمان لفت انتباهي في تايلاند لحد دلوقت ان شوارعها مافيهاش مطبات على الاطلاق
ودي تجربتي عن بتايا انا دلوقت في طريقى لبوكيت وان شاء الله احكيلكوا عنها لما اروحها
