M
Mahmoud Tieima
:: مسافر ::
اليونان..
صاحي الصبح بدري.. Uber للمطار.. Check in.. قهوة..فوووو بالطيارة ساعتين هوا على مصر للطيران..
نزلت اثينا بقا وبدأت مرحلة التركيز الشديد في كل تفصيلة، وصلت لمكان تسليم الشنط وعملت أكبر غلطة في الرحلة: اول ما شفت كشك بتاع تغيير عملة روحت غيرت فيه ولما طلعت في برا لاقيت الفا بنك بيحول بفرق مش كبير تقريبا 6% كمان خلي بالك من كمية العملة لأن فيه بيبقا نفس العمولة على أي كمية من الفلوس لغاية حد معين مثلا لو هتحول 100 دولار في الفا بنك العمولة بتبقا 7 يورو ولو هتحول 500 يورو برده 7 يورو فأحسنلك لما تيجي تحول تحول كمية كبيرة بس الأحسن والأحسن انك تكون جايب العملة جاهزة من بلدك.
طلعت من المطار عديت الشارع خدت تذكرة للقطر لPatras مخفضة تقريبا ل12 او 15 يورو عشان كارنيه الجامعة (طلع مفيد
)
طلعنا بالقطر بعد شوية هتفضل شايف البحر على جنب والجبال على الجنب التاني ولا أكنها بانوراما، الطبيعة بجد جميلة، سيبك من الموبايل وانت في القطر واقعد جنب الشباك مش هتندم.
نيجي بقا لPatras انطباعي عنها :اسكندرية اليونان استريحت فيها جدا بعيدا عن دوشة اثينا والقاهرة هي مدينة جامعية شبابية على البحر فيها كافيهات ومطاعم ومحلات كتييييرة، متحف جميل حديث وقلعة ممكن تشوف المدينة منها وكنيسة جميلة وmall, طب نتحرك ازاي في patra، بص ممكن تركب اتوبيسات والتذكرة بتبقا ب 80 cent او الترام بيورو بس بييجي كل ساعة بس، ممكن تعمل كارنيه شهري ب 15 يورو لو هتعد هناك فترة زيي، برده كارنيه الجامعة نفع هنا كمان
من هناك بقا ممكن تروح:
1. Naphpaktus
بمعدية ببلاش من محطة اسمها ريو، مدينة جميلة بتطلع في منطقة جبلية وسط البيوت لقلعة والتصوير من فوق روعة.
2. Zachintos
جزيرة روعة من الجمال التذكرة بتقريبا 18 يورو اوتوبيس لكيليني ومن كيليني بالباخرة للجزيرة وتركب تاني الاوتوبيس هيوديك للمحطة اللي هتركب منها وانت راجع، هناك بقا ممكن تأجر موتوسيك او عجلة وتلف او تطلع في رحلة من الرحلات اللي بتنزل فيها Snorkling وكل المكاتب ديه بتبق قريبة اوي من المكان اللي هتنزل فيه بالاوتوبيس
بس خلى بالك ان الجزر بتكون حيوية من شهر ابريل قبل كدا الدنيا بتكون نايمة ومفيهاش سياحة اوي والرحلات مش شغالة.
3.Olympia:
المكان اللي كانت بتقام فيه الالعاب الاوليمبيا مكان جميل ممكن تعد فيه تلت ساعات او اكتر فيه تقريبا تلت متاحف وكمان فيه شارع هناك ممكن تشتري فيه سوفينيرز وتاكل وكدا
يوم الحد الدخول بيبقا ببلاش(مش عارف في الشتاء بس ولا الصيف كمان)
4.Kephalonia مروحتهاش بس بسمع انها جميلة
5.Italy :
بالباخرة في حدود 60 فما فوق يورو من المكاتب السياحية.
6.واماكن تانية كتييير، فيه موقف اوتوبيسات قدام محطة الترام الرئيسية بتروح في كل حتة.
خط موبايل: جبت خط موبايل من فودافون بعشرة يورو عليه 8 gb لزوم المزارات والgps.
الأكل: مفيش في Patras أكل حلال على حد علمي فلو مبتكلش أكل مش مدبوح اتحول نباتي الفترة اللي هتعدها هناك، لو بتعرف تعمل كشري زيي فده هينفعك اوي
بس اثينا فيها محلات عربي وبعض المطاعم الحلال والجزارات كمان.
غير كدا فالأكل بصفة عامك اكل مصري بس اقل في التسبيك، مكرونة في الفرن، مسقعة، كباب، كفتة، شاورما (Souvlaki) وفيه بامية كمان
Lidle:
سوبر ماركت الماني معروف من ارخص المحلات هناك وفي اليونان عموما
Jumbo:
محلات هتاقي فيها تقريبا كل حاجة منزلية تخطر على بالك
اثينا بقا لازم تروح:
منطقة الAcropolis كلها بالمتحف بتاعه و الAgora(السوق) والNational museum.
التنقل فيها بيقا اساسيا بالمترو بنص يورو التذكرة ليها وقت معين تقريباً ساعة تركب بيها براحتك.
في اخر الكلام لعشاق القهوة لازم تجرب الFrape، وشكراً لحسن استماعكم
صاحي الصبح بدري.. Uber للمطار.. Check in.. قهوة..فوووو بالطيارة ساعتين هوا على مصر للطيران..
نزلت اثينا بقا وبدأت مرحلة التركيز الشديد في كل تفصيلة، وصلت لمكان تسليم الشنط وعملت أكبر غلطة في الرحلة: اول ما شفت كشك بتاع تغيير عملة روحت غيرت فيه ولما طلعت في برا لاقيت الفا بنك بيحول بفرق مش كبير تقريبا 6% كمان خلي بالك من كمية العملة لأن فيه بيبقا نفس العمولة على أي كمية من الفلوس لغاية حد معين مثلا لو هتحول 100 دولار في الفا بنك العمولة بتبقا 7 يورو ولو هتحول 500 يورو برده 7 يورو فأحسنلك لما تيجي تحول تحول كمية كبيرة بس الأحسن والأحسن انك تكون جايب العملة جاهزة من بلدك.
طلعت من المطار عديت الشارع خدت تذكرة للقطر لPatras مخفضة تقريبا ل12 او 15 يورو عشان كارنيه الجامعة (طلع مفيد
) طلعنا بالقطر بعد شوية هتفضل شايف البحر على جنب والجبال على الجنب التاني ولا أكنها بانوراما، الطبيعة بجد جميلة، سيبك من الموبايل وانت في القطر واقعد جنب الشباك مش هتندم.
نيجي بقا لPatras انطباعي عنها :اسكندرية اليونان استريحت فيها جدا بعيدا عن دوشة اثينا والقاهرة هي مدينة جامعية شبابية على البحر فيها كافيهات ومطاعم ومحلات كتييييرة، متحف جميل حديث وقلعة ممكن تشوف المدينة منها وكنيسة جميلة وmall, طب نتحرك ازاي في patra، بص ممكن تركب اتوبيسات والتذكرة بتبقا ب 80 cent او الترام بيورو بس بييجي كل ساعة بس، ممكن تعمل كارنيه شهري ب 15 يورو لو هتعد هناك فترة زيي، برده كارنيه الجامعة نفع هنا كمان
من هناك بقا ممكن تروح:
1. Naphpaktus
بمعدية ببلاش من محطة اسمها ريو، مدينة جميلة بتطلع في منطقة جبلية وسط البيوت لقلعة والتصوير من فوق روعة.
2. Zachintos
جزيرة روعة من الجمال التذكرة بتقريبا 18 يورو اوتوبيس لكيليني ومن كيليني بالباخرة للجزيرة وتركب تاني الاوتوبيس هيوديك للمحطة اللي هتركب منها وانت راجع، هناك بقا ممكن تأجر موتوسيك او عجلة وتلف او تطلع في رحلة من الرحلات اللي بتنزل فيها Snorkling وكل المكاتب ديه بتبق قريبة اوي من المكان اللي هتنزل فيه بالاوتوبيس
بس خلى بالك ان الجزر بتكون حيوية من شهر ابريل قبل كدا الدنيا بتكون نايمة ومفيهاش سياحة اوي والرحلات مش شغالة.
3.Olympia:
المكان اللي كانت بتقام فيه الالعاب الاوليمبيا مكان جميل ممكن تعد فيه تلت ساعات او اكتر فيه تقريبا تلت متاحف وكمان فيه شارع هناك ممكن تشتري فيه سوفينيرز وتاكل وكدا
يوم الحد الدخول بيبقا ببلاش(مش عارف في الشتاء بس ولا الصيف كمان)
4.Kephalonia مروحتهاش بس بسمع انها جميلة
5.Italy :
بالباخرة في حدود 60 فما فوق يورو من المكاتب السياحية.
6.واماكن تانية كتييير، فيه موقف اوتوبيسات قدام محطة الترام الرئيسية بتروح في كل حتة.
خط موبايل: جبت خط موبايل من فودافون بعشرة يورو عليه 8 gb لزوم المزارات والgps.
الأكل: مفيش في Patras أكل حلال على حد علمي فلو مبتكلش أكل مش مدبوح اتحول نباتي الفترة اللي هتعدها هناك، لو بتعرف تعمل كشري زيي فده هينفعك اوي
بس اثينا فيها محلات عربي وبعض المطاعم الحلال والجزارات كمان.
غير كدا فالأكل بصفة عامك اكل مصري بس اقل في التسبيك، مكرونة في الفرن، مسقعة، كباب، كفتة، شاورما (Souvlaki) وفيه بامية كمان
Lidle:
سوبر ماركت الماني معروف من ارخص المحلات هناك وفي اليونان عموما
Jumbo:
محلات هتاقي فيها تقريبا كل حاجة منزلية تخطر على بالك
اثينا بقا لازم تروح:
منطقة الAcropolis كلها بالمتحف بتاعه و الAgora(السوق) والNational museum.
التنقل فيها بيقا اساسيا بالمترو بنص يورو التذكرة ليها وقت معين تقريباً ساعة تركب بيها براحتك.
في اخر الكلام لعشاق القهوة لازم تجرب الFrape، وشكراً لحسن استماعكم