صباح الخير أنا مسافره إن شاء الله قريب...

  • بادئ الموضوع بادئ الموضوع Asma'a M. Fattouh
  • تاريخ البدء تاريخ البدء
عرض العطلة
A

Asma'a M. Fattouh

:: مسافر ::
#1
صباح الخير
أنا مسافره إن شاء الله قريب أمريكاعلي Lufthansa وهيكون معايا حقن علاج للإستعمال الشخصي هناك لمده شهر... عددهم حوالي ١٥ حقنه
حد عنده خبرات سابقه في الموضوع ده أو معلومات دقيقه !!
أنا كلمت مكتبهم في مصر وقالولي مفيش مشكله أهم حاجه الوحده متزيدش عن ٣٠٠ مل والإجمالي ميزدش عن ١٠٠٠بس فيه ناس خوفتني
توضيح للناس الي بترد عليه مشكوره... الدوا لازم يكون في ice box و دوا لحاله مزمنه ولما طلبت من الدكتور prescription مفصل للسفر اداني روشته فيها سطرين بالضبط لتوصيف الحاله وجرعة الدوا هل أخد معايا تقرير الأشعه المقطعيه تساعد مثلا ولا مش هينفع!؟
 
#5
لو معاكى على الطيارة لازم روشته باسمك و ريبورت بالحاله .. و فى فرانكفورت هيسألوا معاكى ادويه ايه؟الافضل تحتفظى بهم فى الشنطه الكبيرة لو ممكن
 
عرض العطلة
#6
حتسلميه لطقم الطياره ولما توصلو حتستلميه منهم بعد إجرأت الوصول لان حضرتك حتحطيه فى بوكس يعنى مينفعش فى الشنطه محتاج اهتمام علشان ميكسرش بسيطه ان شاء الله متقلقيش
 
#8
معلش حضرتك لازم تبلغي شركة الطيران ان حضرتك عيانة و لازم تاخدي علاج. علشان دي مسؤليتهم انهم يوفروا مضيفة عندها خلفية طبية و تقدر تدي حقن او دكتور حتي علي الطيارة. في قصة مشابهة واحدة كانت مسافرة علي لوفتاهانزا برضه مصر فرانكفورت امريكا. جت في اول نص ساعة من الرحلة نادت علي المضيفة انها عندها سكر و لازم تاخد حقنة. الصراحة المضيفة وشها اتغير خالص و احتدت علي الراكبة و قالت ليها انتي مابلغتيش انك عيانة قبل السفر و دي مشكلة كبيرة جدا. هي ممكن تتفهم من البعض انها عنصرية بس الحقيقة انا كنت مع المضيفة ان دي غلطة قاتلة. حصل نداء داخلي اذا في دكتور علي الطيارة ياريت يساعد. وفيه دكتور شهم جدا الصراحة كان قاعد جنبي مباشرة قال انه ممكن يساعد و يدي الحقنة. هو كشف عليها سريعا الأول انها ماعندهاش امراض اخري او بتشتكي من حاجة تانية غير السكر و بعدين ادالها الحقنة. و بعدين المضيفة خلته يمضي علي رزمة اوراق بالانجليزي والالماني انه هو دكتور و هو مسؤول مسؤلية كاملة عن الحالة الصحية للراكبة. و لما المضيفة عرفت انها ترانزيت مضته علي ورق زياده انه مسؤول عن صحتها لست ساعات قدام كمان. هو قال انه مافيش مشكلة انها تسافر مع انه سنها كان كبير. مش عارف الصراحة الشركة شكرته ازاي بس اعتقد ادوا ليه حاجة مقابل الخدمة الطبية دي. و المضيفة قالت انه لازم كمان اكل مخصوص لبتوع السكر و يظهر كانوا عاملين حسابهم و جابوا ليها الاكل بدري عن بقية الركاب.
 
#10
بصى حضرتك.
انا عندى سكر و دايما باسافر باقلام حقن انسولين فى شنطة يدى، بالسنون بتاعتهم. حوالى 30 قلم. كل قلم سعة 3 ملل. و بيكونوا محفوظين فى ايس باكس فى شنطة ايدى.

عمر ما صادفتنى اى مشكلة فى اى مطار فى العالم. لكن بيبقى معايا دايما روشتة طبيبة السكر الخاصة بى بالجرعة الموصوفة على سبيل الاثبات. لكن عمرى ما اضطريت اوريها لحد و لا حد سال عليها. لكن لازم تكون مع حضرتك الروشتة على سبيل الاحتياط للاثبات.

لا داعى لتسليم الحقن للمضيفة لحفظهم. لان حضرتك اقدر على حفظهم بشكل سليم.

الرجاء عدم وضع الحقن بتاتا فى الشنط الكبيرة المشحونة فى بطن الطيارة. لانها بكدة بتبقى فى درجة حرارة تجميد و ده ممكن يأثر على صلاحيتها و فعاليتها، و كمان لاحتمال تاخر او ضياع الشنط.

تسافرى و توصلى بالسلامة باذن الله.
 
عرض العطلة
عرض العطلة
عرض العطلة
أعلى أسفل
عودة
قائمة