يا جماعه انا دلوقتي معايا فيزا شنجن من سفاره...

[Yoya Hussein]

يا جماعه انا دلوقتي معايا فيزا شنجن من سفاره فرنسا وجوزي اخدها من سفاره هولندا وعايزين نسافر مع بعض فهوه ينفع ندخل هولندا ونقعد في فرنسا مده اطول عشان يبقي انا وهوه ماعندناش مشكله بعد كده في الفيزا ولا الافضل ان كل واحد يدخل بلد الفيزا بتاعته ونتقابل هناك او هوه يسبقني ويدخل هولندا ويقابلني في فرنسا.

 

[Marwa Mazlum]

تعالو مصر نحل المشكله دى

 

[Moutaz Mohamed]

اه ينفع عادي

 

[Gamal Abd Alla]

ادخلوا من فرنسا واخرجوا من هولندا
او العكس

 

[Marwa Mazlum]

اصل فى بلاد بتشترط انها تدخل منها هى الأول طالما مطلعه الفيزا عليها ..

 

[Ayman El Semry]

هو ينفع و لكن لازم و انتي داخله هولندا تبقي ضابطه حجز في فرنسا لمده ايّام أطول و تكون تذكره عودتك للقاهره من فرنسا او يكون في حجز طيران داخلي لفرنسا ده احتياطي لضابط الجوازات يسال فيكون عندك الرد ده اولا
ثانيا و انتي بتاخذي التاشيره خط سيرك كان ايه و الوجه الأولي كانت فرنسا لان في خوف لما تقدمي عليها مره اخري يرجعوا لخط سيرك اللي أعطي لكي بيه التاشيره و ما حدث فعليا و ان كان هذا لا يحدث و لكن في احتمال واحد في الألف و كمان بيغيروا كل شويه يعني موخرا إيطاليا بتطلب عقد الشغل مش ال اتش أر بس لأنهم عرفوا ان في كثير بيضربوا خطاب الشغل فممكن في اي وقت يغيروا و كله بيكون مسجل عندهم في السيستم

انا لو مكانك حل ان زوجك يطلع هولندا و يستقبلك في فرنسا أفضل و بعد كده انتقلوا براحتك و انتي داخله فرنسا يبقي معك حجز لفتره كبيره في فرنسا احتياطي و ان كان نادرا ان يطلبوا ذلك بس الاحتياط وأجب

والله و اعلم

 

[Tawfik Azer]

ايوة والاحسن تحجزوا على أيرفرانس او KLM علشان اجبارى نقطة دخولكم تبقى باريس

 

[Mic Heal]

احنا نكلم القنصل احسن

 

[Mohamed AbdAllah]

سافري فرنسا وخدي ختم دخول فرنسا واخرجي من هولندا وخدي خروج هولندا بس اقعدي في هولندا يومين وسافري بعدها
او اعملوا ترانزيت شارل ديجول باريس واطلعي علي هولندا علي طول وسافري من هناك

 

[Hassan El Sisy]

وممكن بردو تبعتى ايميل لسفارة هولندا وتعرفيهم انك واخدة فيزا من فرنسا وزوجك من هولندا ونظرا لحدوث تغيير فى خطة سفركم فهل ممكن تدخلى من عندهم من هولندا مع زوجك وبعد كدة الى فرنسا.
ومتأكد انهم مش هيرفضو بس تبقى بلغتيهم وبقى عندهم ملحوظة وتطبعى الايميل دة وتخليه معاكى بردو وهيبقى داعم كبير ليكى لو حصل اى طارئ.
الاوروبيين بيحترمو جدا الشخص اللى بيبقى فاهم ومنظم ومرتب كل خطواته

 

[Walid Hussein]

اسلام مليجى

 

[صبرة عبد الحميد]

حاولي تدوري علي رحلة تكون طالعة هولندا ترانزيت فرنسا او العكس هتختموا انتوا الاتنين من دولة الترانزيت