E
Eslam Gamal Mostafa
:: مسافر ::
مساء الخير
ازيكم يا شباب
انا لسه راجع من اروبا من اسبوع
وكان عندى كام تجربة مع حاجات عليها اختلاف فوسط الناس اللى مهتمة بالسفر
البوست دا مهم جدا لأى حد بيخطط لسفرية اوروبا
>>> اولهم <<<<
انى خدت رفض من فرنسا وكنت متاكد انه مالوش سبب
فبعت لسفارة فرنسا فمصر ايميل قلتلهم فية ان مافيش سبب للرفض فكلمونى بعدها بأسبوعين راجعو معايا الابلكيشن و قالولى تعالى خد الفيزا
بس انا خلال الاسبوعين دول كنت قدمت على فيزا هولندا وخدتها مالتى كمان .. لحد هنا دا اول جزء الناس بتختلف فية
1- ان لو السفارة رفضتك يبقى عندهم سبب حقيقى .. وطلعو اى كلام
2-ان لو اترفضت تقعد 6 شهور وسنة والكلام دا .. لا انا قدمت بعدها ب 4 ايام بس
3-ان بتتسجل عالسيستم الرفض والكلام دا .. فرنسا قالولى تعالى خد الفيزا وهما مايعرفوش انى خدت تشينغن من هولندا واتفاجئو لما عرفتهم انى خدت الفيزا وقالولى خلاص كدا تقدر تروح فرنسا لو عايز بتشينغن هولندا
>>> تانى جزء <<<
ان لو خدت فيزا شنغن من بلد لازم تدخلها علشان اى دولة تانية هترجعك
انا لاقيت تذكرة دايركت ميونخ ب 70 دولار .. ولهولندا 200 دولار ترانزيت
اضيع الأوفر دا ؟
لا طبعا
فبعت لسفارة المانيا فمصر ايميل انى معايا تشنغن مالتى من هولندا
ينفع ادخل من عندكم ؟
قالولى المانيا هتنور ( شوفو الايميل فالصور بالترتيب )
وعليه خدت الطيارة لميونخ ونزلت المطار
انا كنت اخر واحد فالصف لان الطيارة كلها المان وانا المصرى الووحيد
( دا علشان فية اشاعة كانت طالعة ان هيرجعونى من مطار الغردقة علشان الطيارة الرخيصة دى شارتر ) وطلعت ريجولار عادى وركبت
اول ما وصلت طبعا انا اخر واحد فكان معايا 2 ظباط جوازات ( ظابط و ظابطة)
ابتسامة جميلة
اهلا بيك
جاى لية ؟ ( انا جاى اتفسح )
هتروح فين ؟ ( انا هلف 8 دول )
ياة بجد ؟ طيب وحجزت اماكن اقامة ؟ ( اه واديتهم فايل ورق متنظم فندق بيسلم فندق فالدول اللى هروحها )
طيب الحجوزات دى مدفوعة ؟ ( لا انا هدفع بالكريدت فالفنادق )
طيب ورينى كريدت وكاش ( وريتهم ماعدوش من بعيد بس )
طيب فين تذكرة الخروج ؟ ( وريتهالهم )
طيب انت هتتنقل من بلد لبلد ازاى ؟ ( وريتهم حجوزات الفلكس باص )
الختم الجميل وبصمت واهلا بيك فألمانيا
الكلام كان فشكل دردشة مش تحقيق خالص وضحك وهزار
الخلاصة
1- فيزا شنغن يعنى تروح اى بلد شنغن بفيزا اى بلد
2- سؤالهم فالمطار مشروع جدا ولو انت ماعندكش اجابة يبقى الغلط عندك ولة حق يرجعك لان مافيش حد جاى شغل او يتفسح ومش معاه كاش ولا حجز ولا عارف هيركب اية .. صح ولا اية ؟
اتمنالكم رحلات سعيدة يا شباب
ومش دايما اى كلام عالنت صح حكم عقلك فاللى بتسمعة
والقانون واضح .. الفيزا بتقدم عليها من اكتر بلد بتقعد فيها لو هتزور اكتر من بلد
تحياتى
ازيكم يا شباب
انا لسه راجع من اروبا من اسبوع
وكان عندى كام تجربة مع حاجات عليها اختلاف فوسط الناس اللى مهتمة بالسفر
البوست دا مهم جدا لأى حد بيخطط لسفرية اوروبا
>>> اولهم <<<<
انى خدت رفض من فرنسا وكنت متاكد انه مالوش سبب
فبعت لسفارة فرنسا فمصر ايميل قلتلهم فية ان مافيش سبب للرفض فكلمونى بعدها بأسبوعين راجعو معايا الابلكيشن و قالولى تعالى خد الفيزا
بس انا خلال الاسبوعين دول كنت قدمت على فيزا هولندا وخدتها مالتى كمان .. لحد هنا دا اول جزء الناس بتختلف فية
1- ان لو السفارة رفضتك يبقى عندهم سبب حقيقى .. وطلعو اى كلام
2-ان لو اترفضت تقعد 6 شهور وسنة والكلام دا .. لا انا قدمت بعدها ب 4 ايام بس
3-ان بتتسجل عالسيستم الرفض والكلام دا .. فرنسا قالولى تعالى خد الفيزا وهما مايعرفوش انى خدت تشينغن من هولندا واتفاجئو لما عرفتهم انى خدت الفيزا وقالولى خلاص كدا تقدر تروح فرنسا لو عايز بتشينغن هولندا
>>> تانى جزء <<<
ان لو خدت فيزا شنغن من بلد لازم تدخلها علشان اى دولة تانية هترجعك
انا لاقيت تذكرة دايركت ميونخ ب 70 دولار .. ولهولندا 200 دولار ترانزيت
اضيع الأوفر دا ؟
لا طبعا
فبعت لسفارة المانيا فمصر ايميل انى معايا تشنغن مالتى من هولندا
ينفع ادخل من عندكم ؟
قالولى المانيا هتنور
( شوفو الايميل فالصور بالترتيب )وعليه خدت الطيارة لميونخ ونزلت المطار
انا كنت اخر واحد فالصف لان الطيارة كلها المان وانا المصرى الووحيد
( دا علشان فية اشاعة كانت طالعة ان هيرجعونى من مطار الغردقة علشان الطيارة الرخيصة دى شارتر ) وطلعت ريجولار عادى وركبت
اول ما وصلت طبعا انا اخر واحد فكان معايا 2 ظباط جوازات ( ظابط و ظابطة
)ابتسامة جميلة
اهلا بيك
جاى لية ؟ ( انا جاى اتفسح )
هتروح فين ؟ ( انا هلف 8 دول )
ياة بجد ؟ طيب وحجزت اماكن اقامة ؟ ( اه واديتهم فايل ورق متنظم فندق بيسلم فندق فالدول اللى هروحها )
طيب الحجوزات دى مدفوعة ؟ ( لا انا هدفع بالكريدت فالفنادق )
طيب ورينى كريدت وكاش ( وريتهم ماعدوش من بعيد بس )
طيب فين تذكرة الخروج ؟ ( وريتهالهم )
طيب انت هتتنقل من بلد لبلد ازاى ؟ ( وريتهم حجوزات الفلكس باص )
الختم الجميل وبصمت واهلا بيك فألمانيا
الكلام كان فشكل دردشة مش تحقيق خالص وضحك وهزار
الخلاصة
1- فيزا شنغن يعنى تروح اى بلد شنغن بفيزا اى بلد
2- سؤالهم فالمطار مشروع جدا ولو انت ماعندكش اجابة يبقى الغلط عندك ولة حق يرجعك لان مافيش حد جاى شغل او يتفسح ومش معاه كاش ولا حجز ولا عارف هيركب اية .. صح ولا اية ؟
اتمنالكم رحلات سعيدة يا شباب
ومش دايما اى كلام عالنت صح حكم عقلك فاللى بتسمعة
والقانون واضح .. الفيزا بتقدم عليها من اكتر بلد بتقعد فيها لو هتزور اكتر من بلد
تحياتى
