جواز سفري ضاع وعملت محضر فقد في القسم ومحضر...

[شيماء الغزالي]

جواز سفري ضاع وعملت محضر فقد في القسم ومحضر فقد في الجوازات وبدات اجراءات بدل فاقد للباسبور
ودلوقتي انالقيت الباسبور
اتصرف ازاي عشان اوقف اجراءات بدل الفاقد

 

[Osama AL-Hendawy]

توقفيها ليه طلعي الجواز الجديد و خلاص ... و لو قدمتي على الجواز من يومين مثلا فخلاص قضي الامر و في جميع الاحوال مفيش مشاكل لحضرتك

 

[شيماء الغزالي]

المشكله الجواز فيه فيزا لباريس
وقربت تخلص
وانامحتاجه اسافر

 

[Kassem Shaker]

روحى الجوزات

 

[Ramy Pasha Reda]

بدل الفاقد صلاحيته سنة بس خدى بالك و معتقدش هينفع توقفى الاجراءات هو بيطلع فى يومين أصلا
الفيزا أعتقد تسافرى عادى بس تاخدى الجوازين سواء لكن مش متاكد

 

[Gamal Abd Alla]

سافري بالجواز الجديد ومعاكي القديم ، مش معني ان الجواز انتهي ان الفيزا ملغية عادي
بس هيبقي في نقطة مش عارف حلها ان الاتنين ساريين، روحي الجوازت يختموا القديم بختم لاغي

 

[Ahmed Elsharkawy]

ياجماعة ياريت اللى يعرف حاجة عن الموقف اللى هى بتقولة هو اللى يتكلم
حضرتك ودة عن تجربة حصلت معايا سنة 2008
جواز سفرى ضاع
عملت محضر فى قسم الشرطة والجوازات بعد كام يوم لقيت امن الدولة بتستدعينى فروحت لهم سألونى ضاع ازاى وكدة وعملوا محضر هناك كمان
وبعدين لقيت الجواز زى حضرتك كدة
فروحت الجوازات بلغتهم انى لقيتة وعملت محضر اسمة كف بحث
غلط جدا انك تسافرى بجواز انتى قايلة انة ضاع

 

[Ahmed Elsharkawy]

متهيألى كمان تروحى قسم الشرطة تعملى الحاق للمحضر القديم وتقولى انك لقتية

 

[Wael Ben ElDeeb]

بسبورك القديم راح خلاص لو دخلت المطار بيه هيتقبض عليك ولا اكنك لقيته

 

[Eng Netro]

مينفعش توقف الاجرائات هوا اتوقف خلاص

 

[Helal Helal]

بلغى الجوزات انك لقيته وخليهم يدبسوه علشان لو دخلتى بيه حتى لة معاكى جواز جديد هتتحبسى

 

[Ahmed Elsharkawy]

وعلى ما اظن بعد ما تبلغى انك لقتية الامن الوطنى هيستدعيكى تانى ويقولك لقتية ازاى وكدة

 

[Mohammed Desouky]

طب سؤال خارج الموضوع حد عنده فكره اصدار جواز جديد بياخد وقت اد ايه ؟؟ لو باسبورى لسه صلاحيته ساريه بس الصفح خلصت ولو عملت بدل فاقد بيبقى اسرع ولا هيه هيه !!

 

[Mohammed Fathi]

هتروحى الجوزات مكان ما عملتى المحضر تعملى حاجه تانيه اسمها كف بحث لازم يتعمل علشان ميعطلكيش بعد كده

 

[Hossam Zain]

استلمي الجواز الجديد و تعامل بيه عادي بس و انتي في الجوازات بتستلمي خلي الظابط يخرم اول صفحة منه...ولا تقلق الفيزا هتفضل شغاله

 

[Emad Yehia]

مروحتيش الامن الوطنى ؟

 

[Mohamed El Henawy]

انا بسبوري ضاع من سنه و عملت محضر و طلعت بدل فاقد وسفرت بيه كذا مره و بسبوري اللي ضاع رجع الحمدلله بعد ماسفرت و لسه مانتهاش و ينتهي 12/2017 المفروض اعمل ايه؟

 

[Marwa Hussen Mohmmed]

انسى خلاص البسبور القديم شليه زكرى وعادى اتعملى وسافرى بالجديد لان رقم القديم اتغير ويعتبر لاغى