B
Badreldeen Helal Esmail
:: مسافر ::
بسم الله الرحمن الرحيم
هحكى عن رحلتى لجورجيا لمده 6 ايام من 12مايو حتى 17 مايو والترانزيت ف الدوحه ذهاب وعوده وازاى اخدت فسحه مجانيه ودخول مجانى للدوحه فى ترانزيت ال9 ساعات.
((ملحوظه)):- البوست طويل شويتين وبتفاصيل بزياده تهم اللى ناوى يروح فقط والا هتشعر بالملل لو مش مهتم.
بدات برسم الخطه قبلها بشهر ووضع الميزانيه وبفضل الله اولا ثم الاعضاء الكرام وضعت الميزانيه الصحيحه بنسبه 95%.
تجهيز اوراق المطلوبه 1/ حجز هوستل قريب من ميدان الحريه ب 800متر بسعر ممتاز 2/حجز تذاكر الطيران من جده لتبليسي للقاهره وترانزيت الدوحه ذهاب وعوده بسعر ممتاز 3/ ترجمه الاقامه السعوديه للانجليزيه ب 30ريال وللروسيه ب 50ريال يعنى الترجمه كلفت 80 ريال ((كان افضل اعمل الفيزا اون لاين واريح نفسي بنفس التكلفة)) 4/ التامين الطبى
بدانا الرحله من جده وقبل ما اسلمهم الشنط عملو اتصالات بالدوحه وجورجيا عن حالتى وبعد 10 دقائق تمام اتفضل يا افندم......عند الوصول للدوحه كنت عاوز اقابل اختى فالدوحه والترانزيت كان مدته 5 ساعات بعد قليل من العناء اخدت الفيزا عند الوصول والدفع بفيزا العاديه لانى نسيت اعمل رقم PIN لفيزا السفر اللى كنت مجهزها وشاحنها بالدولار (ودى كانت غلطه) واخدتها لمده شهر ولكن اتلغت فور خروجى الى تبليسي.
بعد وصولى تبليسي حولت 50 دولار من اول مكتب فى وشى عشان احاسب التاكسى واجيب خط (ودى كانت غلطه) قابل الضابطه فرشت ورقى كله قدامها وكنت طابع خريطه جورجيا وعليه ذى الخطه مسكت الترجمه فقط وسالتنى ع اصل الاقامه شافته اتضايقت انى ترجمت روسى وسالت ليه اديتنى الختم وسالتنى هتقعد كام يوم وعرفتنى انها من كاخيتى ورشحتها لى شكرا اهلا وسهلا.
انا نسيت اجيب الخط من المطار (ودى كانت غلطه) بره لقيت باقى نص ساعه ع الاتوبيس لانى وصلت 1.30 فجر الجمعه التاكسى اخد 25 الى الهوستل بعد بحث نص ساعه لان مكنش معايا نت ووصلنا لما عرفت ان معاه نت ووصلنا بالجوجل ماب من موبيله.
تانى يوم الجمعه من 8 صباحا نزلت وتقريبا لفيت 90% من تبليسي بس لازم يبقى معاك كوتش رياضى.... المعجنات بيبقى مكتوب عليها مكوناتها لازم تبقى عارف PORK انضمت ع الساعه 12 لمجموعه مجانيه عاملينها شبابا من جورجيا مشى فقط لكل المعالم..جمعت حوالى 5 عروض لشركات سياحه داخليه وقارنت وعرفت الافضل عشان اروح كاخيتي--بورجومي--- متسخيتا --- كازبيجي.
عند ميدان الحريه مركز ارشاد تابع لوزاره السياحه يوميا كنت بزوره لما احتاج اى بوكلت عن اى مدينه هزورها.
((السبت)) انطلقنا الى بورجومى وفاردزيا وما ادراك كهوف فاردزيا ومياه بورجومى الللى تحس انها من حديد مصدأ
طعمها الغريب والطبيعه الساحره والمياه الغازيه وينابيع المياه.
((الاحد)) انطلقنا الى منطقه كاخيتى (سغناغى وبودى) طبيعه وجمال الكهوف حاجه ساحره.
((الاثنين)) الى متسخيتا وجورى حيث الكهوف الغريبه والطبيعه الخلابه.
((الثلاثاء))الى (كازبيجى وانانورى وجودرى) حيث الثلوج والقفز بالبارشوت والطيران من اعلى الجبل (هتفرز كميه ادرالين تكفى لتصنيع نووى) كلفنى 100 دولار واشتريت 3 نكهات عسل من الجبل طبيعيه 100% وبتتذوقها وتعرف الفرق عن المغشوش.
من وجهه نظرى افضل رحله الى منطقه كازبيجى ثم بورجومى ثم كاخيتى ومتسخيتا.
((الاربعاء)) ثانى يوم بتبليسى وحديقه متسيخا اللى فوق
جربت المترو والباصات والتاكسى واحلى حاجه عصير ليمونادرا ومحل الشاورما التركى وجربت مطعم الف ليله وليله ((خد بالك اسعار المياه والمشروبات اضعاف السوبر ماركت)) كل المطاعم عليها ضرايب 10% على اى حاجه هتخدها زرت المسجد اللى مقسوم لشيعه وسنه وقابلت صينى عاوز يدخل الاسلام وشفت الكتابات باللغه العربيه داخل الكنائس....قابلت خليجيين كتيير و2 مصريين فقط....احداهما جاى من السعوديه دخل بالاقامه فقط دون اى دوشه من اللى انا كاتبها فوق دى بس الضابطه وقفته شويه انتظار.
عند الخروج من مطار تبليسى الضابطه استغربت ازاى ختم دخول دون فيزا بس الموضوع مر عادى لما شافت الاقامه السعودى.
نصيحه اخويه:- حافظ على صلاتك قدر الامكان ابووووووووووس ايدك.
لما وصلت الدوحه 5 الفجر والترانزيت لمده 9.30ساعات عرفت ان وزاره السياحه القطريه بتنظم رحلات لمده حوالى 3 ساعات دون اى مصاريف ولا اى فيزا ولكن يجب ان تظهر انك متعرفش حد ف قطر وبالفعل دخلت الدوحه لرحله لمده 3 ساعات زرنا اهم المعالم الرئيسيه واخدنا حوالى 10 دقائق ومرشد فلبينى عند كل معلم بالاضافه لمياه بارده وعند العوده للمطار مختمتش خروج انتظرت اخى علشان اقابله وحصل بالفعل وبعد كده ختمت خروج وعدت الى ام الدنيا لاجازه لمده 21 يوم
تحت امركم فى اى استفسار وكل عام انتم بخير ....فى احاسيس متتوصفش من الطبيعه الخلابه عشان كده مقدرتش اوصفها....هتكتسب اصدقاء وعلاقات وهتمارس لغه وهتكتسب خبره انهاء اجراءات بالمطار وبرود الاعصاب
التكاليف الاجماليه بدون طيران حوالى 500 دولار
#ساااااااااافر
#انطلق
هحكى عن رحلتى لجورجيا لمده 6 ايام من 12مايو حتى 17 مايو والترانزيت ف الدوحه ذهاب وعوده وازاى اخدت فسحه مجانيه ودخول مجانى للدوحه فى ترانزيت ال9 ساعات.
((ملحوظه)):- البوست طويل شويتين وبتفاصيل بزياده تهم اللى ناوى يروح فقط والا هتشعر بالملل لو مش مهتم.
بدات برسم الخطه قبلها بشهر ووضع الميزانيه وبفضل الله اولا ثم الاعضاء الكرام وضعت الميزانيه الصحيحه بنسبه 95%.
تجهيز اوراق المطلوبه 1/ حجز هوستل قريب من ميدان الحريه ب 800متر بسعر ممتاز 2/حجز تذاكر الطيران من جده لتبليسي للقاهره وترانزيت الدوحه ذهاب وعوده بسعر ممتاز 3/ ترجمه الاقامه السعوديه للانجليزيه ب 30ريال وللروسيه ب 50ريال يعنى الترجمه كلفت 80 ريال ((كان افضل اعمل الفيزا اون لاين واريح نفسي بنفس التكلفة)) 4/ التامين الطبى
بدانا الرحله من جده وقبل ما اسلمهم الشنط عملو اتصالات بالدوحه وجورجيا عن حالتى وبعد 10 دقائق تمام اتفضل يا افندم......عند الوصول للدوحه كنت عاوز اقابل اختى فالدوحه والترانزيت كان مدته 5 ساعات بعد قليل من العناء اخدت الفيزا عند الوصول والدفع بفيزا العاديه لانى نسيت اعمل رقم PIN لفيزا السفر اللى كنت مجهزها وشاحنها بالدولار (ودى كانت غلطه) واخدتها لمده شهر ولكن اتلغت فور خروجى الى تبليسي.
بعد وصولى تبليسي حولت 50 دولار من اول مكتب فى وشى عشان احاسب التاكسى واجيب خط (ودى كانت غلطه) قابل الضابطه فرشت ورقى كله قدامها وكنت طابع خريطه جورجيا وعليه ذى الخطه مسكت الترجمه فقط وسالتنى ع اصل الاقامه شافته اتضايقت انى ترجمت روسى وسالت ليه اديتنى الختم وسالتنى هتقعد كام يوم وعرفتنى انها من كاخيتى ورشحتها لى شكرا اهلا وسهلا.
انا نسيت اجيب الخط من المطار (ودى كانت غلطه) بره لقيت باقى نص ساعه ع الاتوبيس لانى وصلت 1.30 فجر الجمعه التاكسى اخد 25 الى الهوستل بعد بحث نص ساعه لان مكنش معايا نت ووصلنا لما عرفت ان معاه نت ووصلنا بالجوجل ماب من موبيله.
تانى يوم الجمعه من 8 صباحا نزلت وتقريبا لفيت 90% من تبليسي بس لازم يبقى معاك كوتش رياضى.... المعجنات بيبقى مكتوب عليها مكوناتها لازم تبقى عارف PORK انضمت ع الساعه 12 لمجموعه مجانيه عاملينها شبابا من جورجيا مشى فقط لكل المعالم..جمعت حوالى 5 عروض لشركات سياحه داخليه وقارنت وعرفت الافضل عشان اروح كاخيتي--بورجومي--- متسخيتا --- كازبيجي.
عند ميدان الحريه مركز ارشاد تابع لوزاره السياحه يوميا كنت بزوره لما احتاج اى بوكلت عن اى مدينه هزورها.
((السبت)) انطلقنا الى بورجومى وفاردزيا وما ادراك كهوف فاردزيا ومياه بورجومى الللى تحس انها من حديد مصدأ
طعمها الغريب والطبيعه الساحره والمياه الغازيه وينابيع المياه.((الاحد)) انطلقنا الى منطقه كاخيتى (سغناغى وبودى) طبيعه وجمال الكهوف حاجه ساحره.
((الاثنين)) الى متسخيتا وجورى حيث الكهوف الغريبه والطبيعه الخلابه.
((الثلاثاء))الى (كازبيجى وانانورى وجودرى) حيث الثلوج والقفز بالبارشوت والطيران من اعلى الجبل (هتفرز كميه ادرالين تكفى لتصنيع نووى) كلفنى 100 دولار واشتريت 3 نكهات عسل من الجبل طبيعيه 100% وبتتذوقها وتعرف الفرق عن المغشوش.
من وجهه نظرى افضل رحله الى منطقه كازبيجى ثم بورجومى ثم كاخيتى ومتسخيتا.
((الاربعاء)) ثانى يوم بتبليسى وحديقه متسيخا اللى فوق
جربت المترو والباصات والتاكسى واحلى حاجه عصير ليمونادرا ومحل الشاورما التركى وجربت مطعم الف ليله وليله ((خد بالك اسعار المياه والمشروبات اضعاف السوبر ماركت)) كل المطاعم عليها ضرايب 10% على اى حاجه هتخدها زرت المسجد اللى مقسوم لشيعه وسنه وقابلت صينى عاوز يدخل الاسلام وشفت الكتابات باللغه العربيه داخل الكنائس....قابلت خليجيين كتيير و2 مصريين فقط....احداهما جاى من السعوديه دخل بالاقامه فقط دون اى دوشه من اللى انا كاتبها فوق دى بس الضابطه وقفته شويه انتظار.
عند الخروج من مطار تبليسى الضابطه استغربت ازاى ختم دخول دون فيزا بس الموضوع مر عادى لما شافت الاقامه السعودى.
نصيحه اخويه:- حافظ على صلاتك قدر الامكان ابووووووووووس ايدك.
لما وصلت الدوحه 5 الفجر والترانزيت لمده 9.30ساعات عرفت ان وزاره السياحه القطريه بتنظم رحلات لمده حوالى 3 ساعات دون اى مصاريف ولا اى فيزا ولكن يجب ان تظهر انك متعرفش حد ف قطر وبالفعل دخلت الدوحه لرحله لمده 3 ساعات زرنا اهم المعالم الرئيسيه واخدنا حوالى 10 دقائق ومرشد فلبينى عند كل معلم بالاضافه لمياه بارده وعند العوده للمطار مختمتش خروج انتظرت اخى علشان اقابله وحصل بالفعل وبعد كده ختمت خروج وعدت الى ام الدنيا لاجازه لمده 21 يوم
تحت امركم فى اى استفسار وكل عام انتم بخير ....فى احاسيس متتوصفش من الطبيعه الخلابه عشان كده مقدرتش اوصفها....هتكتسب اصدقاء وعلاقات وهتمارس لغه وهتكتسب خبره انهاء اجراءات بالمطار وبرود الاعصاب
التكاليف الاجماليه بدون طيران حوالى 500 دولار
#ساااااااااافر
#انطلق
