من فضلك يا ادمن... نزل البوست ضروري جدا انا...

  • بادئ الموضوع بادئ الموضوع Mohamed Mahmoud Shamekh
  • تاريخ البدء تاريخ البدء
M

Mohamed Mahmoud Shamekh

:: مسافر ::
من فضلك يا ادمن... نزل البوست ضروري جدا

انا نزلت بوست يوم الاربعاء بخصوص اني اخدت فيزا امريكا وشرحت تفصيلي الانترفيو ووقلت ان انا موجود للرد علي اي استفسارات لان ده هدف الجروب اننا نتبادل المعلومات علشان نفيد بعض.
.
كل الناس اللي علقت عندي يشهدوا ان مفيش حد كتب كومنت الا ورديت عليه والعدد الرهيب اللي بعتلي خاص رديت عليهم كلهم وناس طلبت تليفوني اتكلمت معاهم كلهم وجابت علي كل الاسئلة..........لكن
.
فيه ناس كانت بتسال وبتطلب طلبات عجيبه وتزعل لما اقول معنديش معلومة او معرفة اساعد.......... زي
.
# انا مبشتغلش عايز اكتب وظيفة في الباسبور.
# انا مبشتغلش عايزك تضربلي hr letter.
# انا اعرف واحدة في امريكا وعايز اسافرلها.
# عايز اقدم علي هجرة.. الاجراءات ازاي.
# شوفلي شغل في امريكا وابعتلي.
# عايزك تدلني ادخل السفارة ازاي واطلع بالفيزا مش عايز اترفض؟؟

كل الحاجات دي لما بجاوب اني معرفش او مقدرش، للاسف الحرد عليا ردود سخيفة جدا، وانا مش عارف ارد اقول ايه.
.
يا شباب الهدف من الجروب نقل تجربة الشخص علشان لو حد هيقدر علي نفس التجربة مش حاجات فرعية كاتب البوست ملوش علاقة بيها ولا هو شغال في السفارة بايده القبول او الرفض.
 
الأدمن نزلك البوست اهو زي ما طلبت , وهو بيطلب منك لو سمحت تبعتله بيانات كل من راسلوك علي الخاص عشان يتم حظرهم من الجروب ....
 
وأحيانا تلاقي حد داخل علي الخاص انت بتشتغل ايه عاوز أتعرف اهرب من الاجابه انت بتشتغل ايه أرد أقول ايه يعني مش عارف حرامي مثلا ربنا يهدي
 
انا بعتذرلك أولا , و لكن صراحه فيه نسبة من الخطأ منك مش من حق أي حد يطلب وقم موبيلك و لا يتصل بيك و يعد يمص في دمك علشان هو يستفيد و لو حضرتك مجوبتوش يقل أدبه
حضرتك تقدر تقوله أكتب سؤالك على البوست العام و انا حرد عليك و متردش على اي حد على الخاص علشان متتوقعش أنه حيكون سؤال واحد , هو بيدأ سؤال واحد لكن حينتهي الا 287 سؤال و هو لوحده المستفيد فقط
أرجو منك تبعت لحد من الأدمن كل الناس اللي بعتتلك خاص زي ما خالد قال علشان كلهم حيتعملهم بلوك من الجروب لكسر قواعد الجروب
 
ههههههههههههههههههههه طب حضرتك ليه مش عاوز تساعدهم ؟؟ اضرب he letter وابعت الشاب للبنت اللي يعرفها وشوف التاني شغل بجد والله حاجه غريبه
 
دا نفس الي حصل معيا و الله والله الموضوع ابسط من كدا اصلا احنا عايزين نفيد الناس بتجاربنا مش اكتر ليه فكرة الهرب و جو همام في امستردام دا الموضوع ابسط من كدا و كمان احنا مش شغالين في سفارة عشان نعرف ايه هي فرصة انك تسافر او لا و ليه السبب و الله احنا بنادمين بس الفكرة في ناس بتسال بس و في ناس بتنفذ و انا اكتشفت اكتر شعب بسال بس هو الشعب مصري ...عذرا علي رد فعلي بس هي دي الحقيقة