لو رايح المغرب، متنساش تعدي علي مراكش جنوب...

  • بادئ الموضوع بادئ الموضوع Muhammad Abdel Rahman
  • تاريخ البدء تاريخ البدء
M

Muhammad Abdel Rahman

:: مسافر ::
لو رايح المغرب، متنساش تعدي علي مراكش
جنوب المغرب من اجمل الاماكن اللي ممكن تزورها خصوصا في الشتاء والربيع
متفكرش تروح في الصيف عشان مع الحر والزحمة مش هتنبسط اوي
المهم نخش بقي في الموضوع!
وانا بسرش قبل ما اسافر للمغرب كنت منبهر جدا بشمال المغرب بس في نفس الوقت عايز ازور اماكن في الجنوب مش بعيدة عن كازابلانكا
كنت بفكر في اكادير ومراكش بس لقيت اكادير بعيدة
فاخترت مراكش لان عجبني جدا المدن الصغيرة اللي حواليها
المهم وصلت في خامس يوم ليا في المغرب مراكش وفي سادس يوم الصبح اتجهت لمنطقة اوريكا!
ركبت من مراكش اتوبيس لاوريكا ومن اوريكا اتوبيس تاني لستي فاطمة، اكتر منطقة عجبتني في اوريكا
والحقيقة اسم المكان ده ليه قصة غريبة عرفتها بالصدفة من tour guide امازيغي قابلته في ستي فاطمة
سالني انت منين؟ قلتله من مصر فحكالي القصة دي والقصة علي عهدته :D
منطقة ستي فاطمة منطقة امازيغية اتسمت بالاسم ده لان المكان ده عاشت فيه ست مصرية اسمها فاطمة، محبة للخير فاتحة بيتها للفقراء والمحتاجين لسنوات طويلة جدا وبعد ما ماتت اتسمي المكان الساحر ده باسمها
ستي فاطمة مكان ساحر بجد! بسيط، هادي جدا، وانت ماشي فيها عينك شايفة جبال وودنك بتسمع صوت الماء اللي جي من الشلالات السبعة والبيوت في المنطقة دي اغلبها بيوت بسيطة وجميلة جدا، كلها باللون الاحمر
القعدة في الكافيهات اللي جنب الشلالات والجبال زي ما باين في الفيديو هتخلي الوقت اللي هتقضيه فيها صعب يتنسي، بصراحة المغرب دايما مرتبطة معايا بذكريات جميلة، مفيش بلد زرتها اكلت فيها اكل جميل + وانا باكل كنت شايف فييو جميل ينفع تتقارن بالمغرب!
الحقيقة المكان ده من اجمل الاماكن اللي زرتها في المغرب ولما ارجع المغرب تاني اكيد هزور ستي فاطمة مرة تانية
#ستي_فاطمة
#مراكش
#حكاية_سفر
6W_D_iKB4X6LpUoRrIE_KZwTUfHACgbC.jpeg

6W_D_iKB4X6LpUoRrIE_KZwTUfHACgbC.jpeg

6W_D_iKB4X6LpUoRrIE_KZwTUfHACgbC.jpeg

6W_D_iKB4X6LpUoRrIE_KZwTUfHACgbC.jpeg

6W_D_iKB4X6LpUoRrIE_KZwTUfHACgbC.jpeg

6W_D_iKB4X6LpUoRrIE_KZwTUfHACgbC.jpeg

6W_D_iKB4X6LpUoRrIE_KZwTUfHACgbC.jpeg

6W_D_iKB4X6LpUoRrIE_KZwTUfHACgbC.jpeg

6W_D_iKB4X6LpUoRrIE_KZwTUfHACgbC.jpeg

6W_D_iKB4X6LpUoRrIE_KZwTUfHACgbC.jpeg

6W_D_iKB4X6LpUoRrIE_KZwTUfHACgbC.jpeg
 
شلالات الاوزود روعة و وادي الجنة باكادير اكثر من روعة اما اقشور حدث ولا حرج ويبقى المغرب وطني الحبيب عشقي الوحيد
 


أكتب ردك...