مساء الخير يا جماعة و هابي ويك أند .... شوية...

[Sayed Mohamed]

مساء الخير يا جماعة و هابي ويك أند ....
شوية سياحة داخلية بقى ، بنفكر نروح أسكندرية (مش الساحل) خلال يوليو، في أي أقتراحات لفنادق معينة ؟ ، و أخبار تيوليب أيه ؟ ، سعره مبالغ فيه جدا على بوكنج رغم إنه non-refundable و رغم إن مستواه كان في النازل أخر مرة روحناه ،في أي أقتراحات لمكان غير أسكندرية أصلا بس تكون في حدود ٢٠٠-٢٥٠ كيلو من القاهرة ( و مش العين السخنة) ؟!!

 

[Fatoma Amora Hessiun]

راس سدر تحفه بس بليل هاديه اوى

 

[Ali Elmasry]

اطلع ستلا دى مارى السخنه يا هندسه وهتدعيلى

 

[Nehal Hassaneen]

ممكن تروح ازور نفس مستوى توليب بس افضل لأنه منتجع عالبحر مباشرة ودى ميزة مش موجودة فى اى فندق تانى فى اسكندرية مهما كان عدد نجومه
يعنى تنزل البحر او البيسين وتطلع مباشرة على اوضتك مش هتاحتاجوا تقعدوا تنشفوا ولا تعدوا نفق ولا شارع
لو عندك اطفال خد الدور الارضى وبكده الولاد هيدخلوا ويخرجوا من التراس ومش هيحتاجوا يلفوا وهيبقوا قدام عينيكم طول الوقت ولو مفيش اطفال خد الدور الفوقانى عشان تشوف البحر
بس ابعد عن الاوض اللى على حمام السباحة اللى ناحية المطعم عشان فى الصيف بيبقى فيه افراح اوبن اير والصوت كأنك قاعد فى قلب الفرح
هيلتون الكورنيش حلو قوى
شتايجنبرجر سيسل جميل جداااً بس للى مش عايز بلاچات ونزول ميه
بس كل دول اسعارهم عالية
لو عايز فنادق اقل يبقى مكة وجدة واللى زيهم بس مستواهم ونضافتهم مش قوى

 

[Maha Adel]

ممكن أزور يا سيد رأيي انه أحسن من تيوليب أو شيراتون المنتزة لو مش فارق معاك أنه يبقى في وسط البلد

 

[Sayed Mohamed]

شيراتون المنتزه أوبشن برضه يا مها بس عيبه إنه بعيد شويتين عن وسط البلد ، لكن هنفكر فيه ..
قلقان من مستوى النضافة في أزور زي ما وضحت ..

 

[Lamis Osama]

Nonita Atef