في ظل تزايد كراهية الاوروبيين و الامريكان...

[Tamer Mostafa Ibrahim]

في ظل تزايد كراهية الاوروبيين و الامريكان للمسلمين بسبب العمليات الارهابية هل فعلا في مضايقات للمسلمين في المطارات و هل ممكن حد يعتدي على زوجتي في الشارع لمجرد انها محجبة ... هل ممكن حد ينظر لنا بعنصرية .. هل لو زوجتي ارتدت بوركيني على بيسيين فندق حيتم منعها؟... يا ريت المقيمين في اوروبا و امريكا بفيدونا و يوضحوا لنا الصورة.. شكرا جزيلا..

 

[Ahmed Yousef]

يعني اي حاجه وارده انا وزوجتي عايشين في تكساس احيانا بنقابل ناس عنصريين بس الاغلبيه كويسين بس طبعا علي كف عفريت اي عمل ارهابي بنبقي قلقانين

 

[Ramy Eman]

كل الامثلة اللي قلتها دي ممكن تحصلك في مصر

 

[Mohamed Hikal]

مشفتش حاجه زي كده

 

[Mohamed M Ahmed]

في الغالب جدا هتشوف معاملة كويسة
لكن التطرف وارد من اي فرد ولكن قليل باذن الله

 

[Noha Said Moawed]

لا طبعا الاوروبيين بيحترمونا اكتر ما احنا بنحترم نفسنا

 

[Morena Kaci]

العنصرية بنتعرض لها أصلا في بلدانا، خلينا واقعيين، اه احتمال تقابل حد كده في الميترو هناك او برا لكن بيبقى واحد في الألف دا لو مش اكثر كمان، انت تروح هناك ولا تلاقي حد يبص ليكم أصلا ولو شافكم كثير من الأحيان بيتسموا في وجهك انت خاف على زوجتك من هنا أصلا

 

[Warda Ahmed]

توقع أي شي في اوروبا الشرقية، أمريكا حسب المنطقه والجاليات اللي عايشين فيها، أوروبا الغربيه لا

 

[Rania Ali]

منطقة ال midwest في امريكا
افضل مكان فعلا للمسلمين.. ناس هادية وفي حالها و كنت بلبس البوركيني عادي ف البحر والبيسين
بالعكس الصغيرين بيفتكروه بدلة غطس وبيجوا يلعبوا معانا

ولايات الجنوب لاء.. الناس غالبا عنصريين

اصدمك كمان أن الناس في شواطيء سانتا مونيكا في لوس انجيلوس بينزلوا البحر بهدوم الخروج.. وانا معاهم

 

[Ghada Salem]

صدمة ايه
دي حاجة لطيفة جدا