A
Ahmed Elsherbini
:: مسافر ::
بمناسبة الحديث عن النصب والسرقة فى أوربا حضرت مشهد غريب حبتين هو أكيد نهايته مش كويسة لكن الحقيقة كنت مستعجل وماحاولتش انتظر اشوف نهايتة.
المكان:
باريس عند برج إيفل
مشهد 1:
كذا شخص جايب دواسة عربية أو قطعة قماش وتلات كوبايات معدن وكرة صغيرة وبيحط الكوباية على الكورة ويبدأ يلخبط الكوبايات ويسأل الناس هى فين الكورة؟ ماحسيتش إنه شىء خارق ولكن وقفت فقط لما لقيته بيأكد مرارا وتكرارا ( بإنجليزية ركيكة) إن الموضوع للتسليه ومجانا مية المية.
لغاية كده كله تمام؟!
حط الكورة تانى ولخبط الكوبايات بطريقة واضحه ومافيهاش أى إنبهار
سأل واحد فين الكورة؟ بعد ما اظن الجميع كان عارف فين الكورة الشخص ده اختار كوباية غلط عشان يسخن الناس ويبدأوا يختاروا ويتفاعلوا وبالفعل أنا اخترت الكوباية المظبوطة.
طبعا صاحب الكورة والكوبايات قعد يشتغلنى ويفهمنى إنى عملت شىء خارق
مشهد2:
حط الكورة ولخبط الكوبايات تانى بشكل بدائى جدا وسأل نفس الشخص اللى بردو اختار الكوباية الخطأ (عمدا) وأصر على موقفه وطلع 50 يورو من محفظته اللى (مافيهاش الا ورق من فئة ال خمسين فقط). طبعا الموضوع حمس شخص تانى( أظن بردو إنه شريك) وطلع 50 يورو من محفظته اللى ( فيها ورقات معدودة أيضا من فئة ال 50 يورو فقط) واعطاها للراجل بتاع الكوبايات واختار الكوب الصحيح وبالتالى رجعتله ال50 يورو بتاعته وعليها ال 50 يورو بتاعت الشخص التانى اللى حاول يتظاهر إنه متضايق ولكن بطريقة تمثيلية من باب ( أنا زعلان اوى على ال 50 يورو بس حلال عليك ربنا يباركلك فيها انت طيب وتستاهل)
مشهد3:
بدأ يعيد نفس الموضوع والورقتين من فئة ال 50 شوية يروحوا للشخص الأول وشوية للشخص الثانى وطريقة حط الكورة ولخبطة الكوبايات مش محتاجة أى إنبهار ضعيف البصر هيفهم إن الموضوع تمثيل
هنا قررت أنسحب وقلت طالما فى ناس مندمجة وبتلعب على فلوس أنا امشي ومش هيحسوا بيا لكن لقيت الكل إلتفت ليا والراجل اللى بيلعب طلب إنى اقف ومش هخسر حاجة وأصر كتير جداا وساب اللى فى إيده وساب فلوس الناس وفضل يحاول يقنعنى حتى لما بعدت عنه وقلتله انى هيفوتنى ميعاد القطار.
الخلاصة :
1.لو صادفك موقف مشابه احتمال كبير جدا يكونوا كلهم مع بعض والتمثيلية كلها عليك إنت.
2. ممكن بعد كده فعلا يصعب اللعبة او يسرق فيها بعد ما إستدرج الناس وخلاهم يحطوا فلوس.
3.طالما بيلعبوا على فلوس وكلها ورق كبير فحتى لو ماخسرتش فلوسك فاحتمال كبير يستبدلها بورقة مزورة وهتبقي بردو خسران خسران.
4. اللعب على فلوس حرام أصلا
المكان:
باريس عند برج إيفل
مشهد 1:
كذا شخص جايب دواسة عربية أو قطعة قماش وتلات كوبايات معدن وكرة صغيرة وبيحط الكوباية على الكورة ويبدأ يلخبط الكوبايات ويسأل الناس هى فين الكورة؟ ماحسيتش إنه شىء خارق ولكن وقفت فقط لما لقيته بيأكد مرارا وتكرارا ( بإنجليزية ركيكة) إن الموضوع للتسليه ومجانا مية المية.
لغاية كده كله تمام؟!
حط الكورة تانى ولخبط الكوبايات بطريقة واضحه ومافيهاش أى إنبهار
سأل واحد فين الكورة؟ بعد ما اظن الجميع كان عارف فين الكورة الشخص ده اختار كوباية غلط عشان يسخن الناس ويبدأوا يختاروا ويتفاعلوا وبالفعل أنا اخترت الكوباية المظبوطة.
طبعا صاحب الكورة والكوبايات قعد يشتغلنى ويفهمنى إنى عملت شىء خارق
مشهد2:
حط الكورة ولخبط الكوبايات تانى بشكل بدائى جدا وسأل نفس الشخص اللى بردو اختار الكوباية الخطأ (عمدا) وأصر على موقفه وطلع 50 يورو من محفظته اللى (مافيهاش الا ورق من فئة ال خمسين فقط). طبعا الموضوع حمس شخص تانى( أظن بردو إنه شريك) وطلع 50 يورو من محفظته اللى ( فيها ورقات معدودة أيضا من فئة ال 50 يورو فقط) واعطاها للراجل بتاع الكوبايات واختار الكوب الصحيح وبالتالى رجعتله ال50 يورو بتاعته وعليها ال 50 يورو بتاعت الشخص التانى اللى حاول يتظاهر إنه متضايق ولكن بطريقة تمثيلية من باب ( أنا زعلان اوى على ال 50 يورو بس حلال عليك ربنا يباركلك فيها انت طيب وتستاهل)
مشهد3:
بدأ يعيد نفس الموضوع والورقتين من فئة ال 50 شوية يروحوا للشخص الأول وشوية للشخص الثانى وطريقة حط الكورة ولخبطة الكوبايات مش محتاجة أى إنبهار ضعيف البصر هيفهم إن الموضوع تمثيل
هنا قررت أنسحب وقلت طالما فى ناس مندمجة وبتلعب على فلوس أنا امشي ومش هيحسوا بيا لكن لقيت الكل إلتفت ليا والراجل اللى بيلعب طلب إنى اقف ومش هخسر حاجة وأصر كتير جداا وساب اللى فى إيده وساب فلوس الناس وفضل يحاول يقنعنى حتى لما بعدت عنه وقلتله انى هيفوتنى ميعاد القطار.
الخلاصة :
1.لو صادفك موقف مشابه احتمال كبير جدا يكونوا كلهم مع بعض والتمثيلية كلها عليك إنت.
2. ممكن بعد كده فعلا يصعب اللعبة او يسرق فيها بعد ما إستدرج الناس وخلاهم يحطوا فلوس.
3.طالما بيلعبوا على فلوس وكلها ورق كبير فحتى لو ماخسرتش فلوسك فاحتمال كبير يستبدلها بورقة مزورة وهتبقي بردو خسران خسران.
4. اللعب على فلوس حرام أصلا