M
Mahmoud Samir Bedair
:: مسافر ::
ازيكم يا شباب زى ما وعدتكم لو لقيت اقبال على البوست بتاع افريقيا حنزل باللى بعده
النهارده جايبلكم رحلة طلعتها قريب مميزه و جميله جدا و سهله لكل المصريين
3- لبنان.
لبنان بدون مبالغه فعلا من اجمل بلاد العالم فى طبيعتها الجبلية و شواطئها و جوها المميز ده غير طبعا انها ليها تاريخ عريق و اثار كتير رومانيه و فينيقيه و اغريقيه و اسلاميه و مسيحيه
و بتتميز بميزه مهمه جدا ان مساحتها صغيره و سهل تزور كل بقاعها و مدنها بسهوله جدا
وبالنسبة للمصريين سهل الحصول على التاشيرة قبل السفر من السفارة بس بتاخد وقت
او عند الوصول للمطار هناك ولكن فى الحالة دى لازم يكون الفرد معاه 2000 دولار كاثبات للنفقات السياحيه و بتكون التاشيره فى حدود 40 دولار و يفضل ان يكون ليك سفريات سابقه ووظيفه مكتوبه فى الباسبور لتسهيل الاجراءات و عدم حدوث اى عوائق
لبنان برضه بتتميز بانها تصلح للسفر صيفا و شتاءا , انا كمان بنصح اللى نفسه يروح لبنان يزورها مره شتوى و مره صيفي بتكون بلد تانيه و فيها نشاطات مختلفه فى الفصول و عندهم انشطه فى الصيف و الشتا كويسه جدا زى التزلج على الجليد و الباراجلايدينج (القفز من الجبال بالمظلات) و الرياضات المائية و طبعا التسلق و الهايكينج
و طبعا لا يخفى عليكم انها مميزه بالحياة الليليه و الحفلات لانهم شعب حبوب جدا و بيحب المصريين جدا بس رجاءا متحاولش تقلد اللهجه اللبنانيه وانت هناك لانها مش بتبقى كيوت زى مانت متخيل بالعكس هما بيحبوا جدا لهجتنا المصرية
و يجب على الزائرين طبعا احترام التنوع العرقى و الديني عند اللبنانيين لانهم متعايشين بصورة كبيره و متقبلين جدا شيعه او مارون او دروز او سنه او مسيحيين
التنقل فى لبنان بيكون بالسيارات لان شبكة المواصلات فيها ضعيفه لكن حتكون سعيد الحظ لو تعرفت على عربيه و بسواق كويس و عنده معلومات سياحيه و علم بالاماكن السياحيه بس حيكون ده اكتر جانب فيه صرف او اغلى حاجه عموما فى الرحله و بنسبه كبيره حتتعامل فى الامور دى بالدولار
الفنادق اسعارها معقول جدا لو حتقيم فى بيروت ممكن تتحرك منها لكل المدن بسهوله و ممكن لو عايز تصرف فلوس زياده تاخد فندق على الجبل بفيو وهمي صعب تستوعبه . بالنسبة للشوبنج مميزه و لكن غاليه حتلاقوا كل البراندات العالميه هناك.
والأكل اللبنانى يا جماعه
يا جماعه المشويات و الفتوش و التبوله و الشاورما و الحلويات و الحمص
الحمص ياخواننا
مش عارف اتكلم
دي مقدمه طويله لبلد جميله و اليكم اهم المدن
محافظة بيروت
محافظة جبل لبنان
( جونية – برومانا – حريصا)
محافظة الجنوب (صور – صيدا )
محافظة الشمال (طرابلس - بشري)
محافظة بعلبك
محافظة البقاع
-------------
استمتعوا بالصور بتاعتي بس ممنوع النقل
لمتابعة باقي الرحلات
/Traveller experience
النهارده جايبلكم رحلة طلعتها قريب مميزه و جميله جدا و سهله لكل المصريين
3- لبنان.
لبنان بدون مبالغه فعلا من اجمل بلاد العالم فى طبيعتها الجبلية و شواطئها و جوها المميز ده غير طبعا انها ليها تاريخ عريق و اثار كتير رومانيه و فينيقيه و اغريقيه و اسلاميه و مسيحيه
و بتتميز بميزه مهمه جدا ان مساحتها صغيره و سهل تزور كل بقاعها و مدنها بسهوله جدا
وبالنسبة للمصريين سهل الحصول على التاشيرة قبل السفر من السفارة بس بتاخد وقت
او عند الوصول للمطار هناك ولكن فى الحالة دى لازم يكون الفرد معاه 2000 دولار كاثبات للنفقات السياحيه و بتكون التاشيره فى حدود 40 دولار و يفضل ان يكون ليك سفريات سابقه ووظيفه مكتوبه فى الباسبور لتسهيل الاجراءات و عدم حدوث اى عوائق
لبنان برضه بتتميز بانها تصلح للسفر صيفا و شتاءا , انا كمان بنصح اللى نفسه يروح لبنان يزورها مره شتوى و مره صيفي بتكون بلد تانيه و فيها نشاطات مختلفه فى الفصول و عندهم انشطه فى الصيف و الشتا كويسه جدا زى التزلج على الجليد و الباراجلايدينج (القفز من الجبال بالمظلات) و الرياضات المائية و طبعا التسلق و الهايكينج
و طبعا لا يخفى عليكم انها مميزه بالحياة الليليه و الحفلات لانهم شعب حبوب جدا و بيحب المصريين جدا بس رجاءا متحاولش تقلد اللهجه اللبنانيه وانت هناك لانها مش بتبقى كيوت زى مانت متخيل بالعكس هما بيحبوا جدا لهجتنا المصرية
و يجب على الزائرين طبعا احترام التنوع العرقى و الديني عند اللبنانيين لانهم متعايشين بصورة كبيره و متقبلين جدا شيعه او مارون او دروز او سنه او مسيحيين
التنقل فى لبنان بيكون بالسيارات لان شبكة المواصلات فيها ضعيفه لكن حتكون سعيد الحظ لو تعرفت على عربيه و بسواق كويس و عنده معلومات سياحيه و علم بالاماكن السياحيه بس حيكون ده اكتر جانب فيه صرف او اغلى حاجه عموما فى الرحله و بنسبه كبيره حتتعامل فى الامور دى بالدولار
الفنادق اسعارها معقول جدا لو حتقيم فى بيروت ممكن تتحرك منها لكل المدن بسهوله و ممكن لو عايز تصرف فلوس زياده تاخد فندق على الجبل بفيو وهمي صعب تستوعبه . بالنسبة للشوبنج مميزه و لكن غاليه حتلاقوا كل البراندات العالميه هناك.
والأكل اللبنانى يا جماعه
يا جماعه المشويات و الفتوش و التبوله و الشاورما و الحلويات و الحمص
الحمص ياخواننا
مش عارف اتكلم
دي مقدمه طويله لبلد جميله و اليكم اهم المدن
محافظة بيروت
محافظة جبل لبنان
( جونية – برومانا – حريصا)
محافظة الجنوب (صور – صيدا )
محافظة الشمال (طرابلس - بشري)
محافظة بعلبك
محافظة البقاع
-------------
استمتعوا بالصور بتاعتي بس ممنوع النقل
لمتابعة باقي الرحلات
/Traveller experience