يا جماعه اللي راح روسيا قبل كدا يقولي ايه احسن...

[Samy Esmat Anwer]

يا جماعه اللي راح روسيا قبل كدا يقولي ايه احسن شهر في الصيف لزيارتها و لو برنامج حلو كدا يبقي تمام بالنسبه الفيزا عادي من السفارة و لا محتاج دعوه و لازم تعملها شركة سياحة و ايه ارخص طيران بيروح ليها و لو الطيران ده ترانزيت في دوله تشنجن هاحتاج فيزا ترانزيت ولا ايه

 

[Ahmed Adrynoo]

Mohamed Elsayed

 

[Rana Mahmoud]

F

 

[Mohamed Elsayed]

لازم بدعوه و احلي شهور شهر الصيف و لو عايز تلج خفيف يبقي روح في ابريل أو مايو أو بدايات اكتوبر ... و اهم شئ خلى اللى باعتلك الدعوة يستناك فى المطار و خد صورة من الدعوة معاك و خد معاك كاش كويس انا كنت واخد ٤ الالف دولار ... و صورة من خطاب شغلك و حجز ال فندق طبعا لانهم بيسألوا عليهم اما بتوصل و اهم شئ اللى باعت الدعوة يستقبلك فى المطار دا الاهم لانهم بيرحلوا المصريين بنسبة كبيرة جدا من كل مطارات روسيا و مفيش مطار احسن من التانى

سألونى و سألوا كل المصريين اللى واصلين معايا ع الورق دا بالرغم انى مسافر دول كتير و رحلوا 3 قدامى منهم واحد كان معاه شيينجن بس منتهية و معاه اقامة سارية فى جورجيا و مسافر بتأشيرة سياحة و واحد تانى كان مصرى مقيم فى الامارات و بيتفسح فى جورجيا و كان معاه تأشيرة بيزتس لانى كنت مسافر روسيا من جورجيا... لكن اللى معاهم اقامات فى روسيا او دخلوا روسيا قبل كدا دول بيدخلوا طبيعى جدا بدون اجراءت روتينية.... دا بيحصل للى داخل اول مرة لروسيا و التعقيدات وصلت للمرحلة الصعبة دى من نهايات 2016 ....
لانى استغربت جدا من الموقف و ان روسيا كان الكل بيخش بسهولة عادى بدون اى مشاكل او حوارات و ان الدنيا كانت لذيذه لكن للاسف كل شئ اتحول 180 درجة و بيدخلوك غرفة فى المطار صغيرة جدا فى وش الجوازات و يبعتولك ضابط بتتكلم انجليزى و بيسألوك قبلها بتعرف روسى او لأ و يفضلوا يسالوا على كل الورق دا و ياخدوه منك و تستنى و يرجعوا بعدها بفترة تقريبا نص ساعة و يسالوك على موبايلك و يطلبوا تفتح الباسوورد و ياخدوه منك يدخلوا كود فيه و فى زى حد رتبة صغيرة كدا واقف ع الباب بتاع الغرفة علشان محدش يخرج منها و مش بيتكلم ولا بيرد على اى حد و مش بيعرف انجليزى و الضابط اللى بتتكلم انجليزى دى كانت كبيرة فى السن و شافت كل الاوراق و رفضوا دخول الناس اللى كانت معايا و كنت انا اخر و طلبوا مني رقم موبايل اللي باعت الدعوة و مصورة بجواز السفر الداخلي و بالفعل اللي باعت الدعوه وصل المطار بعد ساعتين مضوه علي إقرار و اتاكدوا أنه الشخص اللي باعت الدعوه بالفعل و اعطوني الباسبور و قالولى روح اختم دخول و اهلا بيك و سألتها هو ليه دا كله هل فى شئ خطا حصل ؟؟ قالت ان دى اجراءات جديدة لبعض الجنسيات منها مصر اثناء دخولهم لروسيا اول مرة و انه متبع فى كل مطارات روسيا حاليا

 

[Mic Heal]

الفيزا ببلاش بسبب المونديال