K
Kasem Hato
:: مسافر ::
لما كنت في الهند, كنت مع بعض الأصدقاء في أحد المعابد في نيودلهي، وبعد الإنتهاء من المعبد كان هناك اشي زي موائد الرحمن لكن النسخة الهندية، الفرق انه بقدموا اكل هندي بدل المناسف والكبسة والمقلوبة،، تمت دعوتنا لندخل ونأكل لكنّي عارضت بشكل كبير (لإنه ممكن بسهولة يكون الأكل مش نظيف!) لكن أصدقائي أصرّوا علي إنه ندخل ولقيت حالي قاعد معهم بستنى الأكل.. بعد دقيقتين أعطونا صحون ومعالق وإجا واحد يحطّلنا الأكل والله يجزيه الخير أكرمنا وحطّلنا ضعف الكمية للناس العاديين شبعنا بعد هنيهات من الأكل لكن الصحن كان لسا مليان.. الناس صاروا يتطلعوا علينا ويضحكوا، أوّلها ما فهمنا بعدين اكتشفنا انه ممنوع تقوم الا لتخلص صحنك وقتها حسينا انه أكلنا مقلب أخو شلن بعد محاولات للتفاهم مع المسؤولين اجا واحد مسؤول كبير وحكالهم يتركونا نطلع عشان سيّاح.. طلعنا والكل بجحر فينا خصوصا كبار السن ولمّا وصلنا الباب كانوا رح يمنعونا نطلع لحد ما نادى المسؤول على الحارس وحكاله يطلعنا وخرجنا
الدرس المستفاد: لا تحط بصحنك أكتر من حاجتك حتى لو عزموا عليك والصراحة حبيت هاد القانون، لو يطبقوه عنا بقل استهلاك الأكل للنصف
مدونة ابن حتوتة
الدرس المستفاد: لا تحط بصحنك أكتر من حاجتك حتى لو عزموا عليك والصراحة حبيت هاد القانون، لو يطبقوه عنا بقل استهلاك الأكل للنصف
مدونة ابن حتوتة