دلوقتي احنا قدمنا لسفارة النمسا و بعتولنا...

[Nagwa Amin]

دلوقتي احنا قدمنا لسفارة النمسا و بعتولنا ايميل عايزين إثبات أن الولاد هيرجعو المدرسه السنه الجايه و إثبات أن جوزي هيرجع الشغل !! مع ان ده مش موجود في check list بتاعه السفاره !!السؤال هنا ده معناه ايه حاجه كويسه و لا تلكيكه يعني ليه طالبين الأوراق دي مع ان مقدمين اوراقنا كامله و قويه. السؤال التاني هل لازم اروح اقدم الورق في السفاره ولا ممكن اعملها سكان بالأيميل و خلاص !!!؟ ؟ ؟

 

[Hend Salem]

السفارة من حقها تطلب اى اوراق او اثباتات اضافية حتى لو مش مكتوبة فى لستة الاوراق المطلوبة
النمسا دايما بتعمل الحركة دى
اعتقد لازم تقدمى الاصول للسفارة و لو فيها حاجة عربى هتترجم برضو

 

[Ashraf Gawdat]

بغض النظر عن أي حاجة فهو معناه حاجة كويسة .. لو تلكيكة فهم من حقهم يرفضوا من الأول أصلا ومش محتاجين يعملوا الحركات دي

 

[Aya Kamal Abo-Elkhair]

لا عادي متقلقيش بتروحي يوم تديهم الاثبات وبعدها بكام يوم هيكلموكي تيجي يقولولك مقبوله ولا اهم حاجه ضبطي ورقك
لانهم بيدققوا اوي بس طالما كده يبقي تمام متقلقيش
عملوا معايا كده انا وزمايلي وخلوني اجبلهم ايميلاتي كوبي بيست مع اداره المستشفي هناك عشان كنا جايلنا invitation عشان تدريب هناك

 

[Samer Shawky Nosseir]

يخربيت ام السفارة دي، طلبوا مني وقت الهني مون اثبات بالفرح، كنت طابع دعوة واحدة بس احتياطي عشانهم هربت منييييهم

 

[Nagwa Amin]

طيب ربنا يطمنكم..انا كلمت مكتب vfs قالولي ابعتيها بالأيميل الأول و اتصلي بيهم اتاكدي لأن بالعاده الايميل مقبول إلا لو رجعو طلبو منكم الأصول يبقي تقدموها في vfs

 

[Ayman El Semry]

حاولي تحضري إيصال لسداد مصاريف المدرسة العام القادم للأولاد وموضوع زوجك هيرجع تاني شغله دي اللي صعبه بس ممكن تأمينات مش عارف بصراحه
بس لازم سيادتكً تقدمي الكلام ده و تعملي كل مجهودك لان بتقديمك الكلام ده هيعطي لك باذن الله الفيزا و بعد كده كل سنه هتكون سهله فلازم تحاولي لان واضح ان دي اول مره لكم شينجن

بس أهل الخبره يقولوا لكي ازاي تثبتي موضوع رجوع زوجك