صباح الخير انا بقالي ٣ ايام بقرا في كل جروبات...

  • بادئ الموضوع بادئ الموضوع Doaa Negm
  • تاريخ البدء تاريخ البدء
عرض العطلة
D

Doaa Negm

:: مسافر ::
#1
صباح الخير
انا بقالي ٣ ايام بقرا في كل جروبات اليفر عشان بي احد. عايزه اروح فين
انا اول مره اسافر وبصراحه خايفه الظروف متساعدنيش اسافر تاني عشان كده كان نفسي استغل الفرصه
ودي خلاصه اللي اكتشفته من بحث اني عايزه اروحوا
برشلونه وعوفت انها قريبه بس من فرنسا
فقلت ممكن تبقي الرحله
برشلونه
باريس و ديرني لاند
منها علي بروج في بلجيكا
انا اعتقد ان امستردام و فينيا و بودابست ممكن يتراحوا بالقطر او الباص بس انا مش عارفه ارتب ازاي ساعدوني بليز
واخيرا اني اخد الفيزا ع جواز ابيض صعبه حتي او مل الشروط موجوده
او خد هيعملي زياره لاسبانيا
 
#4
نصيحة متسافريش اكتر من 3 بلاد او 4 بالكثير اوي او هتتعبي وتحسي انك بتجري حولين نفسك و مش هتستمتعي بالسفر.... لما تيجي تقسمي الايام كل بلد تكون 3 ليالي بيات او اكتر عشان تقدري تريحي و تستمتعي
 
#5
الترتيب الطبيعى..برشلونة ثم باريس وبعدين بروج فأمستردام وبعدين برلين ..براج ..فيينا ثم اخيرا بودابست
 
عرض العطلة
عرض العطلة
#11
انا من رايي تسافرى كتير لو قادره بس حاولي تقللي وقت السفر يعني مثلا ممكن تاخدي طياره من هولندا للنمسا او لميونخ حتوفر معاكي وقت خاصه والطيران في اوروبا لو حجزا من بدري بيبقى رخيص
 
#13
بصى.. انا سافرت امستردام- بروكسل- باريس- بارشلونة- مدريد

بس ده هيتوقف عالوقت العندك (ادى كل حاجة وقتها) و انتى اساساً مسافرة منين
يعنى لو طالعة من القاهرة مثلاً هتروحى طيران القاهرة-مدريد و بعدين تتحركى من تحت لفوق (مدريد- برشلونة- باريس- بروكسل- امستردام- و ممكن تكملى بعدها كوبنهاجن حسب الفلوس و الوقت و فى الاخر تاخدى طيارة من اخر بلد ترجعى مدريد علشان ترجعى على مصر
 
#14
فيه اوبشن تانى و نوعاً ما ارخص.. و هو اليونان و ايطاليا و النمسة و المجر (بودابست) و براغ
البلاد دى اكتر من رائعة و نوعاً ما تعتبر فيها ارخص بلاد اوروبا
 
#15
انا سافرت برشلونة وكان كفاية عليها يومين باريس 4 أيام .
وامستردام 3 أيام . والليلة دى كلها صرفت 1400 يورو وآخر دلع.
 
عرض العطلة
#16
أحلى إختيار بروج
كل اللى بييجي بلجيكا بيروح على بروكسل لكن إنتى إخترتى صح بروج أو آردينين
وبعدها لازم أمستردام طبعا من بروج لأنهم مش بعاد عن بعض وإستحاله يبقي إسمك جيتي أوروبا من غير أمستردام
لو روحتى زى مابتقولى برشلونه باريس بروج أمستردام فيينا بودابست يبقي كده لفيتي النص الغربي كله تقريبا
 
#20
اولا: لازم تحددي المدة كلها كام يوم .. لان كده اي حد حايقولك ترتيب جغرافي وده تقدري تعرفيه لوحدك .. كل مدينة تحتاج وقت مختلف (حسب أولوياتك)
ثانيا: أيه هي اولوياتك (أماكن اثرية، طبيعة، شوبينج، .. الخ)؟.. مجرد تشوفي ال attractions ولا تعرفي ثقافات الشعوب كمان ؟
ثالثا: ميعاد السفر بالتقريب علشان تختاري أفضل مدن تروحيها في الوقت ده
 
عرض العطلة
عرض العطلة
عرض العطلة