السلام عليكم .. عندي صاحبي المبتعث علية قرض...

[Mohammed Ahmed]

السلام عليكم ..
عندي صاحبي المبتعث علية قرض من بنك سعودي .. البنك تواصل مع والد صاحبي و قال له ان بعثة صاحبي راح تتاثر بشكل سلبي بمعنى انه في امكانية إيقاف البعثة عن صاحبي .. هل كلام موظف البنك صحيح او مبالغة منه ؟ شكراً لكم ..

 

[Fahad Almutairi]

البنك يقدر يتسبب بايقاف خدمات ومنع سفر عبر قرار محكمة، لكن ما يقدر يلغي بعثته الا بحال رجع صاحبك للسعودية قبل انتهاء بعثته. لانه ما راح يقدر يغادر السعودية لمقر البعثة بسبب منع السفر.
خلي صاحبك يطلب اعادة جدولة ويحاول قدر المستطاع تجنب ايقاف الخدمات.

 

[Khalid Bawareth]

كلام الاخ فهد صحيح .

 

[Muath Alali]

طلعو نص المبتعثين عليهم قروض وانا على بالي ما في الا انا

 

[Thabet Al Shahrani]

لا يا أختي ما عليه منهم بس يخوفونه ومالهم اي علاقة بس فيه سببين السبب الأول يوقفوا خدماته يعني اذا رجع للسعودية يمكن مايقدر يرجع من المطار. الأمر الآخر إذا كان موظف ما راح ينزل له راتب لان البنك بياخذ الأقساط المتأخرة كاملة. من بدري يرتب وضعه.

 

[Abdullah Alamri]

نظام التخويف عندهم تعبان خخخخ

 

[Bandar Almutiri]

كلام فاضي بس يبون يخوفون

 

[Eng-Abdullah Alsaedi]

صادق! إيقاف الخدمات والمنع من السفر تأثير سلبي كبير! راح يسدد عاجلاً أم آجلاً

 

[Mohammed Ahmed]

شكراً لكم جميعاً ع الردود .. صح انا توقعت انه مغالبة من موظف البنك .. لان ما اتوقع يتضرر المُبتعث من البنك الا اذا كان بالسعودية ..

 

[Musleh Elqarni]

إذا رجع الله يعينه ما يطلع من السعودية إلا ويسدد أو يعيد الجدولة وذلك بإحضار خطاب من وزارة التعليم العالي بأنه مبتعث ، فالأفضل انه مايرجع الا بعد انتهاء الدراسة اذا بقي عليه مدة قصيرة للتخرج

 

[Fahad Alhawti]

هل الاشخاص يقدرون يوقفون الخدمات ولا بس البنوك يعني لو علي مديونيه من شخص هل يقدر يوقف خدماتي