A
Abdul Toaimah
:: مسافر ::
عملت ايه اول ما طلعت من مطار القاهره !!
---
كل اللي كان في دماغي اني اسافر اشوف حلمي ومستقبلي الغامض زي ما قولت قبل كده .
شاب مكملش ١٨ سنه وقرر يسافر ويغامر لوحده وهو مش عارف هينام فين ولا هياكل فين ولا هيدرس إيه ولا ولا لا.
غموض غموض مفيش كلام
فتوكلت علي الله وأخدت خطوتي وكانت هي الذهاب إلي الولايات المتحده الأمريكيه واني اعمل ترانزيت في ايطاليا عشان حابب اشوفها جداً .
وطبعا ولا اعرف ايطالي ولا حتي انجلش مع اني دارس الاتنين في مصر بس ( تعليم حكومي) ياباشا
فوصلت المطار في روما وكنت تايه طبعا بس مشيت علي الinformation signs اللي موجوده لحد ما روحت مكتب ختم دخول ايطاليا ، وهنا بدأت المشكله !
الظابط بص في الباسبور وشاف اني جاي من مصر ورايح أمريكا وهعمل ترانزيت ٢٧ ساعه في روما ف ازاي ده يعني هي كوسه ؟
راح مكلم ظباط ياخدوني المكتب و استنيت سعادة الظابط الكبير اللي هيحقق معايا بقي عشان جاي اقعد ٢٧ ساعه في بلده وماشي تاني ( اجراءات امنيه يعني)
فدار الحوار كالاتي
- " انت جاي هنا ليه؟"
= جاي ازور روما يوم ع السريع وبعدين هطلع ع نيويورك"
- طيب فين الفندق اللي هتقعد فيه ؟
= "يافندم فندق ايه بس ده انا يادوب هدخل الكولوسيو والف شويه كده واكل بيتزا عند ماليتو وهروح تاني"
- "طب معاك فلوس كام ؟"
وهنا بقي حصلت الصدمه
قلعت البنطلون الجينز اللي لابسه وفتحتله الجيوب السريه اللي كنت عاملها فالكالسون اللي لابسه عشان اطلع منها الفلوس
فالظابط اتصدم قالي " ايه ده انت بتقلع قدامي كده ، انت هتعمل ايه"
قلتله "ثواني بص وهتشوف"
وفعلا طلعت الفلوس وهو عدهم وقالي تمام وفضل يضحك كتير هو والظباط التانيه وعجبتهم فكرة السوسته السريه في الكالسون
بس كده فدخلوني البلد واول ما خرجت بره لاقيت في باصات رايحه روما فقرأت المعلومات من المكاتب اللي برا واستنيت الباص وطلعت ع سنتر روما واكلت اوح بيتزا في حياتي واتصدمت بصراحه منها ، لأني واخد فكره ان ايطاليا ملكة البيتزا والباستا
اتصورت شويه واشتريت تيشرت وكاب وكده وبعدين اتمشيت وروحت نايم في الجنينه اللي قدام الكولسيوم ، وفاجأه جه اتنين ظباط وصحوني وانا في عز نومي وقالولي "مينفعش تنام هنا !"
ياعم الظابط بقالي ٤ ايام منمتش وعاوز اريح شويه م هينفع كده مش اصول طلاينه دي خلي بالك
المهم روحت اتمشي بليل والف ع المطاعم واشوف الاكل ايه نظامه وانا خايف ع الفلوس بتاعتي ولسه هطلع ع نيويورك ومعرفش ايه هيقابلني هناك !
فلاقيت شويه سواقين تاكسي مصريين قدام محطه القطر وعمالين يتعاركوا مع بعض ومره واحده كده لاقيتهم بيبصولي جامد
اللي هو ايه ده الواحد ده شكله مصري اوي وازاي هنسيبه كده
فخلعت بصراحه كده وركبت الباص ورجعت علي المطار ولسه فاضل حوالي ٦ ساعات الطياره و انا هموت وانام
فروحت شارب ما لا يقل عن ٧ قهوه سبريسو الشهيره في ايطاليا مع حتت عيش وصباح الفل
يعني اشرب قهوه واروح ع الحمام ، اشرب واروح الحمام
لحد ما حصل اللي كنت خايف منه!!
وانا في الحمام بقي اخر مره نسيت الشنطه الكروس اللي كنت لابسها جوه اوضه الحمام
الشنطه كان فيها الباسبورين وورقي كله وكل متعلقاتي الشخصيه
ومعرفتش غير بعد شويه لما جيت اطلع الشاحن عشان اشحن الموبيل .
فجريت بسرعه فائقه علي الحمام وقلبي بيدق بسرعه مهوله
فلاقيت عامل النظافه في الحمام فسالته " انا نسيت الشنطه في الحمام "
فقالي "انا قفلت الحمام كله و بلغت البوليس"
يالهوي بوليس ؟ مش كفايه اللي حصل معايا اول ما وصلت
وفجأه كبس عليا اتنين ظباط ولا ال Cia ومعاهم اسلحه اول مره اشوفها
في حياتي ومعاهم الشنطه بتاعتي وفتشوها وفتشوني حته حته حتي البوكسر الكوتونيل
وفضلوا يحققوا معايا مش اقل من ساعه وخلاص معاد قلوع الطياره بعد نص ساعه
راحوا مكلمين القسم عندهم وقالوله خلاص مشيه
فخدوني علي البوابه بتاعه التفتيش ووصوا عليا بتوع التفتيش
المهم خلصنا خلاص وبعدين طلعت الطياره
وفي طريقي الي نيويورك
يُتبع..
تابعوني من نيويورك علي الانستجرام
Abdul.toaimah
#نلقاكم_في_نيويورك
#غُربه_٢
#نيويورك
#أمريكا
#سافر
---
كل اللي كان في دماغي اني اسافر اشوف حلمي ومستقبلي الغامض زي ما قولت قبل كده .
شاب مكملش ١٨ سنه وقرر يسافر ويغامر لوحده وهو مش عارف هينام فين ولا هياكل فين ولا هيدرس إيه ولا ولا لا.
غموض غموض مفيش كلام
فتوكلت علي الله وأخدت خطوتي وكانت هي الذهاب إلي الولايات المتحده الأمريكيه واني اعمل ترانزيت في ايطاليا عشان حابب اشوفها جداً .
وطبعا ولا اعرف ايطالي ولا حتي انجلش مع اني دارس الاتنين في مصر بس ( تعليم حكومي) ياباشا
فوصلت المطار في روما وكنت تايه طبعا بس مشيت علي الinformation signs اللي موجوده لحد ما روحت مكتب ختم دخول ايطاليا ، وهنا بدأت المشكله !
الظابط بص في الباسبور وشاف اني جاي من مصر ورايح أمريكا وهعمل ترانزيت ٢٧ ساعه في روما ف ازاي ده يعني هي كوسه ؟
راح مكلم ظباط ياخدوني المكتب و استنيت سعادة الظابط الكبير اللي هيحقق معايا بقي عشان جاي اقعد ٢٧ ساعه في بلده وماشي تاني ( اجراءات امنيه يعني)
فدار الحوار كالاتي
- " انت جاي هنا ليه؟"
= جاي ازور روما يوم ع السريع وبعدين هطلع ع نيويورك"
- طيب فين الفندق اللي هتقعد فيه ؟
= "يافندم فندق ايه بس ده انا يادوب هدخل الكولوسيو والف شويه كده واكل بيتزا عند ماليتو وهروح تاني"
- "طب معاك فلوس كام ؟"
وهنا بقي حصلت الصدمه
قلعت البنطلون الجينز اللي لابسه وفتحتله الجيوب السريه اللي كنت عاملها فالكالسون اللي لابسه عشان اطلع منها الفلوس
فالظابط اتصدم قالي " ايه ده انت بتقلع قدامي كده ، انت هتعمل ايه"
قلتله "ثواني بص وهتشوف"
وفعلا طلعت الفلوس وهو عدهم وقالي تمام وفضل يضحك كتير هو والظباط التانيه وعجبتهم فكرة السوسته السريه في الكالسون
بس كده فدخلوني البلد واول ما خرجت بره لاقيت في باصات رايحه روما فقرأت المعلومات من المكاتب اللي برا واستنيت الباص وطلعت ع سنتر روما واكلت اوح بيتزا في حياتي واتصدمت بصراحه منها ، لأني واخد فكره ان ايطاليا ملكة البيتزا والباستا
اتصورت شويه واشتريت تيشرت وكاب وكده وبعدين اتمشيت وروحت نايم في الجنينه اللي قدام الكولسيوم ، وفاجأه جه اتنين ظباط وصحوني وانا في عز نومي وقالولي "مينفعش تنام هنا !"
ياعم الظابط بقالي ٤ ايام منمتش وعاوز اريح شويه م هينفع كده مش اصول طلاينه دي خلي بالك
المهم روحت اتمشي بليل والف ع المطاعم واشوف الاكل ايه نظامه وانا خايف ع الفلوس بتاعتي ولسه هطلع ع نيويورك ومعرفش ايه هيقابلني هناك !
فلاقيت شويه سواقين تاكسي مصريين قدام محطه القطر وعمالين يتعاركوا مع بعض ومره واحده كده لاقيتهم بيبصولي جامد
اللي هو ايه ده الواحد ده شكله مصري اوي وازاي هنسيبه كده
فخلعت بصراحه كده وركبت الباص ورجعت علي المطار ولسه فاضل حوالي ٦ ساعات الطياره و انا هموت وانام
فروحت شارب ما لا يقل عن ٧ قهوه سبريسو الشهيره في ايطاليا مع حتت عيش وصباح الفل
يعني اشرب قهوه واروح ع الحمام ، اشرب واروح الحمام
لحد ما حصل اللي كنت خايف منه!!
وانا في الحمام بقي اخر مره نسيت الشنطه الكروس اللي كنت لابسها جوه اوضه الحمام
الشنطه كان فيها الباسبورين وورقي كله وكل متعلقاتي الشخصيه
ومعرفتش غير بعد شويه لما جيت اطلع الشاحن عشان اشحن الموبيل .
فجريت بسرعه فائقه علي الحمام وقلبي بيدق بسرعه مهوله
فلاقيت عامل النظافه في الحمام فسالته " انا نسيت الشنطه في الحمام "
فقالي "انا قفلت الحمام كله و بلغت البوليس"
يالهوي بوليس ؟ مش كفايه اللي حصل معايا اول ما وصلت
وفجأه كبس عليا اتنين ظباط ولا ال Cia ومعاهم اسلحه اول مره اشوفها
في حياتي ومعاهم الشنطه بتاعتي وفتشوها وفتشوني حته حته حتي البوكسر الكوتونيل
وفضلوا يحققوا معايا مش اقل من ساعه وخلاص معاد قلوع الطياره بعد نص ساعه
راحوا مكلمين القسم عندهم وقالوله خلاص مشيه
فخدوني علي البوابه بتاعه التفتيش ووصوا عليا بتوع التفتيش
المهم خلصنا خلاص وبعدين طلعت الطياره
وفي طريقي الي نيويورك
يُتبع..
تابعوني من نيويورك علي الانستجرام
Abdul.toaimah
#نلقاكم_في_نيويورك
#غُربه_٢
#نيويورك
#أمريكا
#سافر
