Z
Ziyad Elgendy
:: مسافر ::
#دليل_الرحالة_في_الهند الجزء الثاني
- في الجزء التاني هتكلم عن أكثر الحاجات اللي بتأثر في ميزانية أي سفر (المواصلات - السكن -الأكل والشرب - وكمان الإتصالات والإنترنت) و بتأثر على اختيار المدن والأماكن اللي ممكن تزروها، وده ممكن يكون أكثر جزء بيهم الناس كلها، واعذروني لو طولت بس حاولت على قد ما أقدر أكتب كل اللي يفيدكم بطريقة مختصرة.
- اتكلمت في الجزء الأول عن معلومات عامة عن الهند (موجود على الجروب).
لينك الجزء الأول : /Ziyad Elgendy
- في الجزء الثالث والأخير هتكلم عن المدن والأماكن اللي زرتها ومعلومات عامة عن الأماكن السياحية والأنشطة، بالإضافة للهوستيل اللي قعدت فيهم.
---------------------------------------------------------------------------------------
# الإتصالات والإنترنت :
- أنا حبيت أبتدي بيها لأنها هتساعدك كتير في التنقل والسكن وكمان الأكل والشرب، وهتوفر وقت ومجهود وفلوس
- هتكلم عن حاجتين مهمين : التجوال والخط الهندي.
1 - التجوال :
- لو حجزت طيران في مكتب وكنت كاتب رقم الموبايل ممكن يحتاجوا يتصلوا بيك لو حصل تعديل في معاد الرحلة، وطبعا هتفرق ساعتها الشريحة المصرية اللي هتكون معاك.
- لما أنا كنت هناك كانت دقيقة التجوال لشبكة أورانج 35 جنيه/ دقيقة، فودافون واتصالات 7 جنيه / دقيقة (ممكن يكون السعر اتعدل).
- قبل ما تسافر اتأكد من تفعيل خدمة التجوال ومن أسعار التجوال واختار الشركة اللي شايفها مناسبة وحاول تستخدم الرقم ده في حجز تذركة الطيران.
2 - الخط الهندي :
- ليه الخط الهندي مهم مع إن في الهند هتلاقي أماكن كتيرة فيها واي فاي؟
* هيبقى معاك إنترنت في كل مكان وتقدر تستخدمه في أي وقت وبالذات لو تحركاتك كتيرة.
* هتقدر تستخدم تطبيق زي Uber أو Ola في التنقل.
* هتقدر تعرف مواعيد القطارات و(القطر المحلي في مومباي) ولو في تأخيروتتابع القطار وصل لأي محطة.
* هتقدر تعمل مكالمات محلية (وده مش هتقدر تعمله بالواي فاي) عشان تسأل عن مواعيد شغل أي مكان، وتقدر تعرف هتدفع كام للهوستيل اللي هتقعد فيه وتتأكد إذا كان في أماكن متاحة عشان متروحش على الفاضي.
- الموبايل والإنترنت من الحاجات المهمة في الهند، والهنود بيحاولوا يسهلوا حياتهم عن طريق الموبايلات، متسغربش لو شفت الموظف اللي واقف على باب المتحف أو أي مزار بيعمل سكان لكود QR اللي موجود على التيكيت عشان يتأكد إنه هيستخدم مرة واحدة، ومتسغربش لو لقيت فيش كهرباء مجانية في محطات القطر وفي القطر حتى الدرجة العادية.
- أحسن وأسرع مكان تشتري شريحة من المطار(أنا مجربتش الموضوع ده بس سمعت إن تكلفته 800 روبية).
- إجراءات تشغيل الشريحة في الهند صعبة جدا وممكن تكون مستحيلة، لأنك لو سجلت بياناتك في أي محل موبيلات أو حتى مركز خدمة عملاء الشريحة، مش هيشتغل الخط إلا لما حد من الشرطة يتصل بالشخص المرجعي أو "Reference Person" اللي إنت كاتب اسمه في العقد، بمعنى إنك لازم تكون عارف حد هناك يضمنك وكمان يبقى حظك حلو وصاحبك يرد عليه من أول مرة.
- أنا كان معايا شريحة متسجلة باسم شخص هندي أعرفه، لو انت مش عارف حد كويس فأنسب حل تشتريها من المطار مع إن سعرها أضعاف الشريحة العادية اللي هي 50 روبية.
- لما سافرت الهند كان فيها أكتر من 10 شركات، وكل شركة ليها مجال بتغطيه وفيه شركات مش مغطية الهند كلها (لو هتسافر كتير)، وفي الهند عندهم نظام تجوال داخلي بمعنى لو انت مسجل شريحتك في ولاية وسافرت ولاية تانية هتتحاسب على نظام التجوال وده بينطبق على أسعار المكالمات مش على خدمة الانترنت.
- أنا كان معايا شريحة شركة Airtel وهي أسعارها كويسة وتغطيتها ممتازة.
- لو حابب فيه في الهند شبكات 4G بس لازم تتأكد من المجال اللي بتغطيه.
- تكلفة اشتراك الانترنت الشهري حوالي 250 روبية في الشهر(28 يوم).
---------------------------------------------------------------------------------------
# المواصلات :
- هتكلم عن الموصلات والتنقلات على 3 مستويات (السفر إلى الهند - السفر بين المدن الهندية - والتنقلات الداخلية داخل المدن).
- تطبيق HERE WeGo من التطبيقات المهمة اللي تقدر تنزل منه خريطة الهند كلها (حجمها 2.5 جيجا) وخصوصا لو مش هتقدر تشتري شريحة هندية، هتساعدك لو ركبت مواصلات في إنك تعرف أنت فين وباقي قد إيه على المكان اللي هتروحه، غير إنه هيساعدك لما تركب المترو وخصوصا لو هتبدل بين أكثر من خط مترو.
- اللينك : goo.gl/hPv43i
أ. السفر إلى الهند :
- الهند من الدول القريبة نسبيا (6 ساعات طيران مباشر من القاهرة إلى مومباي)، مش مستاهلة تعمل ترانزيت لأن ممكن الرحلة اللي من القاهرة إلى المطار اللي هتعمل فيه ترانزيت تتأخر وتضطر إنك تستنى لحد ما يوفرولك رحلة بديلة إلى الهند.
- أنا من وجهة نظري لو أنت وصلت الهند وعديت الجوازات، هيبقى قدامك حلول تسافر بيها (طيران أو قطار أو أتوبيس) للمكان اللي انت عايزه أحسن بكتير من إنك تعمل ترانزيت في بلد في النص وتحصل ظروف متخليش قدامك غير إنك تنتظر في مطار الترانزيت.
- الحالة الوحيدة اللي ممكن تخليك تعمل ترانزيت في أي دولة من دول الخليج لو أنت مسافر مدينة في شرق الهند وهتكون الطيارة الثانية للمدينة اللي انت رايحها أو قريبة منها، لأن بسبب العمالة الهندية هناك هتلاقي رحلات لمدن هندية مختلفة.
- أنا حجزت على مصر للطيران لأسباب منها إنك تقدر تغير معاد الطيارة وليهم مكاتب في مومباي ودلهي والتعامل معاهم هيبقى أسهل وأضمن من إنك تتعامل مع شركة عن طريق النت، وأنا شايف إن مستواها معقول مش وحش.
ب. السفر بين المدن الهندية:
- لو أنت مسافر لأكثر من مدينة أنصحك الأول تحدد المدن اللي هتزورها وترتبها بحيث قربها من بعض عشان متضيعش وقت وفلوس ممكن كنت تستغلهم بطريقة أفضل.
1 - الطيران الداخلي :
- أنا للأسف مجربتهوش ومعنديش أي خبرة فيه، أنا شايف إنه مش مهم إلا في حالة إنك هتسافر لمدينة بعيدة مثلا لو هتسافر بالقطار رحلة أطول من يوم.
- طبعا لازم تخلي بالك إن ممكن يبقى في فروقات بين الطيران المحلي والدولي ، زي الوزن وعدد الشنط المسموح بيها.
2 - القطار:
- من وجهة نظري ده أفضل وسيلة للسفر في الهند، والهند بتعتمد على القطارات بشكل كبير لدرجة إن في وزارة مختصة بالقطارات فقط، وهي من أكبر المؤسسات على مستوى العالم بيشتغل فيها حوالي مليون موظف، وليها مشاريع مش بس في الهند لا في دول كثير.
- نظام الحجز مختلف عن مصروأفضل ، عشان تحجز تذكرة قطار لازم تملى استمارة فيها اسمك ورقم جوازك ورقم واسم القطاروالدرجة ومحطة المغادرة ومحطة الوصول، وممكن ساعات الكومسري في القطار يسألك على جواز السفر مع التذكرة، عشان الأماكن بتبقى محجوزة بالإسم.
- في درجات كتير للقطارات في الهند، أغلب الناس بتركب قطار النوم وده ليه 4 درجات، من الأعلى إلى الأقل ( 1A > 2A > 3A > Sleeper)، أول ثلاثة (اللي فيهم حرف A) مكيفين بس اللي بيختلف الخدمة وعدد السراير في العربية، Sleeper زي 3A بس الفرق التكييف، أغلب الرحلات سافرتها على درجة Sleeper والخدمة معقولة.
- لو انت سافرت على Sleeper أو 3A متنساش تأخد معاك غطاء ومخدة.
- لما تحجز تذاكر وخصوصا لو انت مسافر أو رايح مدينة كبيرة اتأكد من محطة المغادرة أو الوصول لأن بيبقى فيها أكتر من محطة وفيها محطات رئيسية ومحطات فرعية (مش كل القطارات بتقف فيها)، وممكن المحطات مش متصلة ببعضها زي مومباي.
- كل محطة بيبقى ليها كود مختصر بيتكون من 3 أو 4 حروف يفضل إنك تبقى عارفه.
- لو انت مسافر أكتر من مدينة ومعاك شنط كتيرة أو ثقيلة ومش محتاجها دايما معاك في غرفة أمانات Cloak room تقدر تحط فيها شنطك لحد ما ترجع تسافر من نفس المحطة، وديه بتبقى تكلفتها 30-50 روبية في اليوم للشنطة وهيطلب منك أي تذكرة عشان ينقلوا منها بياناتك، هتريحك في التنقل جوة المدن اللي بتزرها، وخلي معاك دايما قفل أو أكترتقفل بيه الشنطة، عشان تبقى مطمن وانت سايب الشنطة عندهم.
- لو انت مسافر لمكان بعيد وهتبقى الرحلة مثلا أكتر 8 ساعات أنصحك تركب القطار بالليل لأكثر من سبب، زي ما وضحت في الجزء الأول إن أغلب الأماكن والمحلات بتقفل من 8 مساء فلو سافرت بالليل فأنت بتوفر وقت النهار اللي ممكن تستغله في أي نشاط بدل ما تكون مسافر، وكمان هتقدر توفر ثمن الليلة اللي هتبيتها في هوستيل أو فندق، غير إن أغلب رحلتك هيكون نوم ومش هتحس بالرحلة وهيكون عندك وقت ونشاط للمدينة اللي هتوصلها تاني يوم.
- أنت محتاج تحجز التذكرة قبلها بأسبوع أو أكثر على الأقل ولو ملقتش مكان هتضطر إنك تحجز في درجة أعلى، بس لو أنت عايز توفر فلوس تذكرة الدرجة الأعلى وعندك استعداد تسافر بالدرجة الأقل فيه كذا حل قدامك:
1. في محطات القطارات الرئيسية في المدن الكبيرة هتلاقي مكاتب أو شباك لخدمة السياح والأجانب داخل محطة القطار، وديه خدمة بتقدمها الحكومة عشان محدش يضحك عليك ويطلعك مكتب خاص بره محطة القطار، ممكن تحجز منها هتلاقيها أسرع في الخدمة وكمان بيبقى فيه أماكن مخصوصة للأجانب على كل قطار هم بس اللي يقدروا يحجزوا عليها.
2. لو انت هتحجز في مدينة مش موجود فيها مكاتب سياحية، تقدر تحجز تذكرة Tatkal Ticket اللي هي تذكرة مستعجلة بتبقى متاحة قبل معاد القطر من 24 ساعة أو أقل وبيبقى سعرها زيادة حوالي 100 روبية.
3. لو ملقتش ممكن تحجز تذكرة General اللي هي العربية اللي فيها كراسي عادية، وبعدها تطلع في قطار النوم وتسأل الكومسري لو يقدر يجيبلك مكان لأن بيبقى معاه كشف بالأماكن اللي فاضية وهتدفعله مبلغ بس بيبقى مش ثابت وتقدر تفاصل معاه، بس بلاش تركب القطار بدون تذاكر أبدا لأن ده ممكن يعملك مشاكل.
- للأسف مش هتقدر تحجز على الانترنت لأنهم بيبقوا طالبين رقم موبايل هندي عشان تسجل على الموقع، وكمان لازم تدفع عن طريق كرت بنك هندي.
- الأبليكشن ده هتساعدك تعرف مواعيد وأرقام الرحلات وكمان لو القطار متأخر بقد إيه
Indian Rail Train Info : goo.gl/nWJ8mp
3 - الأتوبيس :
- الأتوبيس هيكون أفضل وسيلة للسفر لو المدينة اللي انت رايحها القطار مبيوصلهاش زي المناطق الجبلية في شمال الهند أو المسافة قريبة مثلا (2-3 ساعات).
- الأتوبيسات منها أنواع في العادي وفي المكيف وفي اللي متصمم بحيث الناس تنام فيه على سراير.
ج. التنقلات الداخلية بين المدن :
- لكل مدينة نظام في النقل بيختلف عن المدن التانية وده هتشوفوه لما تروح الهند، أنا هتكلم بشكل عام على قد ما أقدر.
- أنا هتكلم عن الأحسن والأرخص بالترتيب من وجهة نظري.
1. المترو :
- ده أسهل وأسرع طريقة توصل بيها لمعظم الأماكن المهمة وبالذات لو بينك وبينها مسافة كبيرة.
- كل محطة هتروحها هيبقى ليها سعر(والأسعار بتبدأ من 8 روبية) وأنت بتحجز التذكرة بتقول لموظف الحجز على المحطة اللي انت عايز تروحها، وعشان يبقى الموضوع سهل كنت بطلعله اسم المحطة على الأبليكشن Here WeGo .
- التذكرة بتبقى عبارة عن قرص ممغنط صغير (زي كارت المترو عندنا) بس لما بتوصل المحطة اللي انت رايحة بتدخلها لبوابة التذاكر.
- خطوط المترو هناك بالألوان (مش زي مصرالخط بيتسمى بأول وأخر محطة) لأن في خطوط بتتفرع وبالذات في اخر الخط، اسأل الناس حواليك عشان متركبش مترو وتروح في مكان غلط.
- المترو هناك مكيف وبيبقى فيه تنبيه بالمحطة اللي جاية (زي العربيات الجديدة في خط مترو المرج - حلوان)
- هناك بيهتموا بذوي الإحتياجات الخاصة وهتليقيهم مصممين الممرات والأرصفة عشان الناس المكفوفة تستخدمها.
- عربية السيدات بتبقى في الأول،وبيبقى فيه أماكن مخصصة لكبار السن والسيدات الحوامل وبيلتزموا بالموضوع ده، كل عربيات المترو بتبقى مفتوحة على بعضها مش زينا.
- التفتيش عندهم مهم جدا هتلاقي الشرطة والجيش بيفتشوك قبل تدخل على بوابة التذاكر ، بيفتشوك أنت وشنطك، ولو معاك أي أداة حادة أو ولاعة هيخدوها منك لأنك ممنوع تدخل بيها.
- أنا استخدمت المترو في 3 مدن اللي هما نيودلهي ومومباي وجايبور.
- نيودلهي :
فيها 6 خطوط مترو وفيهم خط فيهم بيوصل لحد المطار.
- مومباي :
فيها خط مترو واحد بس وفيه خط نوعه Mono Rail هو يعتبر زي المترو بس الإختلاف إن المترو بيمشي على قضيبين و المونو ريل بيمشي على قضيب واحد (زي اللي موجود في مطار القاهرة)، وللأسف الخطين مش متصلين ببعض، وفي الغالب مش هتحتاجهم وهتضطر إنك تركب القطار المحلي لمومباي (هتكلم عنه بالتفصيل لأنه مهم جدا).
- جايبور :
فيها خطين مترو والمترو هناك مش كامل فهتضطر تستخدم الأتوبيسات مع المترو.
2. القطار المحلي في مومباي (Local train):
- للأسف مومباي أصعب مدينة تركب فيها مواصلات عامة.
- أظن إنه ملهوش أي مثيل في أي مدينة في العالم، باختصار ده اصعب وأكتر مواصلة عامة ممكن تركبها في حياتك وفي نفس الوقت أخطرهم.
- هي خليط ما بين المترو والقطار، وفي نفس الوقت بتستخدم السكة الحديد والمحطات اللي بيستخدمها القطار العادي اللي بين المدن.
- في 3 خطوط في مومباي : Western, Central, Harbour
- على نفس الخط بيبقى في قطارين بيروحوا نفس الإتجاه واحد فيهم سريع Fast والتاني بطيء Slow، الفرق بينهم إن السريع مبيقفش في كل المحطات (ممكن كل 5 محطات يقف) وده مفيد لو هتركب لمسافة كبيرة.
- لو محطتك بعيدة ومش بيقف فيها القطار السريع ممكن تنزل في أقرب محطة بيقف فيها القطارين (السريع والبطيء) وتروح تركب البطيء.
- في أبليكشن موبايل كتيرة بتعرفك مواعيد والأرصفة اللي هيجي عليها القطار اللي انت عايز تركبه، وكمان هتلاقي في المحطة شاشات على كل رصيف بتقلك نوع القطار اللي هيوقف في الرصيف ده
- نصيحة مني متعتمدش عليها وبالذات في أول أيام استخدامك ليه لأنك محتاج تفهم هي بتمثل إيه، دايما أسال الناس تركب من أي رصيف، ولو ركبت في اتجاه أو قطر غلط هيبقى صعب تعدل اتجاهك لأنه بيبقى زحمة جدا.
- عشان أوضح أكتر، كل محطة كبيرة بيبقى ليها كود من حرفين وده بيستخدم ككود للرصيف اللي هيقف عليه القطار، والكود مكون كمان من اختصار اسم الخط (Western, Central, Harbour) واختصار سرعة القطار ( Fast, Slow) ، في محطة زي Dadar قدامك 8 احتمالات ( 2 2x 2 x ) اما (Western أو Central) و (Fast أو Slow) و في اتجاه (الشمال أو الجنوب).
- في نوعين من التذاكر : النوع العادي (النوع الوحيد اللي جربته) والنوع المميزوتذكرة السياح.
- لو انت مش عايز تركب العادي عشان تبعد عن الزحمة ممكن تشتري التذكرة المميزة اللي سعرها 10 أضعاف العادية.
- التذكرة بتبقى ورقة عادية زي تذكرة القطار بيتكتب فيها انت راكب منين ورايح فين وفي الغالب هيبقى ثمنها (10-40 روبية للرحلة) للتذكرة العادية، وممكن تشتري التذكرة ذهاب وعودة لو انت هتركب من نفس المحطة وراجع نفس المحطة اللي بدأت منها رحلتك.
- تذكرة السياح بتخليك تستخدم القطار لمدة 3 أيام.
- محدش هيفتشك ولا هيسألك معاك تذكرة ولا لا (في الغالب) لأنه زحمة جدا وصعب إنهم يفتشوا العدد الكبيراللي بيستخدموا، بس مش معناه أنك تروح تركب على طول، هتلاقي طوابير على شبابيك التذاكرمع إنه في الغالب محدش بيسأل (بس لو ركبت بدون تذكرة هتكون مشكلة كبيرة)، وده بيبين قد إيه الشعب الهندي بيحترم القوانين وقد إيه أمين.
- الوقت اللي هتركب فيه مهم جدا لأنه بيفرق كتير في الزحمة، معظم مكاتب الشركات موجودة في جنوب مومباي ومعظم الموظفين ساكنين في شمال مومباي، ده بيعمل ضغط وزحمة بتكون متركزة في اتجاه واحد، في الصبح الزحمة بتكون في القطارات اللي رايحة إلى جنوب مومباي واخر النهار بتكون الزحمة في اتجاه الشمال، حاول تخطط الأماكن اللي هتروحها بحيث تتجنب الزحمة.
3. الأتوبيسات الداخلية (Bus Rapid Transit System : BRTS) :
- بتبقى موجودة في أغلب المدن اللي شوارعها واسعة وتسمح بمرور الأتوبيسات.
- في المدن الكبيرة هتلاقي نظام حديث شوية للأتوبيسات اسمه (BRTS) بيبقى أتوبيسات حديثة ومكيفة وللأسف مش موجود في مومباي.
- المدن اللي زرتها وكان فيها الخدمة ديه كانت : نيو دلهي، جايبور، بوبال.
- في مومباي الأتوبيسات عادية ولسه مفيش نظام (BRTS) ، بس المشكلة الأكبر إن أرقامهم مش مكتوبة باللغة الإنجليزية بتبقى مكتوبة بالأرقام اللي موجودة في اللغة الهندية فلازم تحفظهم، وهتلاقي في شوارع مومباي أكتر من محطة وراء بعضهم (بينهم 10-20 متر) وكل محطة ليها أرقام الأتوبيسات اللي هتقف فيها عشان متستغربش لو حاولت توقفه وكمل طريقه (لأنك بتبقى واقف في المحطة الغلط).
- في مدينة كوتشي وجوا، الأتوبيسات هناك مش بالأرقام فممكن تسأل الناس على المكان اللي انت رايحه وهيقولك المكان اللي بتقف فيه الأتوبيسات اللي بتروح للمكان اللي انت عايزة.
- لو انت حابب تستخدم الأتوبيسات بيبقى فيه ابليكشن كتيرة موجودة تعرفك أرقام الأتوبيسات وبتروح فين.
- الأتوبيسات بيبدأ عددها يقل بعد الساعة 6 - 8 مساء وفيه مدن ميبقاش فيها خدمة أتوبيسات بعد الساعة 10 مساء وهتضطر تركب مواصلة خاصة.
4. Ola Cab / Uber :
- دول شبيهين بخدمة أوبر وكريم في مصر، والميزة فيهم إنهم متاحين 24 ساعة وأسعارهم أقل من التوك توك والتاكسي العادي.
- ممكن تأجر عربية لمدة يوم كامل (بيبدأ من 1000 روبية في اليوم) لو انت بتزور مدينة ومش عايز تضيع وقت في المواصلات أو لو رايح مكان وبعيد وملهوش مواصلات عامة ومحتاج حد يرجعك.
- هتلاقي سواقين مبيعرفوش يتكلموا إنجليزي، قبل ما بيجيلك بيتصل بيك يعرف إنت رايح فين، أطلب من أي حد حواليك يكلمه بلغته ويوصفله المكان اللي انت رايحله.
- عشان تستخدم التطبيق ده محتاج يبقى معاك خط موبايل وانترنت.
- في حاجتين سلبيين، أول حاجة الخدمتين دول مش موجدين في كل المدن ممكن تلاقي واحدة منهم وممكن متلاقيش ولا واحدة وتضطر إنك تركب التوك توك أو التاكسي العادي، تاني حاجة اللي مفهمتهاش (والحمد لله محصلتش معايا) لو انت لغيت رحلة قبل كده أو عملت غلط في الحجز وركبت في رحلة تانية ممكن تدفع غرامة أو تدفع تمن الرحلتين.
- عادي جدا تلاقي توك توك شغال مع Ola Cab أو Uber انت في الهند!
5. الأوتو أو التوك توك :
- أنسى خالص إنه اسمه توك توك، اسمه في الهند أوتو
- ده كنت بخليه كآخر اختيار قدامي، لأنهم للأسف مبيلتزموش بالعداد وهتضطر تفاصل معاه.
- في المناطق السياحية لو حسوا إنك أجنبي هيطلبوا منك يوصلوك ببلاش للمكان اللي انت عايزه بشرط إنك تروح معاهم على محل بازار أو هدايا وتشتري منه، بلاش توافقوا وارفضوا أحسن ولو أصر شوفوا حد غيره، لأن بيبقى مضبط مع المحل وبيبقى ليه نسبة وهتلاقي الحاجة أغلى من إنك تروح تسأل عليها بنفسك.
- في أماكن بيبقى الأوتو بالفرد وبتبقى في الأماكن الشعبية أو المدن الصغيرة.
- أنا كنت بستخدم أبليكشن Here WeGo عشان أتابع هو رايح فين بالضبط لأنك كأجنبي ممكن يخليه يطمع ويحاول يسرقك.
6. التاكسي :
- ده نادر جدا لو قابلته لأن تكلفته مقارنة تشغيله بالأوتو بتبقى أعلى، هتلاقيه في مدن قليلة.
- ركبته في جنوب مومباي بس، والصراحة بيشغل العداد.
- جنوب مومباي مشهور بالتكاسي ، أما شمال مومباي الأوتو بيبقى بديل التاكسي.
7. ريشكا (Rishka) :
- ده عبارة عن عجلة وفيها كنبة وراء (لشخصين) ومنتشرة في المناطق الشعبية والزحمة أو الأماكن اللي صعب تدخلها المواصلات التانية وبيبقى لمسافة أقل من الأوتو أو التاكسي.
- ده بيبقى بالفصال زي نظام الأوتو بالضبط.
8. العجلة :
- ممكن تأجر عجلة بس لازم ترجعها في نفس اليوم (التفاصيل موجودة في صورة).
- أنا جربت الخدمة ديه في نيودلهي بس.
الأبليكش ده مفيد جدا لمدينة مومباي فيه معلومات عن المترو والقطار المحلي والأتوبيس وتسعيرة التاكسي والأوتو وكمان لو محتاج تركب عبارة.
اللينك : goo.gl/c73ZN1
---------------------------------------------------------------------------------------
# السكن :
- أنا هتكلم بشكل عام عن الهوستيل (أسماء الهوستيل اللي قعدت فيها هتكون في الجزء الثالث).
- بما إن أغلب الوقت سافرته لوحدي فقعدت في هوستيل، والليلة في الهوستيل كانت بتتراوح ما بين 250 - 650 روبية/ليلة على حسب المدينة اللي كنت قاعد فيها (ال 650 روبية دفعتها في مومباي لأنها من أغلى المدن في الهند).
- أنا محجزتش على الإنترنت لأن الوقت اللي كنت رايح فيه مفهوش ضغط سياح (شهريوليو إلى نصف شهرأغسطس) وكنت بكتفي إني أتصل بالموبايل أتأكد إذا كان في أماكن ولا لا.
- في موقع اسمه www.hostels.com (وفي مواقع تانية كتير بس النتايج تقريبا مشابه لبعضها) تقدر من خلاله تحجز الهوستيل، وتقدر تستخدمه في إنك تعرف أسماء وأماكن الهوستيل وتفاصيل أكتر عن خدمات الهوستيل، ووممكن متحجزش أونلاين وتتواصل مع الهوستيل نفسه وتدفع كاش لما تروح.
- لو انت في مدينة مفهاش هوستيل متعاقدة مع الموقع (زي مدنية كوتشي ) ففي حل بسيط، هتروح موقع maps.google.com وتروح لخريطة المدينة اللي تزورها واكتب كلمة Hostel, Lodge, Guest House وهيطلعلك أسامي الهوستيل أو اللودج أو الجيست هاوس، تقدر تقرأ التعليقات أو تدخل على الموقع بتاعهم أو تتصل بيهم وتسألهم عن التفاصيل.
- وأنت بتختار الهوستيل اللي هتقعد فيه أتأكد إذا كان مستواه مناسب ليك وهترتاح فيه ولا لا، وشوف تعليقات الناس عليه، وحاول تحجز في واحد قريب من الأماكن اللي هتزورها عشان متدفعش كتير في الموصلات وتضيع وقت كمان أو يبقى قريب من المترو والمواصلات العامة.
- أغلب الهوستيل بتبقى قريبة من محطات القطار ممكن تركز بحثك هناك وفي الغالب هتلاقي أحسن الأسعار هناك.
- خلي معاك قفل أو أكتر إحتياطي لو الهوستيل اللي هتقعد فيه مفهوش درج بقفل.
- الموقعين دول هيفدوكم لو أنتم مسافرين مجموعة أو بتدوروا على مستوى أعلى (أنا مليش خبرة فيهم):
www.oyorooms.com
www.airbnb.com
دول موقعين مفيدين في حجز الفنادق والمواصلات :
www.cleartrip.com
/MakeMyTrip, India's No 1 Travel Site | Book Hotels, Flights, Holiday Packages & Bus Tickets
---------------------------------------------------------------------------------------
# الأكل والشرب:
- الأكلات الهندية عالم لوحده! أنت اللي هتكتشف وتذوقه بنفسك بس أنا ممكن أتكلم على نقاط عامة.
- في الهند أكلات قريبة من أكلاتنا زي الرز والفراخ، والمعلبات هتلاقي شركات كتير زي اللي في مصر.
- الأكل الحلال سهل إنك تلاقيه (وفي الغالب ده اللي موجود) لأن نسبة المسلمين هناك حوالي الخمس وده أكبر ديانة بعد الهندوسية، وفي فئات كتيرة من المجتمع نباتية فالموضوع سهل.
- زي ما قولت في الجزء الأول إنك كل ما تبعد عن مكان هتلاقي أكلات جديدة ومختلفة، كل مطعم متخصص في نوع معين من الأكلات الهندية (Cuisine) وتحت كل نوع من الأكلات الهندية هتلاقي وجبات مختلفة، عشان أبسط الموضوع أكتر باستخدام الأكلات العربية والمطاعم اللي عندنا، هتلاقي مثلا مطعم بيقدم وجبات سورية والتاني خليجية والثالث أكلات مصرية (طبعا مش موجود هناك)، الفكرة إنك لو حبيت تأكل أكلة سوري هتروح للمطعم السوري.
- كمان لو حبيت أكلة معينة لازم تبقى عارف تبع أنهي Cuisine عشان تبتدي تدور على المطعم اللي بيقدم الأكلة اللي بتحبها وخصوصا لو انت بتسافر أماكن كتيرة.
- أقرب Cuisine للأكلات المصرية هو الإسرائيلي ! هتلاقيهم بيعملوا الفلافل (الطعمية) والحمص.
- الأكل النباتي مهم جدا في الهند لأن في نسبة كبيرة من الهنود نباتيين وده لأسباب صحية وأسباب دينية، هتلاقي مطاعم بتقدم أكل نباتي بس وهتلاقي على معظم المعلبات علامة بتوضح إذا كان نباتي ولا لا، بتكون عبارة عن مربع وجواه نقطة (لو نباتي بتبقى خضراء ولو مش نباتي بتبقى حمراء).
- المعلبات سعرها أغلى مقارنة بمصر لأنها جزء منها بيبقى مستورد أو تكلفة انتاجها بتبقى عالية عندهم، المشروبات الغازية غالية عندهم مثلا الكانز ب40 روبية، المعلبات بيبقى سعرها ثابت ومكتوب عليها (MRP : Maximum Retail Price) اللي معناه أعلى سعر تجزئة بس ده مينطبقش على الأماكن السياحية أو المدن البعيدة.
- من الحاجات المختلفة بينا وبينهم واللي احنا متعودين عليها، الباتيه والأكلات الصغيرة اللي ممكن نعتبرها عندنا تصبيرة مش موجودة هناك، ولو انت عايز حاجة خفيفة هتفضل تأكل في بسكوت وكيك
- بردو من الحاجات المختلفة، مفيش مخابز كتير هناك وأقرب عيش (اسمه روتي: Rotti) للعيش البلدي بيتعمل إما في البيوت أو في المطاعم وبيبقى سعره من 10-15 روبية للرغيف.
- الفواكه ممكن تبقى بديل كويس وسهل تلاقيه.
- بالنسبة للمية فلازم تشربها مفلترة وبالذات في موسم الأمطار لأن احتمالية الأمراض اللي ممكن تتنقلك بسبب المية أكثر، ولو أنت عايز تأمن نفسك أكتر ممكن تشتري زجاجة مية معدنية كبيرة ب20 روبية.
- الهنود بيحبوا يشربوا الشاي (Chai) كتير، بس كلمة شاي بيقصدوا بيها الشاي باللبن، الشاي الأخضر منتشر بعد الشاي باللبن عشان فوائده الصحية، وقليل جدا لو لقيت شاي أسود.
- أسعار الوجبات ممكن ما بين 100 - 250 روبية (طبعا في أماكن راقية والأسعار أضعاف ديه)، ولو انت في مدينة سياحية وكنت عايز توفر ممكن تسأل الناس على المطاعم المحلية اللي بيأكلوا منها.
ده فيلم وئائقي (من إنتاج ناشونال جيوغرافيك) هتقدر تتعرف أكثر على آكلات هندية وعلى مدينة مومباي وكولكاتا
goo.gl/EQYRNT
---------------------------------------------------------------------------------------
أتمنى مكنش طولت عليكم وتكون كل المعلومات مفيدة ليكم
استنوا الجزء الثالث اللي هتكلم فيه عن المدن والأماكن اللي زرتها ومعلومات عامة عن الأماكن السياحية والأنشطة، بالإضافة للهوستيل اللي قعدت فيهم.
- في الجزء التاني هتكلم عن أكثر الحاجات اللي بتأثر في ميزانية أي سفر (المواصلات - السكن -الأكل والشرب - وكمان الإتصالات والإنترنت) و بتأثر على اختيار المدن والأماكن اللي ممكن تزروها، وده ممكن يكون أكثر جزء بيهم الناس كلها، واعذروني لو طولت بس حاولت على قد ما أقدر أكتب كل اللي يفيدكم بطريقة مختصرة.
- اتكلمت في الجزء الأول عن معلومات عامة عن الهند (موجود على الجروب).
لينك الجزء الأول : /Ziyad Elgendy
- في الجزء الثالث والأخير هتكلم عن المدن والأماكن اللي زرتها ومعلومات عامة عن الأماكن السياحية والأنشطة، بالإضافة للهوستيل اللي قعدت فيهم.
---------------------------------------------------------------------------------------
# الإتصالات والإنترنت :
- أنا حبيت أبتدي بيها لأنها هتساعدك كتير في التنقل والسكن وكمان الأكل والشرب، وهتوفر وقت ومجهود وفلوس
- هتكلم عن حاجتين مهمين : التجوال والخط الهندي.
1 - التجوال :
- لو حجزت طيران في مكتب وكنت كاتب رقم الموبايل ممكن يحتاجوا يتصلوا بيك لو حصل تعديل في معاد الرحلة، وطبعا هتفرق ساعتها الشريحة المصرية اللي هتكون معاك.
- لما أنا كنت هناك كانت دقيقة التجوال لشبكة أورانج 35 جنيه/ دقيقة، فودافون واتصالات 7 جنيه / دقيقة (ممكن يكون السعر اتعدل).
- قبل ما تسافر اتأكد من تفعيل خدمة التجوال ومن أسعار التجوال واختار الشركة اللي شايفها مناسبة وحاول تستخدم الرقم ده في حجز تذركة الطيران.
2 - الخط الهندي :
- ليه الخط الهندي مهم مع إن في الهند هتلاقي أماكن كتيرة فيها واي فاي؟
* هيبقى معاك إنترنت في كل مكان وتقدر تستخدمه في أي وقت وبالذات لو تحركاتك كتيرة.
* هتقدر تستخدم تطبيق زي Uber أو Ola في التنقل.
* هتقدر تعرف مواعيد القطارات و(القطر المحلي في مومباي) ولو في تأخيروتتابع القطار وصل لأي محطة.
* هتقدر تعمل مكالمات محلية (وده مش هتقدر تعمله بالواي فاي) عشان تسأل عن مواعيد شغل أي مكان، وتقدر تعرف هتدفع كام للهوستيل اللي هتقعد فيه وتتأكد إذا كان في أماكن متاحة عشان متروحش على الفاضي.
- الموبايل والإنترنت من الحاجات المهمة في الهند، والهنود بيحاولوا يسهلوا حياتهم عن طريق الموبايلات، متسغربش لو شفت الموظف اللي واقف على باب المتحف أو أي مزار بيعمل سكان لكود QR اللي موجود على التيكيت عشان يتأكد إنه هيستخدم مرة واحدة، ومتسغربش لو لقيت فيش كهرباء مجانية في محطات القطر وفي القطر حتى الدرجة العادية.
- أحسن وأسرع مكان تشتري شريحة من المطار(أنا مجربتش الموضوع ده بس سمعت إن تكلفته 800 روبية).
- إجراءات تشغيل الشريحة في الهند صعبة جدا وممكن تكون مستحيلة، لأنك لو سجلت بياناتك في أي محل موبيلات أو حتى مركز خدمة عملاء الشريحة، مش هيشتغل الخط إلا لما حد من الشرطة يتصل بالشخص المرجعي أو "Reference Person" اللي إنت كاتب اسمه في العقد، بمعنى إنك لازم تكون عارف حد هناك يضمنك وكمان يبقى حظك حلو وصاحبك يرد عليه من أول مرة.
- أنا كان معايا شريحة متسجلة باسم شخص هندي أعرفه، لو انت مش عارف حد كويس فأنسب حل تشتريها من المطار مع إن سعرها أضعاف الشريحة العادية اللي هي 50 روبية.
- لما سافرت الهند كان فيها أكتر من 10 شركات، وكل شركة ليها مجال بتغطيه وفيه شركات مش مغطية الهند كلها (لو هتسافر كتير)، وفي الهند عندهم نظام تجوال داخلي بمعنى لو انت مسجل شريحتك في ولاية وسافرت ولاية تانية هتتحاسب على نظام التجوال وده بينطبق على أسعار المكالمات مش على خدمة الانترنت.
- أنا كان معايا شريحة شركة Airtel وهي أسعارها كويسة وتغطيتها ممتازة.
- لو حابب فيه في الهند شبكات 4G بس لازم تتأكد من المجال اللي بتغطيه.
- تكلفة اشتراك الانترنت الشهري حوالي 250 روبية في الشهر(28 يوم).
---------------------------------------------------------------------------------------
# المواصلات :
- هتكلم عن الموصلات والتنقلات على 3 مستويات (السفر إلى الهند - السفر بين المدن الهندية - والتنقلات الداخلية داخل المدن).
- تطبيق HERE WeGo من التطبيقات المهمة اللي تقدر تنزل منه خريطة الهند كلها (حجمها 2.5 جيجا) وخصوصا لو مش هتقدر تشتري شريحة هندية، هتساعدك لو ركبت مواصلات في إنك تعرف أنت فين وباقي قد إيه على المكان اللي هتروحه، غير إنه هيساعدك لما تركب المترو وخصوصا لو هتبدل بين أكثر من خط مترو.
- اللينك : goo.gl/hPv43i
أ. السفر إلى الهند :
- الهند من الدول القريبة نسبيا (6 ساعات طيران مباشر من القاهرة إلى مومباي)، مش مستاهلة تعمل ترانزيت لأن ممكن الرحلة اللي من القاهرة إلى المطار اللي هتعمل فيه ترانزيت تتأخر وتضطر إنك تستنى لحد ما يوفرولك رحلة بديلة إلى الهند.
- أنا من وجهة نظري لو أنت وصلت الهند وعديت الجوازات، هيبقى قدامك حلول تسافر بيها (طيران أو قطار أو أتوبيس) للمكان اللي انت عايزه أحسن بكتير من إنك تعمل ترانزيت في بلد في النص وتحصل ظروف متخليش قدامك غير إنك تنتظر في مطار الترانزيت.
- الحالة الوحيدة اللي ممكن تخليك تعمل ترانزيت في أي دولة من دول الخليج لو أنت مسافر مدينة في شرق الهند وهتكون الطيارة الثانية للمدينة اللي انت رايحها أو قريبة منها، لأن بسبب العمالة الهندية هناك هتلاقي رحلات لمدن هندية مختلفة.
- أنا حجزت على مصر للطيران لأسباب منها إنك تقدر تغير معاد الطيارة وليهم مكاتب في مومباي ودلهي والتعامل معاهم هيبقى أسهل وأضمن من إنك تتعامل مع شركة عن طريق النت، وأنا شايف إن مستواها معقول مش وحش.
ب. السفر بين المدن الهندية:
- لو أنت مسافر لأكثر من مدينة أنصحك الأول تحدد المدن اللي هتزورها وترتبها بحيث قربها من بعض عشان متضيعش وقت وفلوس ممكن كنت تستغلهم بطريقة أفضل.
1 - الطيران الداخلي :
- أنا للأسف مجربتهوش ومعنديش أي خبرة فيه، أنا شايف إنه مش مهم إلا في حالة إنك هتسافر لمدينة بعيدة مثلا لو هتسافر بالقطار رحلة أطول من يوم.
- طبعا لازم تخلي بالك إن ممكن يبقى في فروقات بين الطيران المحلي والدولي ، زي الوزن وعدد الشنط المسموح بيها.
2 - القطار:
- من وجهة نظري ده أفضل وسيلة للسفر في الهند، والهند بتعتمد على القطارات بشكل كبير لدرجة إن في وزارة مختصة بالقطارات فقط، وهي من أكبر المؤسسات على مستوى العالم بيشتغل فيها حوالي مليون موظف، وليها مشاريع مش بس في الهند لا في دول كثير.
- نظام الحجز مختلف عن مصروأفضل ، عشان تحجز تذكرة قطار لازم تملى استمارة فيها اسمك ورقم جوازك ورقم واسم القطاروالدرجة ومحطة المغادرة ومحطة الوصول، وممكن ساعات الكومسري في القطار يسألك على جواز السفر مع التذكرة، عشان الأماكن بتبقى محجوزة بالإسم.
- في درجات كتير للقطارات في الهند، أغلب الناس بتركب قطار النوم وده ليه 4 درجات، من الأعلى إلى الأقل ( 1A > 2A > 3A > Sleeper)، أول ثلاثة (اللي فيهم حرف A) مكيفين بس اللي بيختلف الخدمة وعدد السراير في العربية، Sleeper زي 3A بس الفرق التكييف، أغلب الرحلات سافرتها على درجة Sleeper والخدمة معقولة.
- لو انت سافرت على Sleeper أو 3A متنساش تأخد معاك غطاء ومخدة.
- لما تحجز تذاكر وخصوصا لو انت مسافر أو رايح مدينة كبيرة اتأكد من محطة المغادرة أو الوصول لأن بيبقى فيها أكتر من محطة وفيها محطات رئيسية ومحطات فرعية (مش كل القطارات بتقف فيها)، وممكن المحطات مش متصلة ببعضها زي مومباي.
- كل محطة بيبقى ليها كود مختصر بيتكون من 3 أو 4 حروف يفضل إنك تبقى عارفه.
- لو انت مسافر أكتر من مدينة ومعاك شنط كتيرة أو ثقيلة ومش محتاجها دايما معاك في غرفة أمانات Cloak room تقدر تحط فيها شنطك لحد ما ترجع تسافر من نفس المحطة، وديه بتبقى تكلفتها 30-50 روبية في اليوم للشنطة وهيطلب منك أي تذكرة عشان ينقلوا منها بياناتك، هتريحك في التنقل جوة المدن اللي بتزرها، وخلي معاك دايما قفل أو أكترتقفل بيه الشنطة، عشان تبقى مطمن وانت سايب الشنطة عندهم.
- لو انت مسافر لمكان بعيد وهتبقى الرحلة مثلا أكتر 8 ساعات أنصحك تركب القطار بالليل لأكثر من سبب، زي ما وضحت في الجزء الأول إن أغلب الأماكن والمحلات بتقفل من 8 مساء فلو سافرت بالليل فأنت بتوفر وقت النهار اللي ممكن تستغله في أي نشاط بدل ما تكون مسافر، وكمان هتقدر توفر ثمن الليلة اللي هتبيتها في هوستيل أو فندق، غير إن أغلب رحلتك هيكون نوم ومش هتحس بالرحلة وهيكون عندك وقت ونشاط للمدينة اللي هتوصلها تاني يوم.
- أنت محتاج تحجز التذكرة قبلها بأسبوع أو أكثر على الأقل ولو ملقتش مكان هتضطر إنك تحجز في درجة أعلى، بس لو أنت عايز توفر فلوس تذكرة الدرجة الأعلى وعندك استعداد تسافر بالدرجة الأقل فيه كذا حل قدامك:
1. في محطات القطارات الرئيسية في المدن الكبيرة هتلاقي مكاتب أو شباك لخدمة السياح والأجانب داخل محطة القطار، وديه خدمة بتقدمها الحكومة عشان محدش يضحك عليك ويطلعك مكتب خاص بره محطة القطار، ممكن تحجز منها هتلاقيها أسرع في الخدمة وكمان بيبقى فيه أماكن مخصوصة للأجانب على كل قطار هم بس اللي يقدروا يحجزوا عليها.
2. لو انت هتحجز في مدينة مش موجود فيها مكاتب سياحية، تقدر تحجز تذكرة Tatkal Ticket اللي هي تذكرة مستعجلة بتبقى متاحة قبل معاد القطر من 24 ساعة أو أقل وبيبقى سعرها زيادة حوالي 100 روبية.
3. لو ملقتش ممكن تحجز تذكرة General اللي هي العربية اللي فيها كراسي عادية، وبعدها تطلع في قطار النوم وتسأل الكومسري لو يقدر يجيبلك مكان لأن بيبقى معاه كشف بالأماكن اللي فاضية وهتدفعله مبلغ بس بيبقى مش ثابت وتقدر تفاصل معاه، بس بلاش تركب القطار بدون تذاكر أبدا لأن ده ممكن يعملك مشاكل.
- للأسف مش هتقدر تحجز على الانترنت لأنهم بيبقوا طالبين رقم موبايل هندي عشان تسجل على الموقع، وكمان لازم تدفع عن طريق كرت بنك هندي.
- الأبليكشن ده هتساعدك تعرف مواعيد وأرقام الرحلات وكمان لو القطار متأخر بقد إيه
Indian Rail Train Info : goo.gl/nWJ8mp
3 - الأتوبيس :
- الأتوبيس هيكون أفضل وسيلة للسفر لو المدينة اللي انت رايحها القطار مبيوصلهاش زي المناطق الجبلية في شمال الهند أو المسافة قريبة مثلا (2-3 ساعات).
- الأتوبيسات منها أنواع في العادي وفي المكيف وفي اللي متصمم بحيث الناس تنام فيه على سراير.
ج. التنقلات الداخلية بين المدن :
- لكل مدينة نظام في النقل بيختلف عن المدن التانية وده هتشوفوه لما تروح الهند، أنا هتكلم بشكل عام على قد ما أقدر.
- أنا هتكلم عن الأحسن والأرخص بالترتيب من وجهة نظري.
1. المترو :
- ده أسهل وأسرع طريقة توصل بيها لمعظم الأماكن المهمة وبالذات لو بينك وبينها مسافة كبيرة.
- كل محطة هتروحها هيبقى ليها سعر(والأسعار بتبدأ من 8 روبية) وأنت بتحجز التذكرة بتقول لموظف الحجز على المحطة اللي انت عايز تروحها، وعشان يبقى الموضوع سهل كنت بطلعله اسم المحطة على الأبليكشن Here WeGo .
- التذكرة بتبقى عبارة عن قرص ممغنط صغير (زي كارت المترو عندنا) بس لما بتوصل المحطة اللي انت رايحة بتدخلها لبوابة التذاكر.
- خطوط المترو هناك بالألوان (مش زي مصرالخط بيتسمى بأول وأخر محطة) لأن في خطوط بتتفرع وبالذات في اخر الخط، اسأل الناس حواليك عشان متركبش مترو وتروح في مكان غلط.
- المترو هناك مكيف وبيبقى فيه تنبيه بالمحطة اللي جاية (زي العربيات الجديدة في خط مترو المرج - حلوان)
- هناك بيهتموا بذوي الإحتياجات الخاصة وهتليقيهم مصممين الممرات والأرصفة عشان الناس المكفوفة تستخدمها.
- عربية السيدات بتبقى في الأول،وبيبقى فيه أماكن مخصصة لكبار السن والسيدات الحوامل وبيلتزموا بالموضوع ده، كل عربيات المترو بتبقى مفتوحة على بعضها مش زينا.
- التفتيش عندهم مهم جدا هتلاقي الشرطة والجيش بيفتشوك قبل تدخل على بوابة التذاكر ، بيفتشوك أنت وشنطك، ولو معاك أي أداة حادة أو ولاعة هيخدوها منك لأنك ممنوع تدخل بيها.
- أنا استخدمت المترو في 3 مدن اللي هما نيودلهي ومومباي وجايبور.
- نيودلهي :
فيها 6 خطوط مترو وفيهم خط فيهم بيوصل لحد المطار.
- مومباي :
فيها خط مترو واحد بس وفيه خط نوعه Mono Rail هو يعتبر زي المترو بس الإختلاف إن المترو بيمشي على قضيبين و المونو ريل بيمشي على قضيب واحد (زي اللي موجود في مطار القاهرة)، وللأسف الخطين مش متصلين ببعض، وفي الغالب مش هتحتاجهم وهتضطر إنك تركب القطار المحلي لمومباي (هتكلم عنه بالتفصيل لأنه مهم جدا).
- جايبور :
فيها خطين مترو والمترو هناك مش كامل فهتضطر تستخدم الأتوبيسات مع المترو.
2. القطار المحلي في مومباي (Local train):
- للأسف مومباي أصعب مدينة تركب فيها مواصلات عامة.
- أظن إنه ملهوش أي مثيل في أي مدينة في العالم، باختصار ده اصعب وأكتر مواصلة عامة ممكن تركبها في حياتك وفي نفس الوقت أخطرهم.
- هي خليط ما بين المترو والقطار، وفي نفس الوقت بتستخدم السكة الحديد والمحطات اللي بيستخدمها القطار العادي اللي بين المدن.
- في 3 خطوط في مومباي : Western, Central, Harbour
- على نفس الخط بيبقى في قطارين بيروحوا نفس الإتجاه واحد فيهم سريع Fast والتاني بطيء Slow، الفرق بينهم إن السريع مبيقفش في كل المحطات (ممكن كل 5 محطات يقف) وده مفيد لو هتركب لمسافة كبيرة.
- لو محطتك بعيدة ومش بيقف فيها القطار السريع ممكن تنزل في أقرب محطة بيقف فيها القطارين (السريع والبطيء) وتروح تركب البطيء.
- في أبليكشن موبايل كتيرة بتعرفك مواعيد والأرصفة اللي هيجي عليها القطار اللي انت عايز تركبه، وكمان هتلاقي في المحطة شاشات على كل رصيف بتقلك نوع القطار اللي هيوقف في الرصيف ده
- نصيحة مني متعتمدش عليها وبالذات في أول أيام استخدامك ليه لأنك محتاج تفهم هي بتمثل إيه، دايما أسال الناس تركب من أي رصيف، ولو ركبت في اتجاه أو قطر غلط هيبقى صعب تعدل اتجاهك لأنه بيبقى زحمة جدا.
- عشان أوضح أكتر، كل محطة كبيرة بيبقى ليها كود من حرفين وده بيستخدم ككود للرصيف اللي هيقف عليه القطار، والكود مكون كمان من اختصار اسم الخط (Western, Central, Harbour) واختصار سرعة القطار ( Fast, Slow) ، في محطة زي Dadar قدامك 8 احتمالات ( 2 2x 2 x ) اما (Western أو Central) و (Fast أو Slow) و في اتجاه (الشمال أو الجنوب).
- في نوعين من التذاكر : النوع العادي (النوع الوحيد اللي جربته) والنوع المميزوتذكرة السياح.
- لو انت مش عايز تركب العادي عشان تبعد عن الزحمة ممكن تشتري التذكرة المميزة اللي سعرها 10 أضعاف العادية.
- التذكرة بتبقى ورقة عادية زي تذكرة القطار بيتكتب فيها انت راكب منين ورايح فين وفي الغالب هيبقى ثمنها (10-40 روبية للرحلة) للتذكرة العادية، وممكن تشتري التذكرة ذهاب وعودة لو انت هتركب من نفس المحطة وراجع نفس المحطة اللي بدأت منها رحلتك.
- تذكرة السياح بتخليك تستخدم القطار لمدة 3 أيام.
- محدش هيفتشك ولا هيسألك معاك تذكرة ولا لا (في الغالب) لأنه زحمة جدا وصعب إنهم يفتشوا العدد الكبيراللي بيستخدموا، بس مش معناه أنك تروح تركب على طول، هتلاقي طوابير على شبابيك التذاكرمع إنه في الغالب محدش بيسأل (بس لو ركبت بدون تذكرة هتكون مشكلة كبيرة)، وده بيبين قد إيه الشعب الهندي بيحترم القوانين وقد إيه أمين.
- الوقت اللي هتركب فيه مهم جدا لأنه بيفرق كتير في الزحمة، معظم مكاتب الشركات موجودة في جنوب مومباي ومعظم الموظفين ساكنين في شمال مومباي، ده بيعمل ضغط وزحمة بتكون متركزة في اتجاه واحد، في الصبح الزحمة بتكون في القطارات اللي رايحة إلى جنوب مومباي واخر النهار بتكون الزحمة في اتجاه الشمال، حاول تخطط الأماكن اللي هتروحها بحيث تتجنب الزحمة.
3. الأتوبيسات الداخلية (Bus Rapid Transit System : BRTS) :
- بتبقى موجودة في أغلب المدن اللي شوارعها واسعة وتسمح بمرور الأتوبيسات.
- في المدن الكبيرة هتلاقي نظام حديث شوية للأتوبيسات اسمه (BRTS) بيبقى أتوبيسات حديثة ومكيفة وللأسف مش موجود في مومباي.
- المدن اللي زرتها وكان فيها الخدمة ديه كانت : نيو دلهي، جايبور، بوبال.
- في مومباي الأتوبيسات عادية ولسه مفيش نظام (BRTS) ، بس المشكلة الأكبر إن أرقامهم مش مكتوبة باللغة الإنجليزية بتبقى مكتوبة بالأرقام اللي موجودة في اللغة الهندية فلازم تحفظهم، وهتلاقي في شوارع مومباي أكتر من محطة وراء بعضهم (بينهم 10-20 متر) وكل محطة ليها أرقام الأتوبيسات اللي هتقف فيها عشان متستغربش لو حاولت توقفه وكمل طريقه (لأنك بتبقى واقف في المحطة الغلط).
- في مدينة كوتشي وجوا، الأتوبيسات هناك مش بالأرقام فممكن تسأل الناس على المكان اللي انت رايحه وهيقولك المكان اللي بتقف فيه الأتوبيسات اللي بتروح للمكان اللي انت عايزة.
- لو انت حابب تستخدم الأتوبيسات بيبقى فيه ابليكشن كتيرة موجودة تعرفك أرقام الأتوبيسات وبتروح فين.
- الأتوبيسات بيبدأ عددها يقل بعد الساعة 6 - 8 مساء وفيه مدن ميبقاش فيها خدمة أتوبيسات بعد الساعة 10 مساء وهتضطر تركب مواصلة خاصة.
4. Ola Cab / Uber :
- دول شبيهين بخدمة أوبر وكريم في مصر، والميزة فيهم إنهم متاحين 24 ساعة وأسعارهم أقل من التوك توك والتاكسي العادي.
- ممكن تأجر عربية لمدة يوم كامل (بيبدأ من 1000 روبية في اليوم) لو انت بتزور مدينة ومش عايز تضيع وقت في المواصلات أو لو رايح مكان وبعيد وملهوش مواصلات عامة ومحتاج حد يرجعك.
- هتلاقي سواقين مبيعرفوش يتكلموا إنجليزي، قبل ما بيجيلك بيتصل بيك يعرف إنت رايح فين، أطلب من أي حد حواليك يكلمه بلغته ويوصفله المكان اللي انت رايحله.
- عشان تستخدم التطبيق ده محتاج يبقى معاك خط موبايل وانترنت.
- في حاجتين سلبيين، أول حاجة الخدمتين دول مش موجدين في كل المدن ممكن تلاقي واحدة منهم وممكن متلاقيش ولا واحدة وتضطر إنك تركب التوك توك أو التاكسي العادي، تاني حاجة اللي مفهمتهاش (والحمد لله محصلتش معايا) لو انت لغيت رحلة قبل كده أو عملت غلط في الحجز وركبت في رحلة تانية ممكن تدفع غرامة أو تدفع تمن الرحلتين.
- عادي جدا تلاقي توك توك شغال مع Ola Cab أو Uber انت في الهند!
5. الأوتو أو التوك توك :
- أنسى خالص إنه اسمه توك توك، اسمه في الهند أوتو
- ده كنت بخليه كآخر اختيار قدامي، لأنهم للأسف مبيلتزموش بالعداد وهتضطر تفاصل معاه.
- في المناطق السياحية لو حسوا إنك أجنبي هيطلبوا منك يوصلوك ببلاش للمكان اللي انت عايزه بشرط إنك تروح معاهم على محل بازار أو هدايا وتشتري منه، بلاش توافقوا وارفضوا أحسن ولو أصر شوفوا حد غيره، لأن بيبقى مضبط مع المحل وبيبقى ليه نسبة وهتلاقي الحاجة أغلى من إنك تروح تسأل عليها بنفسك.
- في أماكن بيبقى الأوتو بالفرد وبتبقى في الأماكن الشعبية أو المدن الصغيرة.
- أنا كنت بستخدم أبليكشن Here WeGo عشان أتابع هو رايح فين بالضبط لأنك كأجنبي ممكن يخليه يطمع ويحاول يسرقك.
6. التاكسي :
- ده نادر جدا لو قابلته لأن تكلفته مقارنة تشغيله بالأوتو بتبقى أعلى، هتلاقيه في مدن قليلة.
- ركبته في جنوب مومباي بس، والصراحة بيشغل العداد.
- جنوب مومباي مشهور بالتكاسي ، أما شمال مومباي الأوتو بيبقى بديل التاكسي.
7. ريشكا (Rishka) :
- ده عبارة عن عجلة وفيها كنبة وراء (لشخصين) ومنتشرة في المناطق الشعبية والزحمة أو الأماكن اللي صعب تدخلها المواصلات التانية وبيبقى لمسافة أقل من الأوتو أو التاكسي.
- ده بيبقى بالفصال زي نظام الأوتو بالضبط.
8. العجلة :
- ممكن تأجر عجلة بس لازم ترجعها في نفس اليوم (التفاصيل موجودة في صورة).
- أنا جربت الخدمة ديه في نيودلهي بس.
الأبليكش ده مفيد جدا لمدينة مومباي فيه معلومات عن المترو والقطار المحلي والأتوبيس وتسعيرة التاكسي والأوتو وكمان لو محتاج تركب عبارة.
اللينك : goo.gl/c73ZN1
---------------------------------------------------------------------------------------
# السكن :
- أنا هتكلم بشكل عام عن الهوستيل (أسماء الهوستيل اللي قعدت فيها هتكون في الجزء الثالث).
- بما إن أغلب الوقت سافرته لوحدي فقعدت في هوستيل، والليلة في الهوستيل كانت بتتراوح ما بين 250 - 650 روبية/ليلة على حسب المدينة اللي كنت قاعد فيها (ال 650 روبية دفعتها في مومباي لأنها من أغلى المدن في الهند).
- أنا محجزتش على الإنترنت لأن الوقت اللي كنت رايح فيه مفهوش ضغط سياح (شهريوليو إلى نصف شهرأغسطس) وكنت بكتفي إني أتصل بالموبايل أتأكد إذا كان في أماكن ولا لا.
- في موقع اسمه www.hostels.com (وفي مواقع تانية كتير بس النتايج تقريبا مشابه لبعضها) تقدر من خلاله تحجز الهوستيل، وتقدر تستخدمه في إنك تعرف أسماء وأماكن الهوستيل وتفاصيل أكتر عن خدمات الهوستيل، ووممكن متحجزش أونلاين وتتواصل مع الهوستيل نفسه وتدفع كاش لما تروح.
- لو انت في مدينة مفهاش هوستيل متعاقدة مع الموقع (زي مدنية كوتشي ) ففي حل بسيط، هتروح موقع maps.google.com وتروح لخريطة المدينة اللي تزورها واكتب كلمة Hostel, Lodge, Guest House وهيطلعلك أسامي الهوستيل أو اللودج أو الجيست هاوس، تقدر تقرأ التعليقات أو تدخل على الموقع بتاعهم أو تتصل بيهم وتسألهم عن التفاصيل.
- وأنت بتختار الهوستيل اللي هتقعد فيه أتأكد إذا كان مستواه مناسب ليك وهترتاح فيه ولا لا، وشوف تعليقات الناس عليه، وحاول تحجز في واحد قريب من الأماكن اللي هتزورها عشان متدفعش كتير في الموصلات وتضيع وقت كمان أو يبقى قريب من المترو والمواصلات العامة.
- أغلب الهوستيل بتبقى قريبة من محطات القطار ممكن تركز بحثك هناك وفي الغالب هتلاقي أحسن الأسعار هناك.
- خلي معاك قفل أو أكتر إحتياطي لو الهوستيل اللي هتقعد فيه مفهوش درج بقفل.
- الموقعين دول هيفدوكم لو أنتم مسافرين مجموعة أو بتدوروا على مستوى أعلى (أنا مليش خبرة فيهم):
www.oyorooms.com
www.airbnb.com
دول موقعين مفيدين في حجز الفنادق والمواصلات :
www.cleartrip.com
/MakeMyTrip, India's No 1 Travel Site | Book Hotels, Flights, Holiday Packages & Bus Tickets
---------------------------------------------------------------------------------------
# الأكل والشرب:
- الأكلات الهندية عالم لوحده! أنت اللي هتكتشف وتذوقه بنفسك
بس أنا ممكن أتكلم على نقاط عامة.- في الهند أكلات قريبة من أكلاتنا زي الرز والفراخ، والمعلبات هتلاقي شركات كتير زي اللي في مصر.
- الأكل الحلال سهل إنك تلاقيه (وفي الغالب ده اللي موجود) لأن نسبة المسلمين هناك حوالي الخمس وده أكبر ديانة بعد الهندوسية، وفي فئات كتيرة من المجتمع نباتية فالموضوع سهل.
- زي ما قولت في الجزء الأول إنك كل ما تبعد عن مكان هتلاقي أكلات جديدة ومختلفة، كل مطعم متخصص في نوع معين من الأكلات الهندية (Cuisine) وتحت كل نوع من الأكلات الهندية هتلاقي وجبات مختلفة، عشان أبسط الموضوع أكتر باستخدام الأكلات العربية والمطاعم اللي عندنا، هتلاقي مثلا مطعم بيقدم وجبات سورية والتاني خليجية والثالث أكلات مصرية (طبعا مش موجود هناك)، الفكرة إنك لو حبيت تأكل أكلة سوري هتروح للمطعم السوري.
- كمان لو حبيت أكلة معينة لازم تبقى عارف تبع أنهي Cuisine عشان تبتدي تدور على المطعم اللي بيقدم الأكلة اللي بتحبها وخصوصا لو انت بتسافر أماكن كتيرة.
- أقرب Cuisine للأكلات المصرية هو الإسرائيلي ! هتلاقيهم بيعملوا الفلافل (الطعمية) والحمص.
- الأكل النباتي مهم جدا في الهند لأن في نسبة كبيرة من الهنود نباتيين وده لأسباب صحية وأسباب دينية، هتلاقي مطاعم بتقدم أكل نباتي بس وهتلاقي على معظم المعلبات علامة بتوضح إذا كان نباتي ولا لا، بتكون عبارة عن مربع وجواه نقطة (لو نباتي بتبقى خضراء ولو مش نباتي بتبقى حمراء).
- المعلبات سعرها أغلى مقارنة بمصر لأنها جزء منها بيبقى مستورد أو تكلفة انتاجها بتبقى عالية عندهم، المشروبات الغازية غالية عندهم مثلا الكانز ب40 روبية، المعلبات بيبقى سعرها ثابت ومكتوب عليها (MRP : Maximum Retail Price) اللي معناه أعلى سعر تجزئة بس ده مينطبقش على الأماكن السياحية أو المدن البعيدة.
- من الحاجات المختلفة بينا وبينهم واللي احنا متعودين عليها، الباتيه والأكلات الصغيرة اللي ممكن نعتبرها عندنا تصبيرة مش موجودة هناك، ولو انت عايز حاجة خفيفة هتفضل تأكل في بسكوت وكيك
- بردو من الحاجات المختلفة، مفيش مخابز كتير هناك وأقرب عيش (اسمه روتي: Rotti) للعيش البلدي بيتعمل إما في البيوت أو في المطاعم وبيبقى سعره من 10-15 روبية للرغيف.
- الفواكه ممكن تبقى بديل كويس وسهل تلاقيه.
- بالنسبة للمية فلازم تشربها مفلترة وبالذات في موسم الأمطار لأن احتمالية الأمراض اللي ممكن تتنقلك بسبب المية أكثر، ولو أنت عايز تأمن نفسك أكتر ممكن تشتري زجاجة مية معدنية كبيرة ب20 روبية.
- الهنود بيحبوا يشربوا الشاي (Chai) كتير، بس كلمة شاي بيقصدوا بيها الشاي باللبن، الشاي الأخضر منتشر بعد الشاي باللبن عشان فوائده الصحية، وقليل جدا لو لقيت شاي أسود.
- أسعار الوجبات ممكن ما بين 100 - 250 روبية (طبعا في أماكن راقية والأسعار أضعاف ديه)، ولو انت في مدينة سياحية وكنت عايز توفر ممكن تسأل الناس على المطاعم المحلية اللي بيأكلوا منها.
ده فيلم وئائقي (من إنتاج ناشونال جيوغرافيك) هتقدر تتعرف أكثر على آكلات هندية وعلى مدينة مومباي وكولكاتا
goo.gl/EQYRNT
---------------------------------------------------------------------------------------
أتمنى مكنش طولت عليكم وتكون كل المعلومات مفيدة ليكم
استنوا الجزء الثالث اللي هتكلم فيه عن المدن والأماكن اللي زرتها ومعلومات عامة عن الأماكن السياحية والأنشطة، بالإضافة للهوستيل اللي قعدت فيهم.
