I
Ibrahim Nagy
:: مسافر ::
من كام يوم كنت في مدينه من احب المدن الى قلبي برلين "Berlin " المدينه ديه محتلفه عن كل مدن العالم فيها بتحس و بتلمس التاريخ و بتحس بمعاني مهمه "الصمود" "اراده الشعب" "خراب الفاشيه و الحروب" اسمحولي احكيلكم لقطات سريعه عن المدينه عشان اللي راح ولا حيروح يشوفها بعيني. اولا مدينه كانت عاصمه الفاشيه و وبيدار منها جيوش غزت العالم كله و بعدين تدمر تدمير كامل ٩٥٪ و الجيش الروسي لما دخل كان هدفه تجويع و قتل و اذلال الرجال النساء باساليب قذره لكسر اراده الشعب و تفجير كل المباني الاثريه بحجه رمزها للنازيه مع اعتراض و مظاهرات من الشعب فما كان منهم الا انهم يبنو المبنى تاني بنفس الشكل ( فيه مدن تانيه بتهد المباني الاثريه بكيفها عشان تبني عماير). ثم تقسم المدينه لاربع مناطق روسيا وانجلترا و فرنسا و امريكا. و فجاه روسيا تبني سور وتبدا الحرب البارده من نفس المدينه ديه و سكانها يقسمو اذا حد من الشرقيه بعت جواب لاهله في الغربيه ممكن يدخل السجن مدى الحياه مثلا (تخيل كده سور بين القاهره و الجيزه) و السور اسمه سور الموت لان اللي يقرب مصيره الموت. و بعدين بسبب الروس والدكتاتوريه والقمع النص الشرقي يزيد فقر ويقل والنص الغربي يزدهر. لحد ما الشعب فاض بيه وطلع مظاهرات في كل حته و اتقتل منه كتير عشان يتحدو تاني وفعلا الغربيه توافق على ضم الشرقيه ليها وسموها الولايات الجديده (مفيش بقى يع دول فقره و شيوعين) و اخيرا السور اتهد فكرسو كل موارد المدينه لاعمار النص الشرقي عشان يبقو واحد بجد. مش بس كده وبقت العاصمه بدل بون. كل ده بتشوفو في المدينه لما بتزور اثار النازيه ولما تشوف النص الشرقي والنص الغربي طول مانت ماشي يقلك انت في الشرق انت في الغرب لما تشوف نقطه حدود شارلي او بقايا السور لما تشوف المباني الي اتبنت بنفس الشكل اللي كانت عليه قبل الحرب لما تفتكر انها ٩٥٪ نسبه التدمير ودلوقتي ايه. لما تشوف شارع سفارات دول العالم و كل دوله عامله تصميم مختلف لسفارتها. ملحوظه تعداد سكان برلين قبل الحرب كان ٤،٥ مليون نسمه الان تعدادهم ٣،٥ بس!!!
نصيحه وانت في برلين اركب باص العادي او الترام لو انت في الشرقيه الغربيه مفيش ترام بلاش تركب اللي تحت الارض (التذكره ب٢،٨٠ ساعتين) و لف بيه و بص عالمباني و عيش التاريخ والحته اللي تعجبك انزل و اتفرج و اتكلم مع الناس كل واحد حتلاقي عنده حكايه السور اتهد ١٩٨٩ فحتى التلاتينات حضر هدم السور. ولو مش قادر تروح اتفرج عالصور و ممكن تفتح النت كمان وتتفرج على فديوهات كتير وصور يكفي تكتب برلين.
نصيحه وانت في برلين اركب باص العادي او الترام لو انت في الشرقيه الغربيه مفيش ترام بلاش تركب اللي تحت الارض (التذكره ب٢،٨٠ ساعتين) و لف بيه و بص عالمباني و عيش التاريخ والحته اللي تعجبك انزل و اتفرج و اتكلم مع الناس كل واحد حتلاقي عنده حكايه السور اتهد ١٩٨٩ فحتى التلاتينات حضر هدم السور. ولو مش قادر تروح اتفرج عالصور و ممكن تفتح النت كمان وتتفرج على فديوهات كتير وصور يكفي تكتب برلين.