حد هنا واخد اقامه في كندا او جنسيه كنديه ؟...

[Mohamed Daha]

المشكلة ندخل كندا ازاى السفارة مبتديش فيزا سياحة غير بصعوبة جدا

 

[TasNeem Hamdy]

Ali Ali Ayad

 

[Mahmoud Kandil]

طب ما حد يدلنا علي حاجه في الكيميا دا احنا بتوع الفمتوثانيه بردو مايسحش كده يا جماعه.

 

[Yoya A Abaas]

حد يعرف فيزا دراسه بتبقا بكام تقريبا

 

[Mahmoud Osama]

امان للبنات
انا في مونتريال وبنزل مصر بقول هي البنات عايشين ازاي في البلد دي
كندا افضل بلد في العالم

 

[Alqassem Hesham Nasr]

كندا حلوة

 

[Muhammad Abdel Rahman]

بصراحة ده سؤال القرن!
واحدة عايشة في تاني اكبر بلد فيها نسبة تحرش في العالم بتسال كندا امان للبنات ولا لأ

 

[Ahmed Badrul Radzi]

يعني ايه أمان للبنات ؟؟؟؟

 

[إجلال سعيد]

يعني هي مصر ال امان للبنات ولا حتي للشباب يا بنتي

 

[Ahmed Samy]

انا حاسس ان كندا هتقفل الموضوع ده قريب بعد اللي بيحصل ده

 

[Muhammad Abdel Rahman]

 

[Akram Abdel Hamid]

علشان ماتضيعيش وقت وفلوس ع الفاضي اللي بيروحوا كندا غالبا بيختاروا طريق من اتنين.. الأول لو معاه شوية فلوس ويقدر يقعد شوية من غير شغل أو دخل فيدور على أي بروجرام (دبلوم) في أي كليه لمدة كام شهر واثناء الدراسة بيراسل أماكن العمل وفي الأغلب بيلاقي شغل اول مابيخلص وخاصة لو البروجرام اللي إختاره فيه جانب تطبيقي او عملي في مصنع أو شركة (حاجة اسمها co-op او Internship) وفي الغالب الشركة اللي اتظرب فيها بتشغله عندها..
وكمان فيه نظم مختلفة لتمويل الدراسة للناس اللي وضعها قانوني في البلد فالدولة ممكن تديك قرض لتعليم تسدده على أقساط بعد التخرج بسنه. وكمان البنوك بتدي قروض لنفس الغرض.. وكمان الدولة عاملة الكليات والجامعات ببلاش للناس ذات الدخول المنخفضة.. كل دي تسهيلات بتساعد المهاجرين الجدد..
النوع التاني من المهاجرين واللي بتبقى فلوسه على قدها أو محتاج يجيب دخل بسرعة بيفضل انه يشتغل اي شغلانة عادية يجيب من وراها مصاريفه وأثناء ذلك بيبتدي يدور إزاي يلاقي شغل في مجاله القديم وده ممكن ياخد منه 3 او 4 سنين حسب الظروف وممكن ساعتها يكون زهق ويفضل انه يكمل في المجال اللي هو فيه دلوقت... وخاصة ان المجتمع هناك مختلف ومش فارقه معاهم خالص انت بتشتغل ايه وبتكسب كام..
ربنا يوفقكم

 

[Ahmed El-Sabban]

هي أمان بس شرعا حضرتك ما ينفعش تسافري لوحدك

 

[Akram Abdel Hamid]

بالنسبة لفيزا الدراسة...
معنديش فكرة تكلفة الفيزا في السفارة كام لكن ممكن تتأكدوا من موقع الجنسية والهجرة الكندي www.cic.gc.ca
وأي معهد او كلية ممكن تقدم فيه علي بروجرام قصير سنه أو سنتين هيديك الحق انك تاخد فيزا طالب (دراسة) بس خلي بالك من شويه حاجات مهمة..
اولا: انت هتعتبر طالب دولي International student وبالتالي مصاريف الدراسة في الترم الواحد بتبقى تقريبا اربع أضعاف المصاريف للمهاجر الشرعي أو ابن البلد...
ثانيا: الطالب مالوش تصريح عمل ولو قدم عليه بيدوله تصريح بعدد ساعات بسيطة (20 ساعة في الأسبوع) يادوب يجيب شوية مصاريف..
ثالثا: لازم يكون مستواك في الانجليزي عالي وهيتطلب منك غالبا امتحان IELTS ومش متأكد من الاسكور المطلوب كام..
رابعا: يفضل انك تختار دبلومة بسيطة في نفس مجال خبرتك أو حاجة عامة جدا تنفع في أي مجال مثل Customer Service, , Financial Analyst, Business Analyst, IT, Accounting...أو أي حاجة تناسبك وتكون مطلوبة في سوق العمل هناك..
خامسا: يفضل تكون الدبلومة دي ليها تدريب عملي في إحدى الشركات او المصانع علشان ده بيديك خبرة كندية تنفعك وانت بتقدم على أي شغل بالإضافة انك ممكن الشركة نفسها تعيينك عندهم بعد ما تتخرج..
من وجهة نظري ان فيزا الدراسة مكلفة وغالية جدا وهتضيع عليك وقت وفلوس كتيرة الأفضل إنك تستثمرهم إنك تحاول تقدم على هجرة رسمي وتاخد الجرين كارد أو الإقامة الدائمة ولما تيجي الحكومة عندها برامج كتيرة ممكن توفر عليك كتير ويبقى وجودك قانوني ومن حقك تشتغل بدون تصريح عمل وممكن تاخد كمان الجنسية بعد 3 أو 4 سنين حسب القانون...
ربنا يوفقكم جميعا...

 

[Ahmad Abdel - latif]

Mariam Mohamed بالنسبه للأمان فكندا فى العموم أمان جداً اكتر من أمريكا مثلاً ...كونك بنت بتاخدى حقك تالت ومتلت هنا محدش يقدر يبص ليكى بصه ماتعجبكيش يروح فى داهيه وتعتبر تحرش...كونك بنت هنا ليكى كل الاحترام والتقدير وأزيد ...هندسة الاتصالات معنديش فكره بصراحة ...هتقدرى تلاقى شغل وانتى بره كندا صعب جداً بس مش مستحيل ممكن تقدمى فى أماكن زى indeed, Canada job bank لو في مقاطعة ألبرتا اقدر أفيدك اكتر وربنا يوفقك لما فيه الخير