السلام عليكم انا كتبت قبل كده أنى اخدت رفض من...

[Mohamed Nabil El Bana]

السلام عليكم
انا كتبت قبل كده أنى اخدت رفض من سفاره فرنسا
فكرت اقدم تانى بعد شهر رمضان بإذن الله ففى بعض الأسئلة
لو شخص فرنسى بعتلى دعوة هل تفيد فى الحصول على التأشيرة
ولازم املى الباسبور تأشيرات بصراحة الموضوع مكلف بالنسبة لى أنى اسافر دول و ارجع تانى
ايه الدولة إللى ممكن تكون سهلة مش شنجن زى جورجيا اقدر ادخل من خلالها دولة فى الشنجن زى المانيا و هل ينفع يتجوز وهو مش معاه تأشيرة المانيا أو شنجن ( هذا السؤال لصديق و مهم جدا )
و لو حبيت اقدم تانى ممكن اقدم امتى انا اخدت الرفض فى شهر 4

 

[Hend Salem]

الدعوة سلاح ذو حدين ممكن تكون سبب لقبولك او رفضك ... حسب درجة القرابة و المعرفة و لازم يكون الداعى متكفل بكافة المصاريف و يرفق كشف حساب يثبت مقدرته المادية
مش شرط ان باسبورك مليان تاشيرات انك تاخد تاشيرة ... فى ناس بتاخدها على باسبور ابيض لو ورقها قوى
ماينفعش تقدم على تاشيرة من دولة مالكش فيها اقامة يعنى لازم تقدم على تاشيرة المانيا من مصر قبل ما تسافر جورجيا(طبعا على افتراض ان ده قصدك مش حاجة تانية)
ماينفعش يتجوز فى المانيا الا لما يكون معاه مستندات معينة و اعتقد لازم تاشيرة زواج مش شنجن سياحة ... و حتى لو اتجوز فرضا انه ينفع مافيش توفيق اوضاع لازم ينزل و تعمل له لم شمل
ممكن تقدم فى اى وقت مافيش قانون بيحدد فترة زمنية بين الرفض و التقديم