Y
Yara Adel
:: مسافر ::
انا نفسي اعيش برة وسافر وعمر الجواز ما كان عطلة المهم دماغ الاتنين ميتوقفوش لا يكملوا إنجاز وطموح وتجارب مصر مش آخر الدنيا ولا الجواز آخر الدنيا بس اهم صفقة فعلا هي تربية الأولاد عشان تثمر منهم أفضل ماربيت ونجحوك وتنجح معاهم الاستمرارية والنجاح مهمين مع بعض بس ياريت الدماغ اللي تفهم سواء راجل أو مرأة
A
Ali E. Elarb
:: مسافر ::
في الغربه الطويله بتفقد الرغبه في الزواج وبتبقي حياتك عمليه بحته بس لو انت متزوج اكيد دا حينمي الاستقرار في حياتك خصوصا لو كانت انسانه تفكيرها قريب من تفكيرك وطموحك اكيد الزواج افضل شي مع طموح الاستقرار في بلد نضيف انا جربت الغربه بس لسا مجربتش الزواج بس اكيد الغربه حيبقلها طعم تاني مع الزواج
H
Habibt Mamy
:: مسافر ::
مع احترامي للجميع اللي علقوا بس كل واحد معلق اجوز قبل كتسافر اصل مش هيعجبك حد بالبلدي كدا تقصدو بنات بره حلوين وهتعرف الي فيهاووووو معلش يعني ومين قالكو بنات بره هتحب اوي ترتبط بمصري الي الي محدش معبرها هناك ترتبط بمصري يجبلها الهم والنكد والمشاكل والعيشه الي ع القد وشخط وطوله لسان وميعرفش يتكلم حلو ولا يساعد مراته!!!!!!!!!! واول ميجوز واحده يدفنها بالمشاكل ومشاكله الماديه مش كفايه ان الست المصريه بتتحمل مشاكل ونكد وهم الراجل المصري كمان هتعيبو فيها وهيا مش اختك مصريه بردو تحب حد يقول عليها كدا... مش بقلكو الراجل المصري هم لوحده .....واصلا اغلب الرجاله الامريكان بيحبو يجوزو ستات عربيات ومنهم مصريات وعن تجربه شخصيه... لانهم بيشوفو الست هناك مبقاش فيها جاذبيه بتظهر اكتر مبتخبي.... كفايه ان جورج اتجوز امل علم الدين وشايفها احسن ست......
M
Mohamed Magdi
:: مسافر ::
الاتنين بالعقل و المنطق بيكملوا بعض يعني هتنبسط مع شريك حياتك اكتر ما هتبقى لوحدك هتكون ذكريات ليكوا سوا احلى ما هتبقى لوحدك الجواز مش بيمنع السفر لكن الشقه اللي جنب ماما و الشبكه اللي زي بنت خالتي و النيش و طقم الكاسات و الفرح الفشيخ اللي لزوم الفشخره و المنظره هما اللي بيمنعوا السفر و بيخلوا الناس تكره فكره الجواز اساسا