لو سمحتوا،،، انا عندي 7 ساعات ترانزيت في مطار...

[Lulu Hasan]

لو سمحتوا،،، انا عندي 7 ساعات ترانزيت في مطار كوالالمبور،،،، هل اقدر ادخل العاصمة و اوصل للبرجين و ارجع المطار تاني ولا الوقت ضيق؟

 

[Mohamed Omar]

والله مفيش اي تلاتين متعة في البرجين دول خالص.. دا برج القاهرة برقبتهم.. صدقيني ريحو في المطار أفضل

 

[Дбф Наээаи]

ينفع بس لازم تركب سياره جراب رايح جاي لتوفير الوقت

 

[Mohamed Omar]

على العموم الجراب كار ب 75 رايح و75 جي

 

[Mohammed AbdeLraouf]

ينفع لو سيارة خاصه سريعه تلحقي والبرجين تحفه جدااااا

 

[Angie Abushady]

اه ممكن تلحقي و طبعا حلويين

 

[Ahmed Badrul Radzi]

ينفع طبعا بس خلي بالك الوقت يجري بيكي

 

[Ayman Awad]

من المطار الى البرجين حوالى ساعة ونص ... اعتقد انك مش هتلحقى

 

[Ashraf Awad]

لسة عاملها وكانت ٧ ساعات برضة
الموضوع هتخرجي هتلاقي تاكسي ابعدي عن بتوع المطار تتفقي معاه انه معاكي بالعداد بالكيلو متر
هاروح البرجين بتروناس لكن صعب تطلعيهم عشان الحجز وكمان تروحي مسجد بتروجايا جنب المطار وممكن مسجد السلطان المعروف بالمسجد الأزرق
دول هيدوب هياخدوا منك الوقت
تخلي بالك
مطار كوالا مطارين بيربط بينهم قطار انتي بتنزلي مطار ومن جواه بتاخدي قطار للجوازات ممكن تتعطلي شوية جواه عشان الزحمة
المشوار للبرجين حوالي ساعة
يعني لو لاقيتي نفسك الوقت بيضيع ولسة مخرجتيش
اكتفي بمسجد بتروجايا جنب المطار وخلاص

 

[Ashraf Awad]

 

[Ashraf Awad]

 

[Ebrahem Ghanem]

المسافه حوالي ساعه ساعه و ريع من المطار للبرجين بالتاكسي و هيكون حوالي ١٠٠ رانجت رايح و زيهم و انتي راجعه

 

[Enas Abusamra]

ينفع لانها من غير ڤيزا
بس المطار بعيد جداااااا

 

[Mina A. Zaki]

اه عادي من المطار اركبي القطر kl express ب 55 one way و 100 return و بياخد 28 دقيقه بس

 

[Adam Yusef]

اركبي قطر المطار يوصلك كي ال سنترال في خمسۃ وتلاتين دقيقۃ ومن كل سنترال للبرجين عشر دقايق

 

[Riham Ibrahem]

بصي الموضوع متوقف على واحدة السبع ساعات دول بتوقيت كوالا من الساعة كام لكام؟
بتروناس تاورز اللي هما التوين تاورز مفتوحين عشان تطلعيهم و تشوفي كوالا من اعلاهم صباحا باكر فقط و بعدد تذاكر محدد اخرك تمانية و نص صباحا و ممكن كمان متلحقيش لان التذاكر خلصت لازم بدري
اما لو عايزة تشوفيهم من برة بس و تدخلى المول بتاعهم فده طبعا متاح لحد عشرة بليل
ماليزيا كلها بتقفل عشرة بليل مفيش غير شارع العرب اللي بيبقى فاتح في كوالا
بس بليل مش حتعرفي تاخدي صورةعدلة
الطريق من المطاركان طويل مش فاكرة اد ايه بالظبط بس اكتر من ساعة و لو وقت ذروة ممكن اكتر خلي بالك
اخر حاجة تيكت طلوع التاورز كانت حوالى٨٠ رنجت تقريبا الرنجت زي الريال في القيمة
و مبيتعملوش غير بيه

 

[Najla'a Dawod]

خدي القطار الاكسبريس في نص ساعه تكوني هناك واستمتعتي ، ماليزيا تحفة

 

[Lulu Hasan]

و الله انتو احلى ناس.. متشكره اوي لكل من نصح و قدم خبرته