H
Hoda Abdallah
:: مسافر ::
السلام عليكم و رحمه الله
عاوزة اكلمكم عن رحله جميله جدا قليل لما حد بيذكرها هنا
لاننا بطبعنا بنحب الحياه و التنطيط و الانطلاق و بننسي خاااالص المكان ده
كنت دايما متشوقه اعرف شعورى هايكون ايه عند رؤيه الكعبه لاول مرة في حياتي
هو شعور غريب ، اللي هو الواحد مش مصدق انه واقف قدامها و ناسي كل الكلمات ، حاولت اجمع اي دعاء في ذاكرتي ما اقدرتش لقتني متلخبطه ، هو احنا كنا بنقول ايه !
وجودك وسط الاف البشر من كل الجنسيات حول العالم كله بيطوف حول الكعبه و عمال يذكر الله و يردد الدعاء بلغته و تداخل الاصوات و اللهجات المختلفه مع وجوه مختلفه حواليك
انت مش مستوعب كل ده
و في طريقك للكعبه تحت الشمس الساطعه تتذكر عذاب ال ياسر و صبرهم علي اذي الكفار لهم ، و كنت اتخيل رسول الله صل الله عليه و سلم و هو يقول لهم صبرا ال ياسر ان موعدكم الجنه . قد ايه اوائل المؤمنين استحملوا اذي و ابتلاءات شتي بقوة ايمانهم بالاسلام و بالرسول
و لما تخلص طواف و تروح تسعي بين الصفا و المروة سبع اشواط عملتهم السيده هاجر ام سيدنا اسماعيل بحثا عن ماء لطفلها الرضيع في هذه الصحراء الجرداء تحت الشمس الحارقه و طفلها يبكي و يبكي
7 اشواط طلعوا مسافه محترمه انا شخصيا هنجت بعد الشوط الرابع و فضلت افكر لو انا مكانها كنت قعدت جنب ابني اعيط معاه و نستني الموت ، اكيد كنت هافقد الامل في نقطه ماء في هذه الصحراء الجرداء
و طول ما انت بتسعي مخك شغال المكان النظيف الممهد المكيف ده كان صحراء جرداء لا زرع فيها و لا ماء
سبحان الله ، استجابه دعوة سيدنا ابراهيم بإعمار بيت الله الحرام
و حرصك علي انك تصلي كل صلاه في المسجد الحرام ، ماهو كل صلاه ب100 الف صلاه ياااااه ، ده الواحد بقي يصلي السنه و سنه فوق السنه عاوز يجمع score كبير علي قد ما يقدر
اما زيارة المسجد النبوي
و وقوفك امام قبر الرسول عليه الصلاه و السلام
و وقوفك بالروضه الشريفه
ياه انا قدمي واقفه في نفس المكان الذي كان يخطو عليه رسول الله
في المكان الذي حوى انفاسه ، بين الجدران التي حوت كلماته و احاديثه و تعاليمه
ربنا يتقبل و يرزقنا جميعا زيارة بيته الحرام
رحله رائعه تجدك فيها قد نسيت العالم و الاشخاص من حولك ، و كل الهموم
N.B
لم اكن اتخيل حجم نظافه المكان سواء المسجد النبوي او المسجد الحرام
مع كل هذه الاعداد الغفيرة من كل الثقافات
عاوزة اكلمكم عن رحله جميله جدا قليل لما حد بيذكرها هنا
لاننا بطبعنا بنحب الحياه و التنطيط و الانطلاق و بننسي خاااالص المكان ده
كنت دايما متشوقه اعرف شعورى هايكون ايه عند رؤيه الكعبه لاول مرة في حياتي
هو شعور غريب ، اللي هو الواحد مش مصدق انه واقف قدامها و ناسي كل الكلمات ، حاولت اجمع اي دعاء في ذاكرتي ما اقدرتش لقتني متلخبطه ، هو احنا كنا بنقول ايه !
وجودك وسط الاف البشر من كل الجنسيات حول العالم كله بيطوف حول الكعبه و عمال يذكر الله و يردد الدعاء بلغته و تداخل الاصوات و اللهجات المختلفه مع وجوه مختلفه حواليك
انت مش مستوعب كل ده
و في طريقك للكعبه تحت الشمس الساطعه تتذكر عذاب ال ياسر و صبرهم علي اذي الكفار لهم ، و كنت اتخيل رسول الله صل الله عليه و سلم و هو يقول لهم صبرا ال ياسر ان موعدكم الجنه . قد ايه اوائل المؤمنين استحملوا اذي و ابتلاءات شتي بقوة ايمانهم بالاسلام و بالرسول
و لما تخلص طواف و تروح تسعي بين الصفا و المروة سبع اشواط عملتهم السيده هاجر ام سيدنا اسماعيل بحثا عن ماء لطفلها الرضيع في هذه الصحراء الجرداء تحت الشمس الحارقه و طفلها يبكي و يبكي
7 اشواط طلعوا مسافه محترمه انا شخصيا هنجت بعد الشوط الرابع و فضلت افكر لو انا مكانها كنت قعدت جنب ابني اعيط معاه و نستني الموت ، اكيد كنت هافقد الامل في نقطه ماء في هذه الصحراء الجرداء
و طول ما انت بتسعي مخك شغال المكان النظيف الممهد المكيف ده كان صحراء جرداء لا زرع فيها و لا ماء
سبحان الله ، استجابه دعوة سيدنا ابراهيم بإعمار بيت الله الحرام
و حرصك علي انك تصلي كل صلاه في المسجد الحرام ، ماهو كل صلاه ب100 الف صلاه ياااااه ، ده الواحد بقي يصلي السنه و سنه فوق السنه عاوز يجمع score كبير علي قد ما يقدر
اما زيارة المسجد النبوي
و وقوفك امام قبر الرسول عليه الصلاه و السلام
و وقوفك بالروضه الشريفه
ياه انا قدمي واقفه في نفس المكان الذي كان يخطو عليه رسول الله
في المكان الذي حوى انفاسه ، بين الجدران التي حوت كلماته و احاديثه و تعاليمه
ربنا يتقبل و يرزقنا جميعا زيارة بيته الحرام
رحله رائعه تجدك فيها قد نسيت العالم و الاشخاص من حولك ، و كل الهموم
N.B
لم اكن اتخيل حجم نظافه المكان سواء المسجد النبوي او المسجد الحرام
مع كل هذه الاعداد الغفيرة من كل الثقافات